الى اهل الكويت وارجو عدم الحذف يالعمده
 

مساكم الله بالخير ياهل الكويت جميعا انا لي عتاب عليكم قبل فتره طلع لنا شاعر مبدع اسمه سعود الهطلاني وشاعر ثاني اسمه احمد عبيد الهنيدي وكلهم بالكويت وشعار يستحقون الدعم والتشجيع والعزيمه في الحفلات وانتم ياهل الكويت لاحس ولاخبر


المهم اليوم ارسلي واحد على الواتسب شيله رائعه تفاجات انها لشاعرين من ربعنا رشايده

الحقيقه القصيده اعجبتني والشيله ايضا اتمنى تسمعونها

لكن قبل القصيده تكفون اللي يعرف الشاعرين يعطيني معلومات عن الشاعرين هذولا وابي ارقامهم ضروري على الخاص اذا احد منكم يعرفهم هذي الشيله

http://www.youtube.com/watch?v=1NnHLXlvMiY

مساك الله بالنور وحياك الله يالاشهب

والشعراء الي قلت قلهم يشوفنك

وانت بيض الله وجهك علي هالبادره الطيبه تجاه الشاعرين وانت طيب وهم يستاهلون

اتمنى من يعرف يفيدنا لاحس ولاخبر الله واعلم ان العلم عند العمده ولا الطنطاوي

قلت لك علمني وش عندك وانا حاضر يالاشهب لا تدور فلان وفلان

انا اسال عن اللي بالمقطع تعرفهم ولالا فيه شيله وموجود صور شعارها داخل المقطع تابع المقطع وعطني خبر اذا تعرفهم

شف ياراعي الموضوع

محسوبك اكبر فخر ماهو شاعر ولاكن متذوق لشعر
المقطع الموجود والشعار والشيله عن (نفسي وكلن له ذوقه وسط ماهو لهدرجه)

تقبل ردي ولايصير بخاطرك شي يابعدي

مرحبا يازراق الاشهب انا ماني من اهل الكويت ولكن لدي الجواب على اسئلتك من مصادر المفتي طنطاوي من اخواني اهل الكويت

محل الثقه لدي وعندهم خبره في المحاوره وشعارها

سعود الهطلاني واحمد الهنيدي ونعم فيهم متواجدين حين يطلب منهم

ولكن اخذ زبدة العلم من طنطاوي نقلا عن اهل المحاوره الحقيقين في الكويت يقولون

ان ساحة المحاوره في الكويت قد ماتت الله يرحمها والسبب تحولها من ميدان للمحاوره اللى امسيه شعريه

خاصه في حفلات ربعنا الله يهديهم حيث اختلط الحابل بالنابل ولم يعد يعرف من هو الشاعر ومن هو المستشعر

تجد الحفله هناك عدد شعارها يفوق عدد الصفوف والله اني صادق ولا ابالغ ويصفون دور على المكرفون

يا الله هات اللي عنك واللي بعده يا شباب 4 ابيات او 6 والشاعر الضيف الاجنبي من يد مستشعر الى اخر

وانت تعرف والجميع يجب ان يعرف ان هذا الوضع لا يخدم الشاعر بل يخدم المستشعر

وقيل لي ان هذه الطريقه حاول بعض ربعنا الغيورين محاربتها حفاضا على سمعة ملعبة القبيله في

الكويت مقصد الشعار سابقا من جميع القبايل وكان في السابق يقال للشعراء

العب في ملاعب عتيبه في السعوديه والعب في ملاعب الرشايده في الكويت

وبعدها تصبح شاعر والان انظر ماذا حدث محاوره الكويت تحولت الى امسيه شعريه ناس تسوي الطاروق من العصر

وناس يساعدون بعض على الطواريق وكانها قصايد نظم ما عليك الا توقف عند المكرفون وتجيب اللي انت حافظه

والمشكله ان هناك شاعر كبير في الكويت ويعد شاعر القبيله وشاعر الكويت

قد عرض عليه ان يحل هذه المشكله ولكنه تهرب كثيرا لان هذا الوضع يخدمه شحصيا

مع الاسف فكر في المصلحه الشخصيه ولم يفكر في مصلحة القبيله وهذ يفسر انه لايريد ظهور شاعر

لانه يعرف من الشاعر ومن المستشعر بسبب خبرته الطويله وهو المسيطر على حفلات القبيله

ويستطيع بكل سهوله الطلب من صاحب الحفلة ان يحدد الشعراء بعدد معين وتكون محاوره حقيقيه

ولكن هو يلعب الطاروق الاول ويتوكل على الله ويترك الحفله وسمعة ملعبة القبيله للمستشعرين

اما سؤالك عن الشيله اجابك عليه الربع ما قصرو

يامال الجنه والله عزالله انك صدقت

اذكر المحاوه زمان نواف العازمي وبعده ماتت محاورة الكويت مع نواف

تحيتي لشاعرين وصاحب القصيد وصاحب الصوت العذب وصاحب الموضوع