|
العمده يتذكر اصدقاه في ماض الزمان
دخلت ادور ربوعلي قديميني= ولاشفت بالدار من عيناتهم عينه ارسلت شوفي يسار وقدم ويميني=ولاشاف ياغير ذكرى رسم بالطينه ذكرى من السبع يوم انه يناديني= يومن ديني قبل عامن على دينه يومه يبوج الصحار بوقته الزيني= ويجر صوته على عالي ضلاعينه حتى المعزب شهر ماشافته عيني= فقدت شوفه ولا دري ياعرب وينه من بعدهم ماخبر واحد يسليني= بالنضم ولا المواجه في ميادينه ولاقول خليت لاجل مايحسب الشيني= ارجل يدارك الموضوع في حينه يوجد نشاما كرام وعلمهم زيني=لوكان تطغا على الموقع وراعينه والي نقدني بعلمي لايخاويني= تحول جرد الصحاري بيني وبينه وشلون مانشد عن ربوعن عزيزيني= جونا وراحو ماشفنا منهم الشينه وختامها الله يلم الشمل ويعيني= للي ضروفه ثمان اشهر ماهي زينه |
إقتباس:
صح السانك يابو تركي وماذكرت يستاهلون السوال عنهم وهذا من طيبك اما البيت الاخير اعتقد ان معناه بعيد الله يعقل على الجميع وختامها الله يلم الشمل ويعيني == للي ضروفه ثمان اشهر ماهي زينه |
إقتباس:
صح السانك يابو تركي . والله ان قصيدتك هذا معبرة .. شي مهم ... انا فاقد ناس واجد . لكن نقول لاعل وعسى المانع خير . وعزالله هالبيت من ذهب .. وجا في وقته يوجد نشاما كرام وعلمهم زيني=لوكان تطغا على الموقع وراعينه ................................... = ................................... هذا زمان اختلافات الموازيني = والعصر الاول معه راحت موازينه اطب اسلم واحصل من يحييني = وهو بقلبه منويلي على الشينه تجلس توجد على ربعن مقفين = بعد المساكين والدهر ومعاوينه |
مشكور ياصياف على المرور واذا طول الوقت ماجاء منهم احد انت في مكان المعزب ومصف المرح في مكان السبع الضاري حتى تقزر الامور
|
إقتباس:
اخو فطيما مشكور على المرور ولو تدري عن امور هذا البيت جوزتني فطيما ههههههههههه |
إقتباس:
والله مادري عنكم ياعبس مار اسمع يالعمده العمده اللي دعا ناسن مقفيني= وش مشغله في هل الحره واهل لينه لو روح الكل ماختلت موازيني= الدار تبقا ولا ختلت موازينه السبع متخفين وسط الضلاعيني= بالليل تلمع عيونه في ظلاعينه ومعزب الضيف هف مع البعاريني= عقب الحضاره ميبستن كراعينه هههههههههه وانا رفيقك بوقت العسر واليني= صوت عليه ولب الصوت في حينه لون الك بيت بالاخر يبكيني= نعرفه حنا ولكن يجهل جهينه ماعاد ابه حل ياكودك تخاويني=وجوزك بنت عمي واسمها مزينه وتنسا ربوعك بعد ماتخذ الزيني= نجلا هدب عينها يكسي لخدينه هههههههههه |
يا حي هالراس يالعمده وحي ربعك كلهم وخصوصاً الزيدي وضاح اليمن هههه
|
شكرا بن هادي انت اكيد من فريق العمده كن مستعد على خير بعد شهر رمضان المبارك نبي الفرق تصامخ هههههههههه
|
إقتباس:
وقول كفوووووووووووووو وبيض الله وجيكم بس عاد ياوضاح وش جاب الحره لينه هههههههههههههههههههههه |
صح لسانك يالعمدة وصح لسان اليماني وصياف
وافي يابو تركي والمعزب والذيب يستاهلون |
إقتباس:
أهب يالعمده وشلون مايذكر الحر النداوي مع الوحوش هههههههههههه أستلم ولاعاد تعودها العام تذكرني وهالين ناسيني=وشلون ناصر تغير تالي اسنينه أنا أحسب أنه على الشده مصافيني=لاشك بان السبب من بيني وبينه ياكيف تنشد الناس عن الناس المقفيني=ترى المقفي هواه يسوق رجلينه العام سبع الخلا يمشي ويياريني=مع كل خبتٍ جوازيه مفلينه وأن صدت ناديته وهوه يناديني=صيد الخلا من سباريته مصفينه واليوم لو صحت له ماهوب موحيني=لاشك باع الخوي واللي مخاوينه هذا مثالٍ مثبت بالبراهيني=والحر الأشقر ماينشد عن مخلينه هههههههه |
صح الله السسنتكم على الابدااع وحيلكم بينكم
|
إقتباس:
النمر انت نمر على اسمك مشكور على المرور اما الزيدي اسمحله مايعرف ديار بني رشيد وجت على القافيه ولطشها ههههههه |
إقتباس:
شكرا غازي اسمحلي الكبر شين ونسيت ولا كان معلقك مع المعزب وابا الخليان هههههههه |
إقتباس:
مشكور يالحر النداوي اخي الكريم حنا تكلم عن سباع الخلا وبعد رمضان الله يلحقناه على خير نتكلم عن الطيور الجارحه ههههههههه |
أرررررررررررحب تماتيك أبو تركي
أبو تركي اللي علينا نسمع اقواله ؛؛؛ عمدة المنتدى اللي عالي مستواه الذهب لا يصداء أبو تركي مهما مر الزمان والأيام ستكشف الصديق الوافي وسلمك ربي وحفظك |
ايه يالعمده مظالك عصر ههههه ذكريات هذا زينها زمانن فات عسا الله يعيده ومشكوور على طرحك
|
صح السانك وعتلاشاانك يابوتركي
شاعر غني عن التعريف عزالله انك وافي ياعمدتاً الغالي. ماهو غريب عليك الابداع شاعر من شعراء عبس البارزين والمعروفين لله درك |
إقتباس:
هلا ومسهلا انت عينت صديقك ابو عوجه بعد ماجيتم من الجنوب |
البقاء طال عمرك ايه متعافي وطيب ولا عليه اخلاف والظاهر أنه ناوي نيه في بعض شعار الشبكة ويحضر للهجوم لكن عليك فيه يا أبو تركي |
إقتباس:
قصيده معبره عن شيء حاصل بيض الله وجهك |
وحلالاه تهقون ان ماهم على قيد الحياه السبع الضاري والمعزب لاحس ولا رس
لاوالله الاقطعت كل الاخبار= اسبوع انشد مار عيو يردون اكيد ابه شين على صحابنا صار=اما قتل ولا حصل للعرب لون السبع يمكن حايشه ملح طشار= من البداه اللي لجحره يمرون انا سمعة انه كلا خمسة جفار= هذا كلامن من وكالة يقولون من ضين ابو عوجه لقاهن بمحصار= وهم على عرسن مغفل يغنون هههههههه ولاعاد خلاله على الدار ديار= صفا مراحه كنه امصبحه كون وقام ايترصدله قبل وقت الاسفار= قبل طلوع الشمس يبغا ايتثارون وطقه على زين النحر بأم شنكار=بمشوكن راسه من السم مدهون ههههه واما المعزب مكرم الضيف والجار= حين ولكن مبتلش بام حنون يبغا ايتمشا في حياته بالاقفار= قدام لايات الظهر تقل عرجون ويالله ياعالم خفا خاف الاسرار= لاتواخذ عبادك على مايسوون |
إقتباس:
|
إقتباس:
لاحول اثرهم لحقو جدي البرمكي الاول يامال جنات النعيم يالسبع الضاري عز الله انه فقيده المعزب صار راعي ابل هب ولاعزمنا وقت الربيع يبغا ايتمشا في حياته بالاقفار ======= قدام لايات الظهر تقل عرجون وعزاه يالعمده ليت البيت ذا ماهو قريب منك هههههههههههه |
إقتباس:
هلا اخو فطيما لابالله اللي قريب من البيت انت ومهباشك ودخانك العمايدي |
يامرررررررررررررحبا ياعمدة
|
صح السانك يابو تر كي
|
إقتباس:
فيك البقا يالعويمري |
إقتباس:
ابو المصاويط مشكور على المرور |
إقتباس:
دخلت وانا خرجت وغبت شهريني=راعي بعارين مشغلته بعارينه عينه اطالع مراية راعي الضيني= مايغض عنها النضر لو اجهرت عينه ههههه والشرشف اللي على راعيه لونيني= يازين لونه على راعيه يازينه مدري بعيني وانا راع البعاريني=والا يورّاء العيني من محبينه انشهد ان الهوى واهله مجانيني=الله يساعد كبير السن ويعينه ههههه مثل ابو تركي لزاعاً المضاعيني=واقفا وحال النضر من بينه وبينه عزي الحاله من فراق المحبيني=اللي غلاهم معلق في شرايينه عزالله انه خوياً يوفي الديني=الله يعزه على الطاعه ولايهينه |
إقتباس:
ماش الله انت على قيد الحياه مشكور على الرد الطيب ماعينت معيوف بن زهيميل بالصحاري ولاقفار يوم ادوج يامكرم الضيفان |
الله لا يخلينا منكم كلكم امين وصح الله السنتكم
|
وختامها الله يلـم الشمـل ويعينـي ==للي ضروفه ثمان اشهر ماهي زينه -------------------------------------- اقول امين ثم امين وصح السانك وعسى ما تفقد غالي ولا تشوف شر يابو تركي -وافي والوفى طبعك |
| الساعة الآن +4: 02:50 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
