ياهاجسي من بعد ماهبت النود
 

السلام عليكم ورحمة الله وبركاته

ياهاجسي من بعد ماهبت النود=هات البيوت الشامخات الشريفه
الشعر اله عندي مواثيق وعهود=ولا يمكن اخونه بكلمه ضعيفه

ياهاجسه من بعد ماحصل الفود = عليه تقديم البيوت الطريفه
شفت المطر يمطر بلابرق ورعود= وشلون هذا من يقدم بريفه

انا وردت العد ياراعي الذود=وشربت في كفي وذودك نكيفه
ترى المطر يأتي من الغر والسود=والبرق بعيونك تناظر رفيفه

الله يعافيك يابو توتووهذي شهاده اعتز فيها
وسام علي صدري

عساك يالصارم على طول في زود = ولاني بحاسد من تسلم وظيفه
ذودي على هداج ماهو بمحدود = ارد ولا هاب الدروب المخيفه

سلام عليكم

ارحب يالشبطي عليك السلام

وانته ياجعل الله يزيدك بمجهود=واتحقق اهدافك يالو هي كليفه
وش لون تنكر وانت حاوي ومردود=وسط النفود اللي بوادي حنيفه

بصلي واجيك

طيب طيب


حتى انا بصلي

الأوله راحت على الشيخ محمود == ماصار يفرق بين صيف ووخريفه
وانصحك لا تسمع لخاسي ومقرود== أوقف على عضامك ولو هي ضعيفه

المشكله باللي بلا زند واعضود=يبغى الرغيف ولا حصل له رغيفه
لاتوصي اللي امعرب الساس بجدود=عينه تشوف الدرب ماهي كفيفه

لا تجحد المعروف ويصير مجحود == ازنادنا عنكم تقطع وحيفه
وانا معرب ساس ماني بنمرود == ومسمع لقول الساقطه والهديفه

مالك عليه فضل (بين) ومشهود=ياللي تحسب ان الثقيله خفيفه
الشك والريبه تجي كل مضهود=ومتعب ولد شعبان يعرف وصيفه

الفضل واضح يوم عاهد ومعهود == يومن حرب تقول وين العريفه
واللحين وضعك كله اسهود ومهود== وابن شعبان ينومس القوم كيفه

الليل يالصارم ولا سرينا

ذاك الزمن والسيف شاهر ومجرود=وانته بظل اهل الخيول العسيفه
الله يعز الحكم ويعز آل سعود=من بعدهم بعض العرب له رزيفه

ذاك الزمن والسيف بالفعل موجود == وبضل ربي مانعرف الحليفه
ولاعاد تذكرلي مواثيق وحدود == وسادتك كبر عليها القطيفه

اخوي الصارم شاعر ومافيك حيله واستاذنك والله عندي شغل
وتشرفت بالعب معك وسامخني على القصور والله انك كفووو

استودعكم الله

الكبر للي دايم البيته اوفود=ومتعب لا طال الدرب بكره يعيفه
الحبل مثني لك يامتعب ومعقود=ياللي تجاهلت البحر مع مصيفه

صح اللسانك يامتعب وماقصرت وشرفني اللعب معاك ولا عليك زود

صح بدنك ياعميان

الــــصــــارم,متعب الشعب

صحت اللسنتكم جميييييع

ولاهنتم على هالطاروق الراقي

ويستأهل الختم

ومبروك لقب شاعر وتستأهلون كل خير