لاضاق صدري من تصاريف الايام =ركبت جيبي لليل ولانهاري

احيان تضيق النفس من شئ مخبور = واحيان يجيها ضيقها من خلاها
ولايضيق صدر(ن) مايجي فيه حاشور= ولايحس في الجمره سواء من وطاها

يالله ياللي تسجـد النـاس لرضـاه=ياوامـر خلقـه علـى حـج بيتـه
تفرج لمن سده على الناس ما ابـداه=راضي على مقسومك اللي عطيتـه

أليا صفالك زمانك عل ياظامي=اشرب قبل لايحوس الطين صافيها

اقتباس من مشاركة عبدالعزيز الخياري (المشاركة 11403) هي ضيقة الصدر ولاّ ضيقة الخاطــــــر والله ماأدري؟ ولكــن ضيــقة بضيقــــة

لاضاق صدري قمت اسوي من الكيـــف= فنجال بن مايغــــبب ســريبــــــه
بكرٍ على بكرٍ عـــذي عن العيــــــــف.=. يطرى على ان نام خطو الزريبه
وانٍ مصـبـه كــن لــــــونه الى شـيـف= سـلـك الحـرير الى تمهل صبيبه
صــــبــــه الممرور براسـه زعـانـيـف = اللي إلى شبت يصالي لهيبـــــــه
ويثنـــى عن الرّبع المقفين بالســــيـف = لاحـــــل في تال التفافيق ديبـــــه
وفيــنــا محـازمنــا اسـوات الكرانيــف =ومعــنا خطاة املظب لاح شيبـــه
لعـيـــون غـيـدٍ شرّ كت تـنـثـر الليــف =.اللي شـــكا وارد قـناهـا عـسيـبـه
بشرقــي قـفـار كنهــا مزنة الصـيـف =. شـرقٍ عن البطحا بجازع شعيبه
اللي نمـاهـا لــلـــمـســايير والضـــيف = يوم ان ولــد النذل حارب قريبـه
صرنا لعدلات المناظر كــلاليـــــــــــف =ننجش لهم ملح الشـفا كل عيـبــه

الموت حق وكل نفس تذوقه=مير البلا من ذاق موته ولامات

إن ضاق صدرك وصار الوضع به رجه=عليك باللي هموم العبد يفرجها
وإن صار وقتك صعيب ومرتكز عجه=ضحكك بوجه الليالي السود يزعجها
اقهر بلاوي الدهر بالضحك والسجه=واضرب برجلك دروب العز واسهجها

ابعد عن البل شات ودروب الانشاب=لا شفت بالموضوع شكه وريبه
ترا حلات الرجل بالعمر لا طاب=وان خاب والله في حياته مصيبه
والمشكله لو كان مافيه مجناب=وتجلس جبر منك المشاكل قريبه
لا كان ربي فاتح(ن)للفضا باب=سق القدم والرزق ربك يجيبه
وان ماحصل عنها مجنب ومهراب=ارم الهدف وحرص على انك تصيبه

للصمت في بعض المواضيع حكمه = وما للحكي في بعض الاحيان داعي

ياديب لا تغتر في بعض الأزوال =خطو العرب ياديب ما من تكانه
ما ينفعك لا من حداك أشهب اللال=اللي على الجدَّان ماكَر خيانه
ساس الردى لابد مبناه ينهال=ولد الردى صاحي تحطه بطانه
ترى الذهب من صافي جنيه وريال=ما يختلف ياديب طيلة زمانه
تلقاه وقت الضيق لا صكك الجال=الصفر لا يغريك زين المعانه