|
هناء
على الله ياارفيق الدرب وبعدالله صباح الخير==تفضل قدم عبدالله سكون العاصفه عانه
نبي ننشدك ونسولف قبل نسمع وصيص الطير=عساك الصاحب اللي مانقص قدره ولاشانه |
بمناسبة دخول نجم سهيل وموسم البراد والمطر بإذن الله أهدي لكم هذه الأبيات التي أعجبتني: جاك الفرج يا منتظر طلة سهيل.........أبيات الشاعر راشد بن سالم المنصوري جاك الفرج يامنتظر طلة سهيل ---- أيام وتذعذع نسيم البرادي برز زهابك وانتبه للمعاميل ------ واختار من صفر الدلال الجدادي خذ ماتبيه وزود البن والهيل ----- يكفيك لين تعود صوب البلادي واوصيك انا في العزبه ام الفناجيل ---- زود عددها لاتصير اقتصادي واختار خوة طيبين الرياجيل ---- اللي لهم رغبه بقطع البيادي اهل العلوم الطيبه والتماثيل ---- اللي سوالفهم لجرحك ضمادي من طيبهم تقول ذولا مهابيل ---- اهبال طيب ولاعليه انتقادي انصوا ديار عمها وابل السيل ------ جانا خبرها والعلوم بوكادي حيا وفيا للحباري مداهيل ----- شي قديم وشي لفو جدادي تغانموها بدهم كنه الليل ----- غريب لون ومايل(ن) للسوادي العام فعله واضح بالتفاصيل ------- عليه شرط انه الاهد صادي ولا اشقر سوات لون الغناديل ----- لاشفت وصفه قلت ماهوب عادي من قال فيه تقول خل الاقاويل ----- هذا هوى بالي وغاية امرادي من فعله الهارب تشوف الغرابيل------- يموت في طرد المقفي اعادي وبعد الغروب ايزين وقت التعاليل ----- كل يقول افلان بالفعل زادي سوالف ماهيب كذب ودهاويل ------ ماهي اعلوم مجمعين الدوادي رجّالهم يفيد هرجه الا قيل ------ ولّا سمع لهروجهم واستفادي ماهوب لاصكت عليه الحلاحيل ------ يجيبها لاضاق من كل وادي والصبح تلقى جمعهم بالتكاميل ---- ساعة ينادي للفلاح المنادي أيام نقضيها بحل وتراحيل ------ وهل الولع قالوا ربيع الفوادي توارثوها الناس جيل بعد جيل ----- واجب عوايدنا القديمه تعادي والعذر مني في ختام المراسيل ------ ختامها يعبى بمسك وزبادي وصلاة ربي عد وبل المخاييل ---- على نبي للمخاليق هادي |
جزاك الله خير
وصح اللسان شاعرها |
إقتباس:
ايييييييييييييييييييييه على الله كل شي يصير لو مايصير قلنا يصير // صباح النور والتنور واللولو مع الدانه تنشد ياعميلي والمعاني مابها تقصير // وانا ابعطيك معنا الشعر والتدقيق بالحانه |
السلام عليكم صح الله السنتكم
عاشوووا ومتابع |
التنور له معنين
عليك الله زليت بلسانك ياعلي بن سمير==وانامدري جهل بشيخ ولى ضعف بيمانه توكل وتكل بالله ترى صدرالبنادم بير=وترى حلم الرجل يبطل اذانه شاف دمانه |
حياءلله المراقب العام نورت المنتدى
|
إقتباس:
تقبل زلته يالشاعر اللي تعرف التفسير // وانا اعرف المعاني واعرف المنطوق ووزانه حسبت ان البنادم صدره اكبر من جبال النير // اثر بعض العرب ودك تقفي به عن اوطانه |
إقتباس:
يمرااااحب والله ومتابعتك شرف |
يابو غانم الظاهر انها تبي تزقزق العصافير وانت ماردييييت هههههههه
الله يسعدك خذ راحتك انا ابصلي وارجع لك عاش |
انا مدري يطير الطير تدري مايطير الطير==وانا خابرك ياراعي القنص ماصدت ذبانه هههههههههههه
وترى عنترعشق عبله وبطل حرب البسوس الزير=وابونواس قال ابك البحرياكثرضبانه هههههههههه |
إقتباس:
منك نستفيد |
إقتباس:
اسمع اسمع احسبنك من اهل البنق والوتسب والهزمير // ااثرك مصبح الثنتين يادانه على امدانه انا سالم وانا عنتر وانا مهلهل وانا ابن زهير //وانا حاكم على غانم وابن غانم وجداااانه |
الاخطاء الاملائيه وارده
ابعرف انت وش رايك نركبلك مكينه وقير=وجناحين وتطيرمن الورود اللين سلطانه ترى ذولارجال ن روحو روحت مراح عمير=وابن غانم عزيزن مايحكمه غيرسبحانه |
إقتباس:
صح لسانك وكلك حلا انت واملاااائك لكن الوعد لمن وصوص الطوير وانا سمعت يوصوص هههههقق تشرفت باللعب مع شاعركبير و وسيع صدر وسامحنا على القصووور |
إقتباس:
الشرف لي اطال الله في عمرك منك نتعلم ونستفيد وانا ماني شاعركبير الكبير العمده هههههههههههههه تحياااااااتي لك |
صح اللسنتكم جميع لا هنتووو |
صح السانكم شواعير
|
| الساعة الآن +4: 11:54 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
