نعم نعم
أنت يالفيلسوف آخر زمانك تهوّر=مثل ماقالوا البدوان جنّي مصوّر
أعتقد دم شريانك على القلب حوّر= وأقدحي يازنود أولعي يافتايل

آخر الوقت صار الفيلسوف=يجتمع في مشايخ وأومرى
مادرى ان الحساء مثل الهفوف=كلبوهم على الزاد أخشرى

انت يالونش مدري ويش ناوي وناوي=كان تبغى المعاني جاك حرٍ نداوي=وكان تبغى المقاشر فوقك النجم هاوي=واقدحي يازنود ولعي يافتايل
اول الوقت واخره معروف=انصر اهل المداين والقرى
عارف ان النقط فوق الحروف=وانت بين الثريا والثرى

نعم نعم

أنت نوبً تخم الهرج وأحيان تنقا=لكن تياقيو دايم ورى أبداع بنقا
بيت بيتً وشارع شارع وزنقا زنقا=واقدحي يازنود ولعي يافتايل

كان الك عين بالدنيا تشوف=ماورى العوشه ظل وذرى
التعب من ورى الشهد مخلوف=لكن المشكله طرد الغرى

اقتباس من مشاركة الفيلسوووف (المشاركة 2280798) انت يالونش مدري ويش ناوي وناوي=كان تبغى المعاني جاك حرٍ نداوي=وكان تبغى المقاشر فوقك النجم هاوي=واقدحي يازنود ولعي يافتايل اول الوقت واخره معروف=انصر اهل المداين والقرى عارف ان النقط فوق الحروف=وانت بين الثريا والثرى

انت جني ولك لبسين واعوذبالله=منك مير السبع معروف دربه يدله= ويامعمر ترى عكس الشجاعه مذله=واقدحي يازنود ولعي يافتايل
بالمعارك نبى نسل السيوف=وانت طايح وفي عينك ترى
اشغلتك المهمه والظروف=مير قلي عليكم وش جرى

نعم نعم
وانت جنيةً عند المقابر توحّا=كل مأظلم عليها الليل قامت تفحّا
افضل حلول ياحسني مبارك تنحّا=واقدحي يازنود ولعي يافتايل

تارد الماد وتصدّر عيوف=مير ياناصر انصر من سرى
خابرين الذيابه ماتحوف=غير لا لحقها جوع وعرى

ماعرفنا علومك يهذا المودماني=مير عالي مقامي والزمن ذا زماني=وانت تالي الزمن بنت بمكان ومكاني=اقدحي يازنود وولعي يافتايل
لو اسوي بحضرتك معروف=ماتقدمت ...عكس ارجع ورى
منت يالونش يالطيب كلووف=ونش يبتاع نوب وينشرى

نعم نعم

كنت احسب انكم ياهل المدينه صحابه=اثر فيكم من احداث الليالي غرابه
وانت بنت بقناة الثرثره والعصابه= واقدحي يازنود ولعي يافتائل

تأكل الزاد لا صار مغروف=قبل لا اقول الك تأكل خـ 0000رى
كيف تبغى الحرير يصير صوف=وانت يالفيلسوف اكبر هرى