|
ابيات رثا في صديق حي
رواد هذا الصرح الشامخ فيه صديق وعزيز ومن ركايز الشبكه ولكن اختفا من مده طويله وانتم تعلمون من طول غيابه يشبه الميت حبيت ارثيه وهو حي وهو الاخ العزيز ناصر صويان الشويلعي وسوف اسوي مرثيه اخرى بشخص اخر اذا مابين خلال اسبوع
مرحوم يارجلن رثيته وهو حي= والحي غيباته تساوي مماته العام في وسط المحافل يغني= واليوم ماباقن سوى ذكرياته انكان سبت غيبته حاصلن شي= ارج الافاده من طوارف عزاته ناصر سمي اللي لربعه يحيي = اللي عس ربه يطوال حياته ههههه والدور للي في ضيوفه يهلي= انكان مابين ذكرنا وفاته ههههههههه |
الله الله الله يا صديقي وضاح أشهدنها مرثية من الوزن الثقيل والمرثي يستاهل وكلنا والله فاقدينه حيل .
وينك يا ناصر صويان نرثيك وانت حي جاوب نداء صديق العمدة وعد لنا . عموما: حسب المعلومات المتوفر لدية أن ناصر صويان تزوج من المغرب الشقيقة واشتراء أبل واصبح كل وقت في البر ..طبعا من مصادر خاصه.. |
ياخو مزنه صح السانك وانا ماعرفتي عنه بسيطه ولكن صادفت اليوم وحنا عند احدى مشايخ البصره على القهوه بعد صلاة الفجر رشيدي من اهل نجد وقال بعد ماشاف مرثية وضاح انا سمعت بسبب انقطاع بن صويان
يقولون راحو قنوص هو والمعزب وبعض جماعتهم وكان مع ناصر طير حر وطلع على حبارى وهدوه وكان المعزب معه بندق ويقولون اللي يعرفون المعزب بان طلقته ماتوقع الا بلحم والمعزب من شفقته على الصيد رما وذبح الطير والحبارى في طلقه واحده غضب انت ياناصر شديد الغضب وقال للمعزب من اليوم لاعاد تمشي معي المعزب ندم على مافعل ودور للحلول وجاب جاهيه على ناصر صويان وهم المدير ابو محمد والعمده ناصر خنيفر وسعد عادي وشاعر الصعاليك وابو توتو وفديغم حضرو الرجال عند منزل الشيخ ناصر بن صويان ورحب بهم واكرمهم ولكن المشكله رفض جاهيتهم فزعل ابو محمد مدير الشبكه قال لناصر صويان والمعزب لاشوفكم داخلين الشبكه فشلتوني بالرجال اللي لهم قيمتهم هذا ماسمعته |
إقتباس:
شكرا ابو عادي على الاطلاع السريع ولكن البرمكي كلامه غير ننتظركلام الاخوه المقربين منهم |
إقتباس:
لاحول ولاقوة الا بالله اثر الدعوى كبيره مشكور ياخو فطيما |
هلا بالزيدي والبرمكي معاً
ناصر صويان موجود مامات بس لبسوه قناع القوات الخاصة اللي تخبرهم يازوينان ومشكلته مع المعزب اللي يقول البرمكي انحلت وطرحله قناص الضواري طير ورضى وابوتركي يعرف وينه بس مايبي يقول لنا يبيها مفاجئه هههههههههققق ودي تسوي مرثيه بالعير والفحل وقصورة الغاب وابو ذيل وشاعر الجيلين تكفى يابو يمن اجملهم لهم بمرثية ولك مني جايزة |
هذاناص و المعزب محلقين فوق اجواء اغادير متجهين لرفيعه رحبو بهم جوعانين والمعزب من زود الكرم شف وش سوى هههقق |
إقتباس:
ابشر ولكن انا قريحتي تقفل ولا تفتح الا عند حصاد القات بعد سنه انتظر بعد سنه وابشر |
إقتباس:
عقب الحباري لحم ضبان= يالله ياربي لاتبلانا مصمص عضامه تقل جيعان= لاحول يابن صوينا واللي قبل يكرم الضيفان= اليوم غداه ضبانا ههههههه |
مع السلامه ابا اعشي بتيوسي بسفح الجبل وباكر اشوف ولكن تكفون لاتخلوني تراهم اليا وصلهم العلم تبا تقبس
|
http://forum.mn66.com/imgcache2/866974.gif
علـى الأطــلال وقـفـت الركـايـب وشفت من الزمن شـي عجايـب بكـيـت وهـلـت الـعـبـرة عـيـونـي على خدي نـزل دمعـي سكايـب بـعـد ماشـفـت دارٍعـقـب أهـلـهـابها الوحشة تحـط الـرأس شايـب بـقـايـا مـــن مبانـيـهـا الـقـديـمـة شموخ أطلالهـا يشكـي النوايـب تـهـاوى نصفـهـا والنـصـف الآخــرتصـافـق فـيـه صلـفـات الهـبـايـب سكنها البوم عقب اللي سكنهـاوبـنــا عـــشٍ لـربـعـه والـقـرايــب رحـل منـهـا الــذي شـيّـد بنـاهـارحيـل مـن رحــل بــه غـيـر آيــب لــهــم فيهـامـداهـيـل ومــاءاثـــرهـل الطـالـة مخلـصـة النشـايـب وبقت تشهد عل الماضي وتبكي على اللي بالثرى تحت النصايـب فـهـذا مجـلـس الشـيـخ المـوقـرصلـيـب الــرأي فـكـاك الـطـلايـب بعـدمـا كــان منـصـا للنـشـا مـــاكــرام الـحـي متـعـبـة النـجـايـب بنـاء السافـي علـى بابـه رمـالـهوغدا عقب السعد قـش وخرايـب وهذا المسجـد اللـي كـان عامـروبـــه كـــان يتـبـتـل كـــل تـائــب بـقـايـا سـقـفـه تــعــزي ركــونــه وعنـه الـذكـر صــار الـيـوم غـائـب جعـل فيهـا الزمـن للنـاس عبـره ولافـالـوقـت وطـبـوعــه غــرايــب الايـاجــاهــل فـالــوقــت فـــكـــرتـرى ماعـنـك دون الـوقـت نـائـب |
إقتباس:
هههههههههههه ليت ماهو شاعر الصعلوك اللي يهرج ياخو فطيما خابره ماعلى فمه ستر ههههههه الرجال رفض وحاولنا فيه لكن حسب ماسمعت ان معه نفسيه وتزهل بالوضع ابو عيسى يبي يدرجه له بكم ايه لعل وعسى يطيب ويقولون ماعليه ان تم له الله بالعافيه |
صح السان ابو مزنه وبشرك الرجال طيب وبخير ولا يفارق ام الرقيبه يبيع ويشري00000
|
إقتباس:
والله اني توي جاي بالصدفه ؟ حياالله اخويانا وش لونكم عساكم طيبين اسمع اسمع ياخو مزنه قدام لايشهربنا حاتم الطي=الي على المحتاج يضفي عباته جيته معي شلفاي دام اللحم ني=قدام فوق النار يشوي شواته ابمنعه واهدده لايسوي=من شان غيره مايسوي سواته ههههه وناصر صحيبك راقبوه اهل الحي= عند القصيمي مايخلي صلاته هههههه في حارتاً سكانها كلها الحي=مطاوعه ومعلمه عن حياته محصلين اسمه على الجامة الجي=الشيخ ابو عوجه وهذي صفاته هههههه |
إقتباس:
|
إقتباس:
|
صح لسانك يا اخو مزنه ، والرجال حي يرزق
وانت تبي تذبحه وتبكيه ههههههههههههه لكن شف المعزب علمك بالعلم الطيب هههههههههههههههه |
صحت اللسنتكم جميعاً
والله يرحمه مقدماً هههههههههههه |
إقتباس:
|
صحت السنتكم والاسبوع القادم نلفت النظر في الرموز المعروفه بالشبكه والذي طال غيابهم بدون علم ولا سبب
|
مشكور ياوضاح وكانت الفكره على بالي ولكن سبقتني كما نشكر الشاعر الكبير المعزب صاحب الاخلاق العاليه
وحمد ربك ان ابو خالد تدين وترك الشعر وراح مع اللي ذكرهم المعزب ولكن ياخوفي انه باكر يلولح اسمه مع هههههههه على كلا حنا لم تصلنا المعلومه الكافيه حيث سعد عادي قال عنه مقال والبرمكي قال والمعزب قال ولكن اعتقد ان كلام المعزب هو القريب من الصواب ننتظر عل وعس يطلع ابو خالد وتتضح الحقيقه |
هههههههههههه
صح السانك ياوضاح اليمن وصح السانك ياالمعزب ويعطيكم العافيه على مشاركاتكم الرائعه والاخوان اللذين علقوا على الموضوعbani-3abs;)bani-3abs;)bani-3abs;);) |
صح لسانك يا اخو وضحى ملاييين يا شاعر اليمن العظيم ، لو انك ذبحت الرجال وهو حي يالزيدي هههههههههههه بس ما عليه هههههه
|
| الساعة الآن +4: 05:06 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
