هلا يامرحبا يامحمد طيب الساس=يقوله شاعر مارضى لك بالمهونه
على قول المثل للحيا ياتيك عساس=لكن ماكل من جاب علم يصدقونه

عسى فيك البقا والمهونة مالها راس=رضيت او مارضيت الوجيه الها حصونه
ليا صار إن من وصل الاخبار هلاس=سفيه اللي على علمه يعني ظعونه

محمد ندري انه يحاول يرضي الناس=لكن يامحمد ارضى البشر ماتقدرونه
الا ياكليب مانتب رخيص عند جساس=ولكن جاه من حرضه واعمى عيونه

ليا ارضيت الله.. الناس في ستين مقباس=ولاني تابع الناس أسوي مايبونه

ثلاث شهور أبا أبعد الكهرب عن الماس=ولكن فيه ناسٍ خباث يقربونه

كلامك يامحمد ذهب منقوش بالاماس=عسى يلقى عوارف كماي يقدرونه
انا وشلون اصدقك وانته في يدك فاس=وتقطع غرس بدو تظللهم غصونه

على قول المثل والرجال أشكال وأجناس=وهذا من نمونه وهذا من نمونه

أنا يوم أحرم أهل النخل من ظل الأغراس=أبا ادخلهم ببيتٍ وساعٍ ركونه