سرى بليل وبرق وانغام ونجوم=وزرى على اللي مهتني في منامه
جاء حافلا غربه من المزن مردوم=وشرقه جزر مزنن تبدد ركامه
ساعه بفخت وساعه اخرى بعلجوم=يقمر ويديجر عجيب انتضامه
باارضن غطوشن سملقن مابها حزوم=جبوب سبروتن مليحا ثمامه
يفهم وفاهم ومتفاهم ومفهوم=وان كنت منهم فانت عندك فهامه
راودني الاحساس باسلوب مظلوم=متوسلتني عاطفه وانسجامه
قامن يحثني على سر مكتوم=وابطى وصار ابداع عقب انكتامه
لامفاخرن فيها ولاني بموهوم=ركبت ركوب عقال فوق العمامه
سبحان رب الناس حاكم ومحكوم=اللي نهاره يسلخه من ظلامه
ربن عليه الرزق للصقر والبوم=مالراح رزق غراب يم الحمامه
وياشامت اشمت مادرى عنك مشتوم=ولايجني الشمات غير الندامه
ولاصار حقك عند غالي ومهظوم=عليك تصعب فكرت الانتقامه
والذم مايستخدمه غير مذموم=ولاهي طبوع رجال فيهم شهامه
ماجاك يشكيلك من الضيم مضيوم=ولو جاك يمكن ماتحقق مرامه
وبعض الكلام اليانحبك حبك مسموم=دايم يغسل المخ سحر النمامه
وكلش يروح وينسي بعد كم يوم=وكلش يسامح غير جرح الكرامه
ومقطع موسيقي باغنيه لام كلثوم=تسوى ردين يبلشك في خصامه
ولالك سوى تنساه وتبعد الحوم=والمحترم حقن عليك احترامه
وضمير غايب عنده اخبار وعلوم=جرب وشاف وصار عنده لمامه
ولاتقعد النمات عنده ولا تقوم=وعن قيل والا قال صك اللجامه
ولاهمه الحرمان لو عاش محروم=الا اليا ناظر رشيق اللقوامه
ابو( العيون السود) والخصر مهضوم= خشفن تحت خده من يسار شامه
هادي طبع مافيه خفه ولا وجوم= بكلمته وبنظرته وابتسامه
عفا عن الهفوات مكرم ومحشوم=يمشي وهو واثق ومرفوع هامه
من ناس تحكمها تقاليد وسلوم=عبقن ولبقن خندريسن غرامه
حبه شغفني شغف جارح لعيسوم=وساوى الدروب العوج والاستقامه
ياما عليه ارقبت في راس زيزوم=وياما عليه الجرح طال التئامه
وعني بعيد وفيه لاشري ولا اسوم=ابعد من سكاكا عن اقصى تهامه
ودعت اخر يوم وانكفت مشئوم=انا تفارقنا ليوم القيامه
ومشيت كلي حيرت هموم وغموم=وتركت قلبي عهدتن باستلامه
واحن عقبه حن كومن من الكوم=شافت ولدها ذبح باقصى العدامه
بين اربعة شجعان عجلين وقروم=ماتقومله من جوه في شر قامه
ثنين طشو مايعسرهم من هدوم=يبون عنهم ينجزونه شمامه
وواحد بسرعه والحطب عندهم كوم=وواحد وقود النار والحمس زامه
راحة تحن وتلتفت فيه وتهوم=بعد ايست والذود لاذ بعسامه
ولايحير امرا صار واضح ومحسوم=تحير بامرا منفلت من زمامه
ومن ماخدم ماصار في يوم مخدوم=كلن تجيه( الفه) و(ميمه) و(لامه)
وطير الحباري يزعجه نوب جرثوم=ولاتفه من الجرثوم غير انتقامه
وجناح للبعوض وللفيل خرطوم=وشفايدتك بعرف زرقاء اليمامه
وبالناس متعلم ومحتاج تعلوم=وفيهم بليدن مايسوي طعامه
ومافيه بااهل الطيب واهل الردى وسوم=والمشكله لوان فيهم علامه
الطيب نفع وساس وصحيح وعزوم=ماهي بكثر فلوس والا وسامه
بيت العزاز يضل من حر وسموم=وبيت الردى مبناه مثل انهدامه
والذيب يبقى ذيب لوصيب بسهوم=والثور ثور ولايغرك سنامه
ومن لا يصلي لايزكي ولا يصوم=لوهو بمكه محرمن في حرامه
وش جاب ريح المسك ياناس للثوم=والمعرفه وش جابها للغشامه
لو قلت هذا الشرق للنسان منجوم=يصير عنده غرب وقت النجامه
ولايصير غير اللي من الله مقسوم=وعلى المقدر ماتجوز الملامه
ولاصرت لاعاقل ولا مخرم خشوم=شخصيتك يصير فيها انفصامه
ان انتصر منصور وان هزم مهزوم=لازم تقول الناس هذا علامه
ماخلو اللي بالخلا نايما نوم=جوه اقعدوه بخير مدري بسلامه
ولاني بمدح او ذم للناس ملزوم=ابغى السلامه كان حصلت سلامه
والعمر لو طالت لياليه مايدوم=لابد مايفنى وتفنى عظامه
لابد من يومن يقولون مرحوم=بالمقبره يدفن مطوى بخامه
يفنى ولايبقى على الارض علقوم=بالشي يبدى النقص ساعة تمامه
مات الرسول اللي من الله معصوم=اللي عليه الله ضلل غمامه
ولاخلدت كسرى ولاقيصر الروم=اصحاب تيجان الذهب والزعامه
عاشو حقيقه وانتهت كنها حلوم=وقفت بعدهم ناطحين الجهامه
ومهما وصلت بحال في حال مكعوم=لو انت في دنياك صاحب فخامه
الله يبدل عج الايام بغيوم=وتمطر بعد ماهو عجاج وكتامه
وتم الكلام اللي من الفكر ملموم=وازكى تحيه والسلام بختامه

سرى بليل وبرق وانغام ونجوم=وزرى على اللي مهتني في منامه
جاء حافلا غربه من المزن مردوم=وشرقه جزر مزنن تبدد ركامه
ساعه بفخت وساعه اخرى بعلجوم=يقمر ويديجر عجيب انتضامه
باارضن غطوشن سملقن مابها حزوم=جبوب سبروتن مليحا ثمامه
يفهم وفاهم ومتفاهم ومفهوم=وان كنت منهم فانت عندك فهامه
راودني الاحساس باسلوب مظلوم=متوسلتني عاطفه وانسجامه
قامن يحثني على سر مكتوم=وابطى وصار ابداع عقب انكتامه
لامفاخرن فيها ولاني بموهوم=ركبت ركوب عقال فوق العمامه
سبحان رب الناس حاكم ومحكوم=اللي نهاره يسلخه من ظلامه
ربن عليه الرزق للصقر والبوم=مالراح رزق غراب يم الحمامه
وياشامت اشمت مادرى عنك مشتوم=ولايجني الشمات غير الندامه
ولاصار حقك عند غالي ومهظوم=عليك تصعب فكرت الانتقامه
والذم مايستخدمه غير مذموم=ولاهي طبوع رجال فيهم شهامه
ماجاك يشكيلك من الضيم مضيوم=ولو جاك يمكن ماتحقق مرامه
وبعض الكلام اليانحبك حبك مسموم=دايم يغسل المخ سحر النمامه
وكلش يروح وينسي بعد كم يوم=وكلش يسامح غير جرح الكرامه
ومقطع موسيقي باغنيه لام كلثوم=تسوى ردين يبلشك في خصامه
ولالك سوى تنساه وتبعد الحوم=والمحترم حقن عليك احترامه
وضمير غايب عنده اخبار وعلوم=جرب وشاف وصار عنده لمامه
ولاتقعد النمات عنده ولا تقوم=وعن قيل والا قال صك اللجامه
ولاهمه الحرمان لو عاش محروم=الا اليا ناظر رشيق اللقوامه
ابو( العيون السود) والخصر مهضوم=خشفن تحت خده من يسار شامه
هادي طبع مافيه خفه ولا وجوم=بكلمته وبنظرته وابتسامه
عفا عن الهفوات مكرم ومحشوم=يمشي وهو واثق ومرفوع هامه
من ناس تحكمها تقاليد وسلوم=عبقن ولبقن خندريسن غرامه
حبه شغفني شغف جارح لعيسوم=وساوى الدروب العوج والاستقامه
ياما عليه ارقبت في راس زيزوم=وياما عليه الجرح طال التئامه
وعني بعيد وفيه لاشري ولا اسوم=ابعد من سكاكا عن اقصى تهامه
ودعت اخر يوم وانكفت مشئوم=انا تفارقنا ليوم القيامه
ومشيت كلي حيرت هموم وغموم=وتركت قلبي عهدتن باستلامه
واحن عقبه حن كومن من الكوم=شافت ولدها ذبح باقصى العدامه
بين اربعة شجعان عجلين وقروم=ماتقومله من جوه في شر قامه
ثنين طشو مايعسرهم من هدوم=يبون عنهم ينجزونه شمامه
وواحد بسرعه والحطب عندهم كوم=وواحد وقود النار والحمس زامه
راحة تحن وتلتفت فيه وتهوم=بعد ايست والذود لاذ بعسامه
ولايحير امرا صار واضح ومحسوم=تحير بامرا منفلت من زمامه
ومن ماخدم ماصار في يوم مخدوم=كلن تجيه( الفه) و(ميمه) و(لامه)
وطير الحباري يزعجه نوب جرثوم=ولاتفه من الجرثوم غير انتقامه
وجناح للبعوض وللفيل خرطوم=وشفايدتك بعرف زرقاء اليمامه
وبالناس متعلم ومحتاج تعلوم=وفيهم بليدن مايسوي طعامه
ومافيه بااهل الطيب واهل الردى وسوم=والمشكله لوان فيهم علامه
الطيب نفع وساس وصحيح وعزوم=ماهي بكثر فلوس والا وسامه
بيت العزاز يضل من حر وسموم=وبيت الردى مبناه مثل انهدامه
والذيب يبقى ذيب لوصيب بسهوم=والثور ثور ولايغرك سنامه
ومن لا يصلي لايزكي ولا يصوم=لوهو بمكه محرمن في حرامه
وش جاب ريح المسك ياناس للثوم=والمعرفه وش جابها للغشامه
لو قلت هذا الشرق للنسان منجوم=يصير عنده غرب وقت النجامه
ولايصير غير اللي من الله مقسوم=وعلى المقدر ماتجوز الملامه
ولاصرت لاعاقل ولا مخرم خشوم=شخصيتك يصير فيها انفصامه
ان انتصر منصور وان هزم مهزوم=لازم تقول الناس هذا علامه
ماخلو اللي بالخلا نايما نوم=جوه اقعدوه بخير مدري بسلامه
ولاني بمدح او ذم للناس ملزوم=ابغى السلامه كان حصلت سلامه
والعمر لو طالت لياليه مايدوم=لابد مايفنى وتفنى عظامه
لابد من يومن يقولون مرحوم=بالمقبره يدفن مطوى بخامه
يفنى ولايبقى على الارض علقوم=بالشي يبدى النقص ساعة تمامه
مات الرسول اللي من الله معصوم=اللي عليه الله ضلل غمامه
ولاخلدت كسرى ولاقيصر الروم=اصحاب تيجان الذهب والزعامه
عاشو حقيقه وانتهت كنها حلوم=وقفت بعدهم ناطحين الجهامه
ومهما وصلت بحال في حال مكعوم=لو انت في دنياك صاحب فخامه
الله يبدل عج الايام بغيوم=وتمطر بعد ماهو عجاج وكتامه
وتم الكلام اللي من الفكر ملموم=وازكى تحيه والسلام بختامه

وياشامت اشمت مادرى عنك مشتـوم=ولايجنـي الشمـات غيـر النـدامـه
ولاصار حقك عند غالـي ومهظـوم=عليـك تصعـب فكـرت الانتقـامـه
والـذم مايستخدمـه غيـر مـذمـوم=ولاهي طبوع رجـال فيهـم شهامـه