قبيلة بني رشيد - رحنا على أفواه المهبـّـل مساويك

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - رحنا على أفواه المهبـّـل مساويك (http://ban3abs.com/aa/showthread.php?t=121720)

رحنا على أفواه المهبـّـل مساويك

مساكم الله بالخير جميع قصيده من اجمل ماقرات وحبيت انكم تطلعون عليها لشاعر النظم والمحاوره وصل العطياني العتيبي ويقول فيها:
خوّة عزيز الأصل تبقى كما الشيك
حتى لو أنه عـن ديـارك تنحّـى
وخوّة خبيثين الطبوع الصعاليـك
أقْصر من مفلّى الغنم فالمضحّـى
واللي على شأن المصالح يخاويك
ليا انتهى منها ؛ بصحبتْك ضحّـى
واللي يبيعـك لا تحـرّاه يشريـك
والمزن لن جات العواصيف صحّى
وياللي ابليس مفشّخٍ بيـن أذانيـك
قلبك عليه ستـار مـا ينتصحّـى
بالهرج تقفانـي وتنفـخ علابيـك
هذي رجولة نعنبوا ذا الملحّـى ؟
أنا ليا منّي بغيـت الحكـي فيـك
هرجت باللي فيك وأذنـك توحّـى
ألقاك قـدام الرياجيـل وأعطيـك
كلمـة بسبّتْهـا نسمْـك يتفـحّـى
رحنا على افواه المهبّل مساويـك
وحلوقهم من وسعها مـا تسحّـى

تسلم ع نقلها

لاهنت

اميره البنات

الله يسلمك من كل مكروه ومشكوره على تواجدك

الله الله عز الله انها قويه وان شاعرها شااااعر صح لسانه وصح ذوقك

ابن شلال

ارحب ارحب وصل شاعر وانت متذوق شعر

صح اللسان زميلي المبدع والغالي وصل ولاهنت على النقل

انا الي مني بغيت الحكي فيك؟

ماقول غير صح السانك وبيض الله وجهك
قصيدة جزله

تحياتي لك

الفحل صح بدنك والله يسلمك ويعافيك على تواصلك

برفوسور الشعر ابيض وجه وكل الشكر على تواجدك وصح بدنك

خوّة عزيز الأصل تبقى كما الشيك
حتى لو أنه عـن ديـارك تنحّـى
وخوّة خبيثين الطبوع الصعاليـك
أقْصر من مفلّى الغنم فالمضحّـى

الله الله ابداااااااااااااع صح الســـــــــــان شاعرها
وسلمت يمناك على النقل

صح الله لسانه ..

عزالله انها قصيده جزلـه

ولاهنت على نقلها وطرحهاا اخوي شكراًلك ,

الاخت دمعه ومن يقول سالم وغانم

كل الشكر لك على ردك وتواجدك

الفجر البعيد صح بدنك ولاهنت على تواصلك

مشكوووووور والله يعطيك الف عافيه

مشكور اخوي على النقل

تعبت منك ياهلا وغلا والشكر موصول بتواجدك

المقبل

حياك الله ياغالي وتسلم على ردك الكريم