|
قصيدة قوية عن الفراق
عقب البطا لاقيت ظافي الجديلات = ياليتنا عقب البطا ماالتقينا سلمت وقلت لنور عيني سلامات = وش غيًرك ويش السبب ما تبينا دنق وقال ارجوك إنه العلاقات = شيٍ حصل ماعاد هو في يدينا قلت السبب قال الليالي غريبات = إنه العلاقه واعتبرنا انتهينا انا بحبل انسان ماهي دعايات = ارجوك ابعد خايف انًه يجينا طالعت فيه وهلت العين عبرات = في ساعةٍ غصبٍ علينا بكينا حاولت اعبر عن همومٍ خفيات = بس الحكي شيفيد مهما حكينا كتمتهن بالجوف لوهن قويات = راضي على ماصار لو مارضينا وآخر كلامه قال لي كم كلمات = لاتسيء ضنك في غصبٍ علينا ولف العباه وراح وانا بحسرات = فرقاًجرت من غير ذنبٍ جنينا وقفت اخايل غض الأنهاد لحظات = فيهن تهدم كل شيٍ بنينا وقمت اتذكر كل شيٍ لنا فات = قبل ايتغير بالمحبه حدينا ياما سهرنا بأظلم الليل ساعات = وياما طلع نور الفجر مادرينا وياما لنا فوق المراقيب ذكرات = وعلى جبال الزور ياما رقينا وياما تحملنا الصعوبات مرات = وياما على سود الليالي شكينا على زمانٍ فات جريت ونات = لو هن على ضلعان مكه تلينا اقرا الموادع بالقصص والروايات = لاشك ماضنيت بيصير فينا وارجع واكرر كلمةٍ لي بسكات = ياليتنا عقب البطا ماالتقينا الــــــــــــــــــجزء الثــــــــــــــــــاني تكررت عقب البطا والتقينا = من عقب مامرن سنينٍ طويلات في صدفةٍ فيها حشا مادرينا = ولاهقينا نلتقي عقب مافات لاشك جابتها الليالي وجينا = رغم الفراق ورغم ذيك المسافات في موقٍف بان التوتر علينا = لحظه تلين إبها القلوب القويات قالت شلونك قلت ربك عوينا = الحمد لله عاضني عقب لوعات الله رزقني في هنوفٍ تبينا = احيت خفوقٍ كان بعداد الأموات هي نور عيني فرحتي والضنينا = ألقابها عن ظيقة الصدر سجات قالت سليت وقلت عقبك سلينا = لكن عقب مالاعنا الحب مرات قالت شلون وقلت لاتسألينا = مافات فات ولا تفيد الحسوفات قالت تكلم قلت مهما حكينا = الدمع ماينفع عزيزٍاليامات قالت نسيت وقلت لامانسينا = لكن قنعنا والقناعه من الذات قالت أروح وقلت وش في يدينا = روحي عسى في كل خطوه سلامات بصبر على فرقاك مهما حيينا = ولا تشوه صادق الحب زلات قالت على ماكنت دنيا ودينا = تكرم ونكرم عن دروبٍ رديات قلت اسمحيلي قبل لاترحلينا = يم الديار اللي علينا بعيدات تراي ذخرٍ لاحدتك السنينا = اجيك مهما واجهتني صعوبات من اليوم اخوك وغيرها ما بغينا = كلي فداك ان صار بالوقت ميلات وتبسمت بإعجاب مدري حنينا = وتهشمت قدام عيني بعبرات قالت فمان الله قلت انتهينا = واقفت تكلم نفسها بس بسكات وقفت تقديرٍ لها ثم مشينا = دربٍ مشوه اهل القلوب العفيفات امشي واردد ليتنا ماالتقينا = وش جابها عقب السنين الطويلات الجزء الثاني عجبني اكثر بس ماعتقد حد يتمنى هالموقف الصعب القصيدة منقولة لانها اعجبتني |
ياااسلاام عليكي..عن جد راااقت لي القصيدة..وعسى ربي مايجيب فراق.. كل الشكر لك يالغلا...لاخلا ولاعدم |
امين يارب الله لايجيب الفراق
والعفووووو خيتوووووو واسعدني مرورك لاعدمناك |
القصيده والله معبره واعجبني موضوعها وشدني وشكرا اختي على ذوووقك وتسلميننننننن على النقل
|
سلمت الايادي .. ابيات رائعه يالغلا ..
باأنتظار جديدك .. |
قصيده رائعه وتعبير واسلوب وافي ... شكرا على هذا النقل ....
|
الله يعطيكم العافيه واسعدني مروركم لا عدمناكم
|
عقب البطا لاقيت ظافي الجديلات = ياليتنا عقب البطا ماالتقينا
الله الله ماشاء الله ذائقة رائعة كما روعتك في جنبات المنتدي أختيار جميل ولآجمل مفرداتها العذبة جزلة أشكرك |
إقتباس:
الله يبعدنا عن المفارق وقصيدة بالحيل راقت لي مشكوره اختي |
العفو اخواني بندر واحمد والله يعطيكم العافيه علي مروركم
|
القصيده تعبر عن موقف
وفيها صور جميله عذبه سلست الإسلوب شكراً لك على ها النقل الجميل |
العفو اخوي شكرا على مرورك
|
سلمت يداك على النقل الرائع
|
الله يسلمك رساااااااااام
اسعدني مرورك |
قصيده روعه ذوق ياذوق
|
قصيده رائعه وتعبير واسلوب وافي ... شكرا على هذا النقل ....
|
كبرياء يسلمو انتي الذوق كله اسعدني مرورك
اخوي نبيل يعافيك ربي ع مرورك لاعدمناكم |
القصيده والله معبره واعجبني موضوعها وشدني وشكرا اختي على ذوووقك وتسلميننننننن على النقل
|
يسلمك ربي اخوي نواف وشكرا علي مرورك الطيب لاعدمناك
|
الله يعطيك العافيه صح السانك قصيده صراحه جميله
|
صح السان قايلها ويعافيك ربي سهل علي مرورك الطيب لاعدمناك
|
| الساعة الآن +4: 05:08 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
