|
القسوره يتحدي شعراء النظم
السلام عليكم مساكم // صبحكم الله بالخير جميعا
الموووضوووع باختصار من يستطيع المجاراه عديت رجمن بعيدن ملاويحه = وعويت به عويت الذيب سرحاني لعل همن بقلبي سواريحه = توارده كنها ذوود بدواني ترعا بخايع بعثرانه وشيحه = وامن الكلا مايربع بالاوطاني صدرن تزاحم ذوايد نوازيحه = وهمووم لا صرّم العوود ترعاني وذبيت في راس مشراف لي صيحه = لعل همي ولو يوووم ينساني |
يالقسوره مرحبا من غير تلميحه نيابة عنهم اللـــــــــيله تحداني ياشاعرن محد يحصى تباريحه ماانت لحالك معك خاتم سليماني شعارنا اوضعاها ماعادت منيحه مع احترامي لقاصيهم مع الداني بعض القصايد لها ياصاحبي ريحه وفي اسم شاعر يخاشرني ويبلاني لو تمشي بدرب واضح احذر الطيحه وانته بشر شي عادي لازم تعاني |
بيض الله وجهك يامحمد الراشد
دايما سبّاق بالطيب صح اللسانك ولاهنت |
يالله منووو بعد يبي يدلي بدلوه
|
وجهك ابيض
وصح بدنك والدور على اقرب شاعر يدخل |
إقتباس:
صبحك الله بالنور والسرور استاذي القسوره صح الله لسانك وانت مثل ماتعرف ماني شاعر لكن ابجاريك وتعلم من اخطائي الله الله اسمع يالقسوره ول ويح الشعر ويحه=ان كان ماجاك في كل ميداني وصيحتك اذا كنت خايف من الطيحه=معذور لاشك ياذرب الايماني واهمومنا كلبونا على الريحه=وصدورنا بآخر الوقت نيشاني هلل وكبر وزدهن بتسبيحه=وحافظ على الدين في خمس الاركاني وهذي نصيحه من البرق تلميحه=وادري انك ادرى بها ياكحيلاني |
السلام عليكم
عندي تنويه حسب معلوماتي أن المجاراه تكون كالتالي : تعرض القصيدة ويجاريها الشاعر الآخر والشاعر الثالث يحق له تغيير القاف والوزن ثابت وإذا رد الشاعر الأصلي الذي عرض القصيدة للمجاراه يحق له أيضاً تغيير القاف دون الوزن والله الموفق أما الأخ / محمد بن راشد مجاراته جميله وموفقه سجلوا اعجابي |
القسوووره انت شاعر كبير بس هذ االطرق احس انه قديم
وانت تقووول جديد وفيه بيتين لشاعر محمد بن شردوووق احس انه قريب من هذا الطرق يقووول عديت انا الرجم الطويل المحدي == قالوا عسير وياولد منت وياه قلت ابرقب المرقاب من ودي == والبارحه واليوم انا ذقت فرقاه ولا انا الشعر النبطي اعذروني ولا المحاووره ابشروا |
إقتباس:
الله الله عليك يابرق الوسم هذا ردك وتقوول مانت شاعر صحيح مانت شاعر انت جني ازرق ههههههه بيض الله وجهك محاوله طيبه من طيب راعيها لاهنت |
إقتباس:
يامعدي الرجم مثلك يانطح نطيحه =مايشتكَ الهم لوهو صابه اجناني [/quote]ياليتني ماعرفت اسباب تجريحه =ولاعرفت الهموم اللي بها يعاني الهم لوهو كبر ياخوك لاتبيحه = ولاتتعب الرجل يم الضلع وتباني اصبر عليها كما صبرك بتجريحه = تزين يالقسوره .. ترا العمر فاني |
القسوره صح لسانك
وإنتظروني راجع لكم الليله إن شاء الله |
إقتباس:
إقتباس:
// قسورة الغاب وجهك ابيض وماعليك زود ياطويل العمر تحياتي لك |
صح السانك ياقسورة الغاب
وصح السان جميع الشعرا اللي جاروالقصيده تحياتي |
يا معدي الرجم لاتامن الطيحه = ماهي بلحية رجوماً وضلعاني الوقت هذا كثارن تصاريحه = العولمه قربت فيه الأوطاني اللسان شعري طليقه تفاصيحه = ادراه عن نقدة أفلان وأفلاني يالقسوره لو ورى الليل تصبيحه = بالنظم بحرن صعيباً بالاوزاني لو جبت علماً بعيدة مشاويحه = انته كفو شعر مافيه نقصاني اسسسسسستلم يا شاعر المحاوره تشابروووك شعّار النضم على قولتك هههههههههههههههههه يا أما انا والبرق صح وإلا خاننا اللحن واصابه ابو مهلي !!!!!!!!!!! المهم كلنا عيووووووون في راس مهما كثرة العيووووون ههههههههههه |
يا أما انا والبرق صح وإلا خاننا اللحن
واصابه ابو مهلي !!!!!!!!!!! المهم كلنا عيووووووون في راس مهما كثرة العيووووون ههههههههههه الكثره تغلب الشجاعه الي تشوفه ياكاتب كلك نظر |
صح الله السنتكم جميعا ولي عوده باذن الله |
مجارتي و خالص تحياتي لكم
القسوره صرح وسجل بتصريحه وأصبح نظامه على لاحي وليحاني و الله و الله ما ودي بتجريحه ولا لأعد الخطاء و أحط عنواني لو هو يهز الجبل لا يمكن ايزيحه و لو يركض الليل كله ما تعداني لاكن لحقه من اخر ليل تصبيحه وأصبح يشيل ويحط بكل ميداني وكتبت له رد عاجل فيه تلميحه ولاهان راسي وراسه مابعد هاني |
إقتباس:
ابن سعيد حياك الله وتنويهك علي العين والراس لكن المسأله ان البحر غريب ومبتكر فهل تستطيع ان تجاري هذا البحر ولو ببيت واحد . اسعدني مروورك الـمـشـرف لاهنت |
إقتباس:
الله يجازيك حياك الله اخي العزيز الي اللحظه هذي وانا اقوول جديد مدام ماجاء شاعر ونفا هذا الكلام بدليل قاطع بنسبه لابياتك فهي علي المسحووب عمووووما اسعدني مروووورك ولاهنت |
القسوره اكدت مصادر مسؤوله عن الشعر ان ردي عليك فيه اختلاف بالبحر
هل الاختلاف كبير لاني ماعندي خلفيه كافيه عن لبحور لا جت القصيده هليت فيها ولاهمني بحرها هههه |
الله
عليك يالقسورة تحياتي |
صح لسان الجميع
|
إقتباس:
ابوو عواض صح اللسانك وبيض الله وجهك رد وافي من شاعر وافي اسعدني مروورك ولاهنت |
إقتباس:
يابوو صالح وين مشاركتك ههه اسعدني مرووورك لاهنت |
إقتباس:
صح اللسانك يابووو عزوووز نعم اصبت الهدف انت وبرق الوسم بيض الله وجيهكم ولكن هذي الجوووله الاوولي والوعد قدام والمخرج ملي ههههههههههههههه اسعدني مروورك ولاهنت |
إقتباس:
صح ابدانك وحياك الله يابوو ابراهيم وننتظر عوودتك لاهنت |
إقتباس:
إقتباس:
صح ابدانك وحياك الله يابركه وهذي الساعه المباركه وصح اللسانك وبيض الله وجهك رد وافي من شاعر وافي اسعدني مروورك ولاهنت |
إقتباس:
محمد الراشد صح اللسانك والله ان ربي محليك سواً عرفت البحووور والا ماعرفتها ^_^ نعم يابوو مهلي فيه اختلاف بس انه بسيط جدا ماينشاف هههههههههه |
إقتباس:
يووسف الاسود صح ابدانك وحياك الله اسعدني مروورك ولاهنت |
إقتباس:
ااااااااارحب يالقسورة اشهد أن منبع بحور الشعر عندك شاعر كفو اما الوعد قداااااااام تزهل لي عزوز الله يصلحه يقوووول مدام أنك كسبت الجوله هذه من القسوره طالبك اثريه شاعر شف بيوته بالتوقيع الله يبارك فيه هههههههههههه |
ابوو عواض صح اللسانك وبيض الله وجهك رد وافي من شاعر وافي اسعدني مروورك ولاهنت[/quote] صح الله بدنك ووجهك ابيض ياصديقي جعلك ماتهون موفق خير |
إقتباس:
القسوره شاعر كبير وطرح مميز يستحق المتابعه يازاعج الصوت صيحه ورى صيحه=جيناك صفين صاحب وقوماني من دونك الموت ناطاه مانبيحه= ناطا على الموت واحد ورى الثاني لاتحسبنا ندرهم على الضيحه= جيناك بسيوف وبيوت والحاني ون قلت هلحين مال البدو ليحه=قلت ارقب الرجم ياذيب سرحاني وتحياتي لك مبدع مبدع مبدع |
إقتباس:
يا معدي الرجم يكفيك تلميحه=لا تحسب الكل صقهان عمياني لا تحسب البحر غابت سبابيحه=احسب حسابك ترى منت وحداني مستفعلن فاعلاتن لها ليحه=لكن وش تشوف ياطير حوراني بعض العرب لو طواريقه تريحه=أفضل من إنه يعذرب بالأخواني لكن عسى الله يعافيه ويبيحه=هذا وأنا أقول يالله لاتبلاني |
إقتباس:
وبلا حركات ههههههههههه |
إقتباس:
صح أبدانك يا أبو مهلي وبالعكس القصيدة خالية من الحركات تماماً لا ضمة ولا كسرة ولا فتحة كلها ساكنة والأخبار ساكنة ههههههههه تحية عطرة لك خاصة |
مشكوور اخوي على القصيده الجميله
|
إقتباس:
يامعدي الرجم تحتاج تسبيحه=الظلع تراه مليان ديباني واللي سواتك بعيده مصابيحه=مايمتطيها بلا سرج وعناني لو مالها مع ضعون العرب ليحه=الا طواريق صاحبك عوجاني هههههه ومدام محتاج لراي توضيحه= جوك اهل الهجن والعلم نيشاني كلاً طرح فيك رايه وتصريحه=والا انت شاعر من الشعر بطراني |
اخي قسورة الغاب اخترت بحر يطرب ويهيّض واقبل مجاراتي اتمنى انها ترتقي ولو لربع تحدّيك.. يامبدع لاتصيح بالرجم .. والصيحه / الطيحه=والهم طيحاته تسلّ الابداني بالناس ماقلب عايش بترييحه=من لاتعب منجنى به, تعب جاني ياقافل الصدر , تارك مفاتيحه=للي يجي يدخل السدّ مجاني خلك كتومٍن ولو تلتوي صيحه=باقصى حناياك .. قل: مابي احزاني تقبل تحياتي ومودتي الصادقه |
شكرااااااااااااااااااااااااااااااااااااااااااااااا ااا
|
إقتباس:
الله الله صح اللسانك واعتلا شانك يالمهم1و بيض الله وجهك رد وافي من شاعر وافي شهادتك وسام علي صدري ياطووووويل العمر اسعدني جدا مروورك وشرفني حضوووورك ولاهنت |
| الساعة الآن +4: 06:26 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
