بديت بسم اللي عطى الوحي جبريـل=الواحد اللـي بأمـره الكـون كلّـه
وأعوذ به من شر نفسي ومن ويـل=فـي ماقف(ن)ماينفـع الخـل خلّـه
من بعد ذكره زان سـوق المباهيـل=وضحن يجي صافي حلاهـن بحلّـه
ورد ومصادير الضوامي على النيـل=وجه الروى شـط الـروى مدهللّـه
للشعـر نقـاده وللشـرح تفصيـل=وللفتـل نقاضـه وللعـقـد فـلـه
عندي مثل لأوصاف بعض الرجاجيل=وجهة نظر والكـل حسـب الجبلّـه
بعض الرجال تضيع فيـه التحاليـل=ماله فصيلـه فـي جميـع الأدلـه
وبعض الرجال بوقتهـا سـم قنديـل=قول وفعل يشفي مـن اعـداه غلّـه
وبعض الرجال اقناده العود والهيـل=من رافقـه طـول الدهـر مايملّـه
وبعض الرجال يشوم من قوة الحيـل=لـو أن مافـي خاطـره ماوصلّـه
وبعض الرجال يجود بالجود وإيكيـل=يعطيك مـاب إيديـه كثـره وقلّـه
وبعض الرجال بكفه الخيـر وابخيـل=مثل السـراب اللـي يغـرك محلّـه
وبعض الرجال احصان بالراس والذيل=يمشي على الوجهين مذهـب وملّـه
وبعض الرجال يفصل الحكي تفصيـل=لـو أن مابـه قـوم سيفـه يسلّـه
وبعض الرجال تشوف زوله تقل فيل=مخيول مايظلل عن الشمـس ظلّـه
وبعض الرجال اخيال خالي من السيل=يبـرق ويرعـد والصفـا مايبـلّـه
وبعض الرجال أشد من حالك الليـل=يكفيه من فعـل الـردى ماحصلّـه
وبعض الرجال بعير للحـط والشيـل=تقلـب افصـول السنـه جايـزلّـه
وبعض الرجال ليـا تمعنـت زنبيـل=هــذا مكـانـه ماتـعـداه لـلّـه
وبعض الرجال بساقة الناس دربيـل=مايتوب لين إيمـوت عـن عادتلّـه
وبعض الرجال أمثال شقرا مع الخيل=الحيـل وانـي والدهـر راضخـلّـه
وبعض الرجال يظلل العيـن تظليـل=ماقال قبل إيفوتـك الفـرض صلّـه
وبعض الرجال بريد يحمل مراسيـل=كـل الكـلام اللـي بصـدره يهلّـه
وبعض الرجال ايطيح وسط المحابيل=يضيـع عـن درب السنـع مايدلّـه
وبعض الرجال ايجيب كل المحاصيـل=وليا بخصـت السالفـه نـار جلّـه
وبعض الرجال بعصمة أم المضاليـل=يخاف من رؤوس الرموش المظلّـه
وبعض الرجال ابذل من دون تذليـل=الموت راحـه مـن حيـاة المذلّـه
وبعض الرجال مخطط(ن) للمقابيـل=مسكين مـن هالعمـر وش باقيلّـه
طرقي على حافـة شديـد التهاويـل=يبقى وحيد من البشر مـع اسجلّـه
وأنا بعـد مـن ضمنهـم بالتماثيـل=فيني مثـل ماقلـت بالنـاس علّـه
عسانـي الثالـث بهـم يالمشاكيـل=وأن ماحصلّـي جعلنـي رابعـلّـه
هذا حسب عرفي به العـدل والميـل=ما أقول أنا معصوم مـن كـل زلّـه
وماني كفيل الناس جيل(ن) بعد جيـل=مثلـي مثـل جيلـي وأنـا تابعلّـه
ولاني وكيل آدم على مثـل ماقيـل=لسانـي أحصانـي وأنـا صاحيلّـه

وأنا بعـد مـن ضمنهـم بالتماثيـل=فينـي مثـل ماقلـت بالنـاس علّـه
عسانـي الثالـث بهـم يالمشاكيـل=وأن ماحصلّـي جعلـنـي رابعـلّـه
هذا حسب عرفي به العـدل والميـل=ما أقول أنا معصوم مـن كـل زلّـه
وماني كفيل الناس جيل(ن) بعد جيـل=مثلـي مثـل جيلـي وأنـا تابعـلّـه
ولاني وكيل آدم علـى مثـل ماقيـل=لسانـي أحصانـي وأنـا صاحيلّـه

وبعض الرجال يضلل العين تضليل= ماقال قبل يفوتك الفرض صله