ما ضميت إلا لقاه ولا شربت إلا غيابه=ولا طعني غير سكين المدى بيني وبينه
ولا كتمت إلا السؤال إللي هدب عينه جوابه=ولا عوى ذيب المشاعر غير جوعان لحنينه
وما طوى قلبي هجير الشوق ووجعني صوابه=لين حبل الوصل ودّعته يديني من يدينه
ما ملكت إلا غلاه وما شكيت إلا عذابه=ولا فقدت إلا الملاك إللي منه روحي حزينه
ولا شرهت إلا على هم ٍ وسط قلبي لجابه=ما عليه عتاب مير ظروفي وجاير سنينه
حملتنا ثقل هم البعد واعطتنا ثيابه=وما ذكرت إلا وفاه ونجله وضحكت جبينه
وما التفت إلا لبارق وسمه وصافي شرابه=وما انجذبت إلا لحمر شفاه ولا نجل عينه
ليت ما سار القدم حتى الحزن ما يفك بابه=والفرح يبقى مقيم وله وسط قلبي مدينه

اقتباس من مشاركة دمعه (المشاركة 2259933) صح الســـان احمد وسلمت يمناك على هالذائقه استمتعنا بمفرداتها وماتحمل من معاني لاهنت

اقتباس من مشاركة عايد2001 (المشاركة 2260090) صح السان شاعرها ولاهنت اخوي عبداللطيف

اقتباس من مشاركة خابت هقاويك (المشاركة 2260233) احساس مرهف والف شكر لك ع النقل الجميل

اقتباس من مشاركة سَنَدْ الدّامَوَكْ (المشاركة 2263210) قصيده راائعه صح لسان شاعرها 00 وتسلم يدّك عبداللطيف على النقل تحياتي