|
دام افترقنا يـ الغضي فـ البدايات .... لاتعذلين الوقت يومه خذلنا .. تويتريات 1
. . بعد السلام .. أبداء بـِ نظم الكلام .. وترتيبه ورصفه .. وإعرابه وصرفه .. . . تغريدات .. تطمح أن تصِل لـِ ذائِقتِكُم .. لعلها .. تكونوا .. عُذراً عَن طول الغياب ..! . .
دام افترقنا .. يـالغضي فـالبدايات = لاتعذلين الوقت .. يومه خذلنا .في مطلع القصه . كتبنا النهايات = يوم ارتمينا .. في زوايا جدلنا .
جيتك بقايا .. في زمان التشتات= وأقفيت عنك .. وابتلشت بشتاتي .ضيّعت دربي .. واعتبرت المسافات= خطوه .. تلم احلامي المدبراتي .
ان كان ودك .. بالمواصل وصلناك = وان كان ودك .. بالمفارق موفّق .صبرك علينا .. وان جفتنا حناياك = صبرك .. على قلبي طلبتك ترفّق .
صبي .. فناجيل العرب من يديكي = بشرب فناجيلك .. وبقدع حلاياك .واكلي من الجمري .. ومن مايليكي = واليّا شبعتي .. قربيلي شفاياك .
الموت حثرب .. واخلفتنا المقادير = والقلب .. جداه الحزن والحسايف .يالله دخيلك .. لاتهب المعاصير = من عقب .. ماقفا عن القاع نايف .
مشكلتك .. أنك لازعلتي زعلتي = وانا ليّا منك .. زعلتي تضايقت .ليتك برجلك .. عن عيوني رحلتي = والا رحمتي .. نظرتي لاتوايقت .
كم قلتلك .. ياصاحبي لاتحلمت = حذراك .. تحلم باللقاء والمواعد .من دنيتي .. قبلك عرفت وتعلمت = ان المواصل .. من بعده التباعد .
ياهيه .. لامرك كبير العفاريت = سلم على العفريت .. عني وقله .انه يولع .. شوشتك بالكباريت = والا يلصق .. فرتك بـ المجله .
صد .. وصدوده زوّد الصد صده = وأنا بعد .. لفيت وجهي وصديت .كبرت عقلي .. واشتهيت المخده = وبالحلم .. عانقت السحاب وتعليت .
ياللي قتلت الحلم .. والحلم لحظه = لحظه .. بعذبات السعاده خذتني .جملة سواليفك .. غثيثه وفظه = دشت .. معاليق الحشا واجرحتني .
عمرك سمعت .. بواحدن كان مغليك = واليوم ماهو .. حول دارك وصوبك .كان أمنياته .. في حياته يخاويك = ويساير افكارك .. ويستر عيوبك .
ياهيه صبرك .. لاتقافيت عني = واستاثرك غيري .. وشالك وحطك .ماجيتلك شيعي .. ولاجيت سني = جيتك بحر .. لامس طواريف شطك .
خل التميلح عنك .. خل التلفات = محدن .. نشد عنك ولا احدن درابك .مافادبك .. كثر الضحك واللقافات = الناس ضدك .. والبخت دون بابك .
مدري .، علامي في غرامك تعلقت = هل هو جهل .. والا حظوظ ومقاسيم .بس الوكاد .. اني بلقياك نوّخت = خمسة عشر .. ناقه بكار ومجاهيم .
زر ثوبك .. والبس البرقع .. ليا منك رحلت = عادتي .. ما أطرد وراء المقفي ولو كنت اشتهيه
..
من عرفتك .. ماعرفت الا التغطرس والجحود = ورغم هذا .. جيتلك والشوق يطويني طوي
اعشقك واهواك .. وارقب جيتك واطلب رضاك= من عرفتك ..ماعرفت من الشعر غير الغزل .عقب .. ماكانت هجوسي تنظم الجزله بلاك= ولاتقول من القصيد .. الا المقنّد والجزل . وعُذراً .. ع الإطاله ..! |
جميل جدا ياذيبان هذه المقتطفات وأستوقفتني كثيرا هذه المقطوفه الرائعة : مشكلتك .. أنك لازعلتـي زعلتـي وانـا لـيّـا مـنـك .. زعلـتـي تضايـقـت ليتك برجلك .. عن عيوني رحلتي والا رحـمـتـي .. نـظـرتـي لاتـوايـقــت . |
صح السـآنك ذيبآن
ابداع وربي مآشآء الله عليك كل بيت ابقتبسه يطلع البيت الثآني اجمل مبدع ي ذيبآن |
إقتباس:
أهلاً بِك .. بعد طول الغياب .. مرورك أتحف .. مقتطفاتي المُتواضعه .. شٌكراً لـِ قلبك .. قَبلَ حرفِك ..! . . |
صح لسانك ياذيبان بأنتظار جديدك
|
صح لساااانك
قصيدة راقت كثييرا لله درك |
الله عليك يابو عبدالله
صح لسانك بيوت تغني عن قصائد بل تعادل قصائد دام لنا بوحك ياشاعرنا |
فهد
شاعر له تميزه من بد شعراء الشبكه لله درك حاولت اقتبس عدة ابيات بس اللي عجبني واجد مايمدي يافهد يسسلم لنا بوحك وتغاريدك يافذ |
إقتباس:
طوّل الله عمرك وعافاك .. اشكرلك مرورك الأجمل من الأجمل .. . . كُنْ بِخير لأجلي ..! |
الله..الله..الله..يا سلام ..يا سلام.. يا سلام عليك مبدع
صح اللسانك |
صح لسانكـ
وتسسلم يمينك |
صح السانك قصيده جزله من شاعر جزل
بإنتظار جديدك المميز لله درك فهد |
إقتباس:
وحياك ربي وبياك ..! |
ذيبان الرشيدي
لا بح الله حلق المغرد وصح لسانك ارتوينا شعر وياليت لو انك حطيت رابط يوصلنا صفحتك حتى نتابعك تستاهل الفلو يالذيب |
ذيبان دايم مبدع ولك باع فى الشعر الجزل صراحه انا من اشد المعجبين بك لانى اراء فيك شاعر قادم بقوة
جميع مافدمت من قصائد فهى من ذهب ولاكن القلب ومايريد مدرى امكن لانى بدوى واعشق الاهجن اوالعكس كذالك مدري .، علامي في غرامك تعلقـت هل هو جهل .. والا حظوظ ومقاسيم بس الوكاد .. اني بلقيـاك نوّخـت خمسة عشر .. ناقه بكـار ومجاهيـم . |
إقتباس:
حياك ربي وبياك اشكرلك مرورك العذب .. . . دمت بخير ومسره |
جميل ماسطره قلمك
وما اجمل بوحك ولي ملاحظه حاول الابتعاد عن التكرار بالمفردات لان بعضها يخدم وبعضها يخرب وبعض مجرد حشو وتقبل احترامي |
صحححححححححح لسنك ياذيبان ولاهنت
|
طلبتك قول تم
انك تمل هذا البيت زر ثوبـك .. والـبـس البـرقـع .. لـيـا مـنـك رحـلـت عادتي .. ما أطرد وراء المقفي ولو كنت اشتهيه |
فهد .. مافيك حيله
. . نـ نتظار جديدكـ بشغف . . صح الله بوح ياذيب |
صح السانك ولاهنت
|
اشكر من كرمني بمروره وحضوره ..
لي عودهـ لـ التعقيب ..دُمتم في أمان الله ..! |
الله..الله..الله..يا سلام ..يا سلام.. يا سلام عليك مبدع صح اللسانك لا هنت |
إقتباس:
يشهد الله ان الجمال بمرورك الطيب وانت تستاهل الطيب والطيب يزهابك |
| الساعة الآن +4: 11:57 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
