بقول قصه قصيره يمكن تعجبك=اثنين حبوا بعض والوقت فرقهم .
اكمل الباقي !! والا يكمله قلبك=خله يعلمك بـ كثر شي ضايقهم

اللـي بعـد ماغـاب عنـكـم بكـيـتــوه=كـم صـار لـه مـعـكـم ولحـدٍ درابـه

ياليتـكـم ملتـوا عـلـيـه وسـألتـــوه=ســؤالكـم يمـكـن يغـيّـر جـــوابــه

لكـن خذيـتـوا كـل شـي وتركتـوه=لضيقـــتـة ولعـزلـتـه واغـتـرابـه

اليـوم بـس اليـوم يعـنــي فـقـدتــوه=وهو له سنه من يوم ما اقفت ركابه

لو كان فيكم خير .. كنتوا ذكرتوه=قبل الزمن يسرق ملامح شبابه

يعني عشانه ما اشتكى .. ما سمعتوه=هذا الخطأ اللي ما حسبتوا حسابه

ليلـةٍ لـك .. وليلـه بالفـرح مــا تـطـول=وليـلـةٍ مــن شهـدهـا ذب راس الجـبـل

أتذكّر فـي عيـن الشمـس طفـلٍ خجـول=شالتـه فـي هدبهـا وقــت لـيـن إشتـعـل

أعجب الناس وهجه بالجدل والفضـول=ما دروا عن (جمال الجرح) لين إندمل

ما أتفه الشعر كانه هالحكي اللي نقـول=لا تـعـدى المـديـح ولا تـعـدى الـغــزل

إن لثمت الزهـور وصاحبتنـي الحقـول=ماهقيت ان صافي الشهـد عيـب النحـل

مابقى في ضلوعي كـود ريـح معمـول=وثـوب شـاشٍ عليـه مـن الندامـه وحـل

شدو بدو قلبي عن ديار قلبك=والبدو لا شدو عن ديار يبطون !
واليا انشدوك الناس وش كان ذنبك ؟=قل { البدو لا عافوا القاع يمشون }

يوم حدر علينا الغيم الادهم بسيله=قلت والشوق روحي تلها من وصلها
جعل ديرة حبيبي للمطر كل ليله=وابله لا يضر ولا يكدر اهلها

شدو بدو قلبي عن ديار قلبك=والبدو لا شدو عن ديار يبطون
واليا انشدوك الناس وش كان ذنبك؟=قول : البدو لاعافوا القاع يمشون
أقفت إركابي ماتبي عذب شربك=طبع الكرام ان شافوا الضيم يقفون
على الهماج آرد ولا آرد لـ / عذبك=في سلومنا المقفين عيبٍ يردون
للشرق دربي ان كان للغرب دربك=ماعاد تجمعنا مدينه على الكون
راحل وتارك لك { غرورك و كذبك }=يمكن بقربك عن غيابي يسدون
ضيعت اجمل وقت عمري بـ جنبك !=ضحيت يوم ان الحبايب يضحون
بس انت ما تستاهل أبقى بـ قربك !=اشك ان لك قلب وإحساس وعيون
وقفت مثل السيف صامل بـ حربك=في موقفٍ حتى القرايب يصدون
ويوم الله أمّن خوف قلبك ورعبك !=خليتني مابين ( ضيقات وظنون )
والحين ابرحل وانت ابخص بـ ذنبك=والجرح يتشافى مع الوقت ويهون !
شدو بدو قلبي عن اديار قلبك=والبدو لاعافوا لهم قاع يمشون

يابو فيصل خذت روحي فلانيّه=اجوديه وابوها مزبن العاني
كنها مهرةٍ شقره سنافيه=تفهق الخيل لاطبت فـ ميداني
هيّظتني وانا نفسي هواويّه=مالها دون من تهواه سلطاني
وان خذتني معاها بالوصل نيه=ماورى نيتي بالوصل شيطاني
حر والحر له حره نداويّه=طيبها كم عليه الطيب وداني
طيّحتني بنظرة عين بحريه=يوم قالت كذا واختل ميزاني
مير ابسألك ياريف الخلاويّه=وانت شاعر ومن ذربين الايماني
كيف تقدر تصيد الذيب ريميه=والظبي ماله الا الذيب سرحاني؟

ياشريف الحروف وطيب النيه=فاح شعرك لنا مسكٍ وريحاني
احرقت خافقك بالمربعانيه=شيخة الغيد حتى قمت تنخاني
كني أشوفها رثما سنافيه=خلت عيال مكه في خبركاني
ان زهت بالثياب البرجوازيه=ضيعت كل مطنوخٍ وقوماني
كانها بالدراهم خلها ليّه=كل مليون لاجل الترف مجاني
وكانها بنت عشّاقه هواويّه=بيت شعرٍ وتنساكم وتنساني

اخايل هدب عينك وانا قبلها ماخلت=سوى بارقٍ صوب الجماعه وموطنها
انا كل ماتطري عليّه عيونك قلت=عساني على طول العمر ماخلا منها
تهلي : عيوني ياهلا ومرحبا لاقبلت=وتهل : الدموع ان شافتك مبتعد عنها
تغيب وتخليني أحاتيك لاطولت=وانا ادعي عسى غيبتك ربي يهونها