|
الشعر ماهو بس تركيب الابيات
السلام عليكم ورحمة الله وبركاته قصيدة للشـ ـآعر ,, عبدالله باتل ،، الشعر ماهو بس تركيب الابيات و لاهو كلام ينطق بالسهولة الشعر مجهول(ن) بحوره عميقات و لاكل من يبغا يقوله ..... يقوله الشعر وهبه من رفيع السموات وغريزة بالقلب منذ الطفولة مثل البحر فيه الجواهر قليلات ولا يقاس في عرضه ولا يقاس طوله وبالشعر لاهل الصنف توجد علامات في صيغته في فكرته في ميوله والشعر له نكهة وميزة ولذات عند الرجال اللي تعرف الاصوله و الشعر تعريفه تراث و رسالات وتعليم ماهو طالب(ن) صفقوله والشعر مهما تكتبه بالمجلات إن كان ماهو بصح سريع ذبوله و الشعر صعب و فيه تجري دراسات وله أنظمة و أوزان في كل دولة و الشعر فيه أبواب ماتفتح أوقات طير يجي و يطير ماشيف زوله والشعر صيد وصيدة أحرف وكلمات والفاظ تسهر من بغاها ليوله والشعر فيه ارجال سموا رجال المهمات وله طيبين مثل أخبوله وللشعر رمزية وله جاذبيات وسمه وتركيبات تفرق قبوله والشعر له في تالي الليل حزات تلثم فرسانه وتصهل إخيوله اليا دار به الشاعر و أخذ فيه سجات كنه من أعماق الكواكب نزوله مافوق حكمة خالقه غير الايات كلام رب العالمين و رسوله و لافيه يبدع غير من فيه لوعات دايم قلبه كنه تصلاه كوله و يبدعه اللي يصبح الصبح ما بات وعليه طول الليالي يشعب ذلوله وبالتجربة و الموهبة و المعانات و الاطلاع يثير مشاعر فعوله وشعر بلا تجريح مافيه نزعات وشعر بلا تلميح مافيه هوله ماقد سمعت زهير بالجاهليات على قصيدة وحدة حال حوله و الشعر يعمل سابع المستحيلات قبل لاقح أمه و كثرت ارجوله و الشعر كاين حي ما مات لوان بعض الناس قامت تغوله شاعر و مستشعر وساعر دعايات وشاعر مغربل و لاهو بحوله والشعر له بالحرب صوله وجولات والشعر له بالسلم صوله وجوله والسسسسلام ختـــــــــآم |
صح لسان عبدالله
وتسلم يدّك أحمد على النقل الجميل |
صح اللسان ابو باتل
واحسنت الاختيار يااحمد |
إقتباس:
ياهلا بك اخوي ســند تسلم يابعدي ع المرور الطيب |
إقتباس:
ياهلابك اخوي البعيد منور يابعدي |
صح لسااانك يابن باتل
|
ياهلا ورحب بخوي ولد حايل منور يابعدي
|
صح السان الشاعر عبدالله باتل وياليت تكتب القصيده كامله بدون اخطاء او نقص في البيوت او زياده لان فيه بيوت ماهي مكتوبه بشكلها الصحيح ام من الطباعه او النقل مثل
شطر هذا البيت غيره بيوت كثيره منقوله خطاء او مفقوده بعض الكلمات او مزوده بعض الكلمات امل من الشاعر احمد ان ينقلها لنا صح وله تحياتي له طيبينه مثل خبوله هذا المكتوب في نص القصيده وهذا منقول غلط والصحيح له طيبينه مثل ماله خبوله الاخ احمد منيف فيه بيوت كثيره ام زايده او ناقصه وهذا يعيب القصيده ام ان تنقل القصيده بالشكل الصيحيح وهذا الكلام للجميع ارجو من ينقل القصيده ان ينقلها بشكلها الصحيح لان نقل القصيده بالشكل غير الصحيح يخرب القصيده وينقص من قبليه القصيده عن القاري حتى لو كان اغلب المتذوقين يعرفون القصيده حتى لو نقلت بالخطاء امل من الاخ احمد ان ينقل لنا القصيده بشكلها الصحيح والف شكر لك يا احمد على نقل القصيده ولك تحياتي وامل ان تقبل ملاحظاتي بصدر رحب وفقك الله |
هلا بك اخوي هاوي ومشكور ع الكلام الطويل اللي قلته وفيك الخير .. والبركه انا قاعد ..
انشر للشاعر عبدالله باتل .. حسب مااحصله بالنت .. وللمعلوميه .. اخوي هاوي . هذي القصيده ببعض المنتديات منشوره ع اربع ابيات وخمس ابيات واذا انت عارف القصيد الله لايهينك شد حيلك معاي . ونزله له بشكل الصحيح .. مشكوره ثاني مره ع الكلام اللي قلتـه :) |
لو ان بعض الناس قامت تغوله
|
ياحياك الله اخوي ... تفائل
|
استغرب حقيقه
مكتوب تحت اسمك شاعر ومع ذالك منزل القصيده بعض الابيات مكسره يا ليت تنزلها في الشكل الصحيح الحقيقه عبد الله باتل اسطوره بهذه القصيده التي تحمل جميع المعاني الاجابيه عن الشعر ولك خالص شكري اخي العزيز |
بسم الله الرحمن الرحيم الأخ احمد أولا نشكرك علي اجتهادك الرائع و محاولتك جمع القصيده لشاعر العلم عبدالله باتل ولا يلام المرء بعد اجتهاده وأنا كنت أحفظ بعض الأبيات لهذه ألقصيده وهي طويله وأنا رأي من رأي اخوي هاوي الشعر في جميع ما قاله وأريد تعديل بعض الأبيات إن لم تخني الذاكرة ومنها الشعر مهما تكتبه بالمجـــلات .... ان كان ما هو صح عجلٍ ذبوله ================================== الشعر له في تالي الليل حزات .....تلتم فرسانة وتصهل خيولة ================================ لا سج بالشاعر واخذ فيه سجات ....كنه من أعماق الكواكب نزوله ==================================== الشعر كائن حي موجود ما مات ...لو كان بعض الناس قامت تغوله ==================================== شاعر ومتشيعر وشاعر دعايات ...وشاعر يقرب له ولا هو بحوله ================================= ما قد سمعت زهير بالجاهليات .... على قصيده واحده حال حوله ==================================== ويوجد بعض الأبيات تحتاج إلي تعديل إما بنقص كلمه أو زيادة أو ليست في محلها وأخيرا لك مني اخوي احمد ألف شكر وتقبل تحياتي |
صح لسان البحر الميت ومشكوور على الطرح يالامير لاهنت
|
صح السان شاعرها
اخوي احمد لاهنت علي النقل |
مشكورين اخواني ع الكلام والنقد
لاهنتم |
شعر كبير وحكيم يابوباتل الله اكبر حكمه
|
ياحياكم الله اخواني ولاهنتم
|
| الساعة الآن +4: 01:37 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
