يا أهل الشعر اشتقت لكم .
 

السلام عليكم
ويسعد لنا مساكم جميعا شعراء متابعين زوار هذا القسم القريب من قلبي ويعلم الله أن ابتعادي عنه في الفترة السابقة كجسد فقط والا معكم دائما .
حبيت أسلم عليكم وأخذ أخباركم وأتطمن على حاضركم وغايبكم .

طابت أيامكم ولياليكم .
أخوكم سعد .

الرحب تراحيب المطر يا سعد عادي حياك الله بين ربعك وخوانك
ويعلم الله انا مشتاقين الحضورك بينا وتشجيعك ومتابعتك للجميع
وخبارنا ابشرك تسرك امطار وخيرات وصيد اما الطواريق ماهي على خبرك
العالم انشغلت لاكن البرد رايح يجيبهم وترجع لفرق اللي انت خابر الله يحفظهم ويردهم با السلامه

مرحبا يابو عادي الاخبار طيبه ولكن الربع تبعثرو اللي قناص واللي مخيم بالبر واللي تكبر علينا امثال الزيدي والمعزب والعراقي وبو توتو والسيف القاطع وراع الهاف وطنطاوي وشاعر الصعاليك وانا سمعت وذمتي بريه ان احدى المواقع قدمت لهم عرض مغري وعلى ذمة الراوي يقول كل واحد عطي سياره من النوع الفاخر ودرمة دراهم وانهم على وشك الرحيل وانا ادخل على الله وانت تدري المثل يقول الطمع خراب الدين هههههههههه

هلا ابو معمار عطنا الطاروق في موضوع جديد

حياك الله
ومرحبا فيك
ياسعد عادي
اهلا وسهلا

تراحيب يابن عادي انورت واسفرت

ابشروا ان ديار عبس جاها خير وفالها الربيع

مرحبا يابو جوري وحياك الله نور المنتدى بوجودك طال عمرك
وهذا من طيبك وطيب اصلك ولا خلا ولا عدم من طلتك
والحمدلله الاخبار بخير جعلك بخير وبشرنا عنك جعلك بخير ومثل ما قال السيف القاطع يجيبهم البرد هههههههههههه
اعداد ما ترعد مزون الخير وتهل المطر=يامرحبا بك ياولد عادي عسى اسنينك طوال
مثلك يشرفنا ونفخر فيه لامنه حضر=لانك من اشيوخً لهم تقدير من بين الرجال
ياجعل منهو عقبك في وسط جناتً خضر=وياللهِ تغفر له وثماً ثبته عند السؤال