أيامنا مرت .. ولابه حسافـات =والليل الأسود .. ماشكته المدينه
والسوبحه .. والبسمله والتحيات =كم وسعت .. صدر النفوس الحزينه

حييت .. ياجرحٍ من العام ماشيف = عقب البطا .. ياجرح مرحى وسهلا
عقب المفارق .. وافتراق المواليف = صبرك على قلبي .. ترفق ومهلا

اكتب سواليفك .. على بيض الأوراق = واستلهم الفرحـه .. لعينـي دقايـق
وأخفي دموعٍ .. ماكنه بين الأحداق = منها استبانت .. يا الحنـون الحقايـق

الود طبعـي .. والعـذارء بغنـه= والعهد أضمه .. لو تجور المقابيـل
مير البلاء .. كان اغدرن وارخصنه = واقفيت .. امسح دمعتي يارجاجيل

رايق تفاكيري .. من الهم مغصوب =وبه صرخةٍ .. ودي اميَز صداهـا
ضايق .. وكني لابس الثوب مقلوب =من سبت اللي .. ماعطتني وفاهـا

بهجر قراهـا .. والعـرب والمماليـك =وأوجه اليمـه .. وأجلـي سنـودي
لا صار ما للحرف .. وقع ودرابيـك =وشلي على .. طرد الصحيب الجحودي
رد الخبر .. ياخافقـي فـي قوافيـك =وازتمهم .. بيـن الثـرى واللحـودي
جعل الليالي .. تنتهض لـك وتاويـك =وتسوقلك .. حظٍ بشوفـك يجـودي

كم غربتبـي.. والمداهيـل شرقـا =ذيك البيوت .. الطيبـات النديـه
ياهاجسي .. سوق البعارين فرقـا =والتمها .. لاغطرفت ب{ ابرقيه }
على الذي .. كب المعاليق حرقـا =واقفى كم خلٍ .. تناسـى خويـه
صد وصدوده .. يعني اليوم .. فرقا =يعني تراك اليـوم .. مثـل الهفيـه
لاصار مالك .. بين الأفكار طرقـا =ولا لا للرسالة .. عندهم قابليـه
خله على .. ضلع الرجاجيل يرقـا =وعل الهنـاء .. بأيامـه المقبليـه

خلوني ..أسلا وأحتسيها وأنـا حـي =والا الهزيلـه .. مرذحـو واطبخوهـا
مايجلي .. الهزلـه علاجـن ولا كـي =مثل الخلوج .. اللي هدت والفخوهـا
ياصاحبي .. سج القدم واقرب شـوي =واحذر .. من اللي دروخت ولد اخوها
الطيب .. قفابه تـرى حاتـم الطـي =والملعنه .. عنزن ضنـت واصلخوهـا
والمرجله .. ماسخروها علـى شـي =والسالفة .. قربة عـرب وانفخوهـا

يدميني الهاجس .. وترتاب الأفكار= وأعانق .. أطياف القهر والغبينه
واليا ادلهمت .. والبست ثوب الأكدار = سريتها مسرى .. العرب للمدينه

أن كان قلبك .. يطلب الغيمه لحاف = شفني .. تلحفت الثرى في غيابك

ديمٍ عرضلـي .. ماطفالـي لهيبـي = والحلم قفـى .. والبستـه المضـره
والسقـم لبابـي .. وزود نحيـبـي =والصاحبه .. ثوب المكابـر تـزره
اسري مع الساري .. وجرحي عطيبي =وأوجست .. في صدري ثلاثين حره
حتى أستضاقت .. وأنحدربي نصيبـي =وأخفيتها .. بيـن الرجـم والمجـره
ياصاحبـي .. ياعزوتـي ياحبيـبـي =الحظ مقفي .. والزمن بـان شـره

يسبق لبيب الليل .. لادبت اخطاك =نشوة .. معاليق الجـروح السطيـه
والخشم والمنحار .. والثالث شفاك= وأرياح خدك .. والشعر والشطيه
صكت على قلبٍ .. تولع بلامـاك =وأستلكعت .. بين العذر والخطيـه

للحر شرهه .. للمواقف مناعيـر=والليل .. مرباع القلوب العليلـه
والريح .. ماهبت على ساقت الطير=والطير .. هبات الهبايـب تشيلـه
والنار تزمي .. والنوايـا مغاتيـر=والحلم يجنح .. والليالـي طويلـه
والظرف .. يومنه حدا سالم الزيـر=ماباق ربعه .. وأستهـان القبيلـه
والشعر .. لامنه حضر للشواعيـر=ساقوا بيوتٍ .. ضافياتٍ جزيلـه
ياصاحبي .. شبت لهيب وزمهريـر=دوك الخبر .. وأرك الحمول الثقيله
أما .. تخليها هجـوس وتفاكيـر=والا .. يجيك الذيـب والا تجيلـه