|
طاروق للتحليل ياشعار ارجو الدخول والمشاركه
احبائي انا انتقدت بنك الشعر على موضوعه اللي فيه كلمة ابي شاعر قوي اهينه ورديت عليه بمحاوره بيني وبينه حتى يعرف للشعار حقوقها وانه من العيب انه يقول ابهين احد المهم هو قال اعرض طاروقنا للتحليل حتى تعرف انك منت شاعر وانا ابيكم تحللون الطاروق حرف حرف وانا راضي تمام الرضا باارائكم وانا بالنسبه لي اخص بالتحليل خمسة اشخاص والمجال مفتوح للجميع (( مصفي المرح - قسورة الغاب - شاعر الصعاليك - طنطاوي = ابوتوتو )) واخوي بنك الشعر يختار من يريد وللعلم المجال مفتوح للجميع والقصد من الموضوع الفائده البدايه كانت عندي حمد البارقي يابنك يابنك الشعر ياللي ماتلقالك عميل =لن الحكومه سكرت بابك ولقوك الخلا يابنك في كابول من ماض الزمن مثل المسيل = مره ينقع بالجبل مره ينقع بالفلا بنك الشعر لن الحكومه كلها ماتعرف الوزن الثقيل = ولا اهل الاموال عندي يابيض الوجه عملا كابول دارك وانت دارك ماش زرع ولاحصيل = والسيل ماينقع على الضلعان يامال البلا حمد البارقي اثره راع المال يلقى من جهتك اكبر حصيل = وحلو التعامل معك ياللي مانقص وجهك حلا ياللي بحث ل الناس لاتسري مع الليل الطويل = وتصير عبره ثابته وموثقه عند الملا بنك الشعر راسك لواحطه براسي دون حط ودون شيل = امر قدم الباب وانادي ياحمودي علا حنا نعلمك البناء لكن مافاد الجميل = عقلك مايستقبل علومي يوم حجر وامتلا حمد البارقي مايتوب بنك الشعر لونه بلع خرطوم فيل = لاشافني يهز راسه لان في صدره جلا يااهل الجنوب اليا لفاكم ضيف يلقاله مقيل = تستقبلونه بالصدور البيض من زود الغلا بنك الشعر لاشفتني طنطي براسك وذكر الوقت الجميل = يوم ن بطنك كبر من ماذاق ياحلو وكلا اضحك على تفكيرك وعقلك مع الشيخ الجليل = ماتدري انه طبق اصول الصداقه والولا حمد البارقي ماني سواتك فاقد النوماس والساس الاصيل = حنا صقور الجو ماياتي سمانا ابالعلا اضحك عليك وتضحك الشجعان بك لانك حليل = من عرض وجهك نضربك بالكف وترد بهلا بنك الشعر العز والنوماس عنك ابعيد يالوجه الذليل = ابعد من احدود النعيريه عن احدود العلا كفك قصيره لوترفعها معي سيف ن صقيل = يقصها وان قصها خاطرك في همه سلا حمد البارقي دفترك ياوجه الضما فيه المربع مستطيل = والدايره عند المثلث في مباديك زملا وانته حصان بلاعنان وباللزوم بلاصهيل = هذي هي اسباب ن تخل البنك من دون عملا |
اخي حمد البارقي تحيه طيبه وبعد،، اخي الكريم بصراحه هذه المحاوره ليست جيده على الاطلاق فالمعنى مكشوف واللعب بينكم كأن بينكم ثار وسب وعلى مقولة أخواننا في الجنوب اكل ومرعى وقلة صنعى ، فلم نستفد منها لا معنى مدفون نستمتع به ولا محاوره بمعناها االحقيقي فمع احترامي لكم هذه محاورة صغار وليست لمن هم يحسبون للنقد ويحرصون على الفاظهم من النزول والهبوط الى مستوى ردئ جدا.
إن شاء في المرات القادمه كلي امل بآن نقرآ منكم لعب آفضل من هذا بكثير ، وارجو آن تتقبلوا النقد الهادف. |
حد الرهيف
لم يطلب منك رايك بالمعنى المقصد الشعر والفتل والنقض وهواختار شعار لا يملكون المجامله ويعرفون كل حرف واحسن الاختيار ننتضر اختيار البنك ورده بالموافقه ونحن نريد ان نستفيد من التحليل فلا تحرمونا من العطاء بمثل هذي المواضيع |
إقتباس:
وانا من وجهة نظري انها محاوره فاشله ولا لها سنع وليت الناس كلها مثلك ماتجامل |
ابن وائل شكرا لك قلت اللي مالحقت اقوله انا ووجهة نظر حد الرهيف على راسي من فوق
|
ابن وايل انا على علقت على المهم حتى لو كان قصده اعلق على الاقل اهميه وهو الفتل والنقض وما الى ذلك فلا فائده من مدح العريس وكيف اخذ المهره الاصيله والعقد باطل.
|
انا مع الحد الرهيف وهاذى وجهة نضر
|
العنوان لشعار والتحليل مختصر؟ وجهة نظر بدون مجامله اول بدايتك يا البارقي ..شبهت البنك با المسيل با الله شوف الفرق بين البناء والوادي؟
ياليت ماقلت؟ : إقتباس:
وقتها نضع بنك الشعر في مسيل صح هههههه بنك الشعر....... مع احترامي لك انت شاعر عذب ولاهو قصور با البارقي لكن هذا البيت اعتبره من شاعر جاهل؟ إقتباس:
بيت ناقص بيت لايليق في مقامك : إقتباس:
لحيث المحاوره فاشله بين الطرفين ؟ شعار كبار منكم نتعلم لاكن يااللأسف خاب الظن فيكم ؟. طيب تحديت شاعر و هناك مداخلات خاريجيه ياليت تبقى بينكم وعدم كشف مايدور بينكم امام الجميع هذي وجهة نظري وااذا وجهت نظري تزعلكم ثقم تمام الثقه اني دبل زعلكم بعنوان المحاوره برغم دخول الشعار؟؟ على كل حال نتمنى لكم التوفيق والمزيد من التقدم ولابتعاد عن هذهي الامور التي لاتليق فيكم اعتذر عن وجهة نظري القاسيه لاكن الزعل له حق علينا |
إقتباس:
كلام في الصميم وبيض وجه وعزالله المحاااوره فاشله لكن البارقي مسر ان الناس تقراها وتشوفها والله يعين والزعل بيني وبينك ممنوووع يالشاطي المهجوور وانت اخو عزيز |
الله يسعد الجميع وانا شفت اسمي موجود من ضمن المحلليين ههههه الحمد لله مانساني
مع اني كنت متواجد لحظة المحاورة وكنت انتقد البارقي وبصف البنك ههههق المهم التحليل طلعت النتيجه وهي ايجابية يعني الكل منكم يتجهز للتوقيف صراحة انا زعلت في بدايات الامر على البنك عند ماممر البيت الاول لحمد البارقي ولم ينتبه له بشكل عام (على نياتهم يرزقون هههه) وتم تذكيره من قبلنا وبزعل لأني كنت متوقع مساجلة ممتعه لأن هناك ثار بينهم وانا ابتصيد عليهم كلهم ههه المهم لم يوفق البنك بنقض البيت الاول نقض تام وكان بوادي والبارقي بوادي هذي وجهة نضري انا بس تدارك البنك الوضع وبداء يستشعر الوضع لكي يتمشى مع البارقي ولكنه يكابر في غلطته ولا يريد ان يبين ذالك المهم البارقي استفاد من ذالك في بداية المساجلة وقد يتقدم بكل ماتعنية الكلمة على البنك حتى اتا البنك بكاسرت ضهر البعير وهو عندما يقول : لاشفتني طنطي براسك وذكر الوقت الجميل = يوم ن بطنك كبر من ماذاق ياحلو وكلا اضحك على تفكيرك وعقلك مع الشيخ الجليل = ماتدري انه طبق اصول الصداقه والولا وعند ذالك يكون الوضع والنتيجه 2/1 للبارقي والمساجلة بأكملها مكشوفة الراس والاذاني والهدف منها اختبار القدرات لبعضهم وكلهم شعار يستااااهلون ان يوضع امام اساميهم شعار ولكم مني كل الاحترام والتقدير هذي وجهة نضري تخصني فقط ولا ادري لوني حادرن لي وادي نتمنى النقد والتحليل وبكل شفافية وبدون مجاملة لكل شخص تم اختيارة مع العلم انني اعلم ان المذكورة اسمائهم عندهم خبر ولكنه لا يريدوووون الاحراااااج كل عام وانتم بخير |
وجهة نظر البااارقي ممر مطب صناااعي كبيررر جداااا
ولم يشعربه البنك يابنك فيك ابول ماعليش يالبااارقي الضااهرر انك اللي على بااالي دايم راعي تمريرات |
صحت السنتكم يالبارقي ويابنك الشعر
وانت ورطتنا مع التحليل ، وانا على قد حالي هههههه وانتم شعار ما انتم بحاجة تحليلي ، ولكن اعتبروها وجهة نظر تحتمل الصواب والخطأ . البارقي يابنك يابنك الشعر ياللي ماتلقالك عميل =لن الحكومه سكرت بابك ولقوك الخلا ( بداية يقول البارقي انك يابنك ما انت مع الشعار تلعب معهم والشعار الكبار ما يعطونك وجه وطنشووك ) يابنك في كابول من ماض الزمن مثل المسيل = مره ينقع بالجبل مره ينقع بالفلا ( بيت لايوجد به معنى ، وأنما مطب صناعي ) بنك الشعر لن الحكومه كلها ماتعرف الوزن الثقيل = ولا اهل الاموال عندي يابيض الوجه عملا ( نقض جميل ويرد عليه ان الشعار ما يعرفون الشاعر المتمكن ، والا الشعار اللي عليهم الكلام دائما العب معهم) كابول دارك وانت دارك ماش زرع ولاحصيل = والسيل ماينقع على الضلعان يامال البلا ( لم يكن النقض بالشكل المطلوب ، وانما مر اللغم بسلام ) حمد البارقي اثره راع المال يلقى من جهتك اكبر حصيل = وحلو التعامل معك ياللي مانقص وجهك حلا ( وهذا مطب اخر لا يحتاج لشرح هههههه ) ياللي بحث ل الناس لاتسري مع الليل الطويل = وتصير عبره ثابته وموثقه عند الملا ( وهنا يشير البارقي الا انك لا تروح بعيد ، ولا انتبهت للمطب والناس بكره تشره عليك وتنتقدك ) بنك الشعر راسك لواحطه براسي دون حط ودون شيل = امر قدم الباب وانادي ياحمودي علا ( ليس بالنقض الصحيح ، واتوقع ان البنك حاول يركب لغم على لغم ههههه ) حنا نعلمك البناء لكن مافاد الجميل = عقلك مايستقبل علومي يوم حجر وامتلا ( نقض جيد ولكن ليس في موقعه الصحيح ) حمد البارقي مايتوب بنك الشعر لونه بلع خرطوم فيل = لاشافني يهز راسه لان في صدره جلا ( لا تعليق ) يااهل الجنوب اليا لفاكم ضيف يلقاله مقيل = تستقبلونه بالصدور البيض من زود الغلا ( يعني اذا جاء شاعر فانه معك لا يحتاج لكثير من التفكير لانك واضح ومكشوف لعبك ) بنك الشعر لاشفتني طنطي براسك وذكر الوقت الجميل = يوم ن بطنك كبر من ماذاق ياحلو وكلا ( لا تعليق ) اضحك على تفكيرك وعقلك مع الشيخ الجليل = ماتدري انه طبق اصول الصداقه والولا ( يقول اني اضحك على اسلوبك وطريقة لعبك ، وانت ما تدري اني العب نقض وفتل وانت لا تجيدها ) حمد البارقي ماني سواتك فاقد النوماس والساس الاصيل = حنا صقور الجو ماياتي سمانا ابالعلا ( ماني مثلك لا اجيد لعب المحاوره ، والا انا من الشعراء المتميزين ) اضحك عليك وتضحك الشجعان بك لانك حليل = من عرض وجهك نضربك بالكف وترد بهلا ( انا اضحك عليك وكذلك الشعراء لانك شخص ما تعرف للمحاورة ، نفتل لك البيت ولا تعرف تنقضه ) بنك الشعر العز والنوماس عنك ابعيد يالوجه الذليل = ابعد من احدود النعيريه عن احدود العلا ( يقول انك لست شاعر وانك غشيم ) كفك قصيره لوترفعها معي سيف ن صقيل = يقصها وان قصها خاطرك في همه سلا ( بيت جميل ولكن ليس بالقوة المطلوبه ) حمد البارقي دفترك ياوجه الضما فيه المربع مستطيل = والدايره عند المثلث في مباديك زملا ( لا تعليق ) وانته حصان بلاعنان وباللزوم بلاصهيل = هذي هي اسباب ن تخل البنك من دون عملا ( والحصان اللي بلاعنان ولا صهيل معروف ، وهي من اسباب ان الناس ما تلعب معك هههه ) |
الشاطئ المهجور العتب مرفوع ابد وكلامك ووجهة نظرك تحترم نحن من استشرناك ورائك يحترم ونتمنى ان نكون عند حسن ظنك بالمحاورات القادمه الداب الارقط لاوالله ماني الشاعر اللي في بالك لان اللي في بالك انا اعرفه زين واشكرك على هذه اللمحه على الطاروق ابوتوتو=== انت ماتنسى انت من الشعار اللي يفهمون المعاني وانت ذكرت بعض الاشياء التي هي بمثابة الخطوط العريضه ولم تفصل وانا اشكرك على جهدك واعلم ان لديك الكثير لكن لمحاتك التي ذكرت مثل القناديل المضيئه شكرا لك شاعر الصعاليك بيض الله وجهك ووجه من مر اوتابع اوعلق على الموضوع انت نبي نفتح لك مختبر لحالك للتحليل عزالله انك بريت ذمتك كل شي ذكرته ولوان فيه بعض الامور البسيطه التي اعتبرها من مقولة (( المعنى في بطن الشاعر)) وانت ذكي وشاعر وتحليلك وانتقادك في محل اعتباري وشكرا لك بانتظار باقي الشعار للتعليق وخصوصا المدرجه اسمائهم ((والعتب مرفوع)) |
| الساعة الآن +4: 04:22 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
