بديت بآسم مكون الأنس والجان = بأسمه يعاهد كل جن(ن) مرودي
ورد(ن) على ماقاله فلان وفلان = ضعوف النفوس اللي تغث الكبودي
تاريخ متجرد وتأليف عميان = كنه على ظلم العباد محدودي
أخص من سطر بالاحقاد ديوان = حقود والمصدر كتابة حقودي
اليا أنعدم مبدى العقيده بالانسان = يقدر يسوي مايسوي اليهودي
ولأهل الوفا والصدق شكر(ن) وعرفان =وتحية(ن) عطره وباقة ورودي
نعم رشيدي من بني عبس غطفان = من قيس ابن عيلان شجرة جدودي
تحت مسمى عبس واشجع وذبيان = تلقى عنا ويني ومجدي وجودي
هرج(ن) على صدق وحقايق وبرهان = حقايق(ن) تدمغ دماغ الجحودي
حقايق(ن) تروي معاني خبر كان = بخطوط كوفيه بصم الحيودي
حصل المنافس والسبب سبة حصان = سبة فرس وحصان راحت فهودي
وجانا بغا التركي ودارن الاكوان = دون الكرامه والوطن والعدودي
ومر الجفاف وراحوا البدو فرقان = كل (ن) طوى بيته بظهر القعودي
وزاحوا لنا من غبر الايام فرسان = احد(ن) حدر وأحد(ن) توجه سنودي
شالوا على فلك البحر لأم درمان = يبون وديان(ن) سقتها الرعودي
ثم استقروا بين كسلا وحلفان = يتلون شف مطيرات البدودي
ونزل(ن) نزح للسيف راضي وقنعان = من البحر للدبدبه للنفودي
قوم (ن) لهم في ساحة المجد ميدان =يوم ان كل(ن) دون حده يذودي
صالوا وجالوا واستقروا بهدلان = دار الصباح اللي تلم الوفودي
ونزل(ن) تورث منزلة عبس بأبان = ونزل(ن) بوادي السر سوى السدودي
وفي كل دار ألنا موارد وعربان = وتاريخنا بارض العرب له وجودي
وحنا بقينا بالمنازل والاوطان = بأقسى الظروف مواصلين الصمودي
ترمز لنا الكفه هويه وعنوان = الناس تعرف والعواني ترودي
يوم الجزيره بين تسعين شيطان = نطعن ونطعن دون هاك الحدودي
من المدينه حدنا ضلع حبران = مايمرها الا من خضع للقيودي
ومن حرة الكوره لشرقي مرغان = بعد امرنا يردون ماها الورودي
ومن ذاق ضرب سهونا راح ندمان = يموت مافكر بلم الجرودي
اسلاحنا قو العزيمه والايمان = والا عددنا بالحساب معدودي
ودخيلنا ممن عن الضيم ما يهان = وسلامته نبذل وراها الجهودي
وخوينا مايكظم الغيض زعلان = وقصيرنا نعطيه حقه وزودي
حنا هل المعروف ورجال الاحسان = قوم(ن) نجود اليا أنعدم كل جودي
وأمجادنا غصب(ن) على كل مرضان = شعاع ذري في عيون الحسودي
ويوم ارسل الله مسلما لم الاخوان = سرنا ورى صقر الجزيره جنودي
من ضمن جيش الفيصلي نسل عدنان = والله يشهد والخلايق شهودي
وننعم بحكم محاسبة كل غلطان = ولا عاش من يجرح كرامة سعودي

كان تنشد عن نسبنا نسبنا طيبين من= سلايل عبس تعرف ابماض افعا لها
وسمنا الكفه على ورك المطيه من يمين= القبيله الرشيدي وحنا ارجا لها

اقتباس من مشاركة راعي الشلفا (المشاركة 88766) هالله هالله اخوي فهد مبدع مبدع مبدع ومافيك حيله على القصايد اللي تنزلها لاهنت لاهنت لاهنت وصح السان عيد الجلادي وحامد الخياري

اقتباس من مشاركة مسندالعويمري (المشاركة 88769) كان تنشد عن نسبنا نسبنا طيبين من= سلايل عبس تعرف ابماض افعا لها وسمنا الكفه على ورك المطيه من يمين= القبيله الرشيدي وحنا ارجا لها اخوي فهد لا هنت على نقلك الرائع وشاعر عبس وعميد الشعر غني عن التعريف وصح السان الشاعر حامد الخياري الرشيدي من جمهورية السودان

اقتباس من مشاركة الجحش (المشاركة 88784) فهد المويسه مشكوووووووووور مواضيعك دايمأ قيّمه شكرأ لك

اقتباس من مشاركة سعد بن عادي (المشاركة 88858) مشكور فهد على نقلك الرائع

اقتباس من مشاركة الغريب (المشاركة 90492) وصح السان عيد الجلادي وحامد الخياري

اقتباس من مشاركة عبدالمجيد العنيزان (المشاركة 90510) وخوينـا مايكظـم الغيـض زعـلان وقصيرنـا نعطـيـه حـقـه وزودي مشكوووووور على النقل

اقتباس من مشاركة مبارك العجوني (المشاركة 91921) صح لسان شاعرها والقبيلة تستحق اكثر من هذا ومشكور على نقلها

اقتباس من مشاركة رويبح رباح العويمري (المشاركة 93702) صح لسان عيد مربح وحامد

اقتباس من مشاركة عبسي مغترب (المشاركة 102819) اخوي فهد لا هنت على نقلك الرائع وشاعر عبس وعميد الشعر غني عن التعريف وصح السان الشاعر حامد الخياري الرشيدي من جمهورية السودان اخوك /عبسي مغترب