ادورك من مده هلا فيك جيت منين؟=هذا منزلك بين المعاليق ماشلته
تصبرت عنك في وعود الليالي لين=ذبحني غلاك وموعدي طال ماطلته
ابقول كل اللي على خاطري هالحين=وأنا خابر اني بجرحك حيل لاقلته
قبل ياخذك ماكنت بالشوف تملى العين=وحتى كلامك لا سمعته تثاقلته
وبعد ماخذاك ورحت عني ولا أدري وين=كبرت بعيوني والجفا ماتحملته
اثر قيمة اللي في يديك ان خسرت تبين=وهو قبل عندك في يديك وتجاهلته
احبك كثر ماكنت سالي مع السالين=كثر ماأبكاني دمع عينك وهملته
تصدق بديت احس بمفارقك بعدين=عذاب الطريق اللي مشيت وتساهلته
ذكرتك وأنا من عادتي ماأذكر المقفين=زماني بدونك كارهه ماتحملته
انا أذكر تعاهدنا ودعيت أنت وقلت آمين=عسى حبنا بأعلى المراقيب منزلته
انا وأنت ماننسى بعض دامنا حيين=هذا عهدنا وإلا أنت ناسي وبدلته
عموما أنا ماقلت هذا عشان تلين=نصيبي حصل لو كان ماأبيه حصلته
فمان الكريم وجعل ربي بعدك يعين=فداك الخطا كله من آخره لأولته
مرد الليالي كان شانت معاي تزين=ياكم وآحدٍ راضته قبلي مزعلته
يجيب الزمن غالي يكفي عن الغالين=ينسيك كل الناس من يوم قابلته
وأذا كان ليه دين عندك فدآك الدين=وقلبك من العهد القديم أنت حللته
أنا قلت كل اللي على خاطري هالحين=ولا عاد باقي شئ للحين ماقلته

دنياك لا ضاقت عليك وتكدرت=فوق المحل ربعك غدو لك عقوبه
وأخذت لك ساعه بنفسك وفكرت=وحسيت عينك بالدموع مغصوبه
لا تنكسر لو شفت نفسك تكسرت=مدام في هالكون ربك وتوبه
الله ليا منك دعيت وتذكرت=ياخذت من هم الزمان ودروبه

على هونك .. ترفق ياشتـاي البـارد الكـذاب=تراها.. قفلتين .. الطعنتيـن ان قلـت ذبّاحـه
بشوفك .. بلمحك .. بتذكرك لا غابـوا الغيـاب=وأبا اصرخ من حشاي ورحله الغفران تفاحـه
ألا يا كبرهـا وانتـى وأنـا واثنينـا الأغـراب=على قلب خساير غيرتـه فـي ذمـه أرباحـه
رهنت لغيبتـك ظـلٍ نحيـل ودمعتيـن وبـاب=على قلبـي قفلتـه و الوفـا همـه ومفتاحـه
تفضل نعمه النسيان ما ابغي لا ابتعدت أصحاب=عطاياك القديمـه والجديـد اليـاس وارماحـه
بقي طيفٍ باحرسه في عيوني لك عليه أهـداب=ولاني حاجبه يـا وجهتـه لا هـداك مرواحـه

أنت بالديرة أو أنك بالجزاير=أنشدك قدآم لا أعلمك عني
كانك هنيا أبعطيك السراير=وكانك هناك السراير يمنعني
يابو فيصل خبر اللي جاك زاير=والرسايل لا لفت منك نفعني

ياهلا يامرحبا من قلب حاير=بالرساله مير أبخبره بإني
طيب ومرتاح وأبشرك صاير=بالجزاير يارفيق الخير كني
بين ربعي (بالمدينه ، والعماير)=لو فؤادي كل لحظاته يحني

ستة أيام أحرق بن وزقاير=(يافضي) عل الرسايل ياصلني
لين عديت المنازل والذخاير=آتلفت والمنازل مادعني
جعل مقبلة الليالي لك بشاير=من سأل قله (أبو حسين) أمتحني

دنياك لا ضاقت عليك وتكدرت=فوق المحل ربعك غدو لك عقوبه
وأخذت لك ساعه بنفسك وفكرت=وحسيت عينك بالدموع مغصوبه
لا تنكسر لو شفت نفسك تكسرت=ما دام في هالكون ربك وتوبه
الله ليا منك دعيت وتذكرت=ياخذك من هم الزمان ودروبه
عندك (أنا) ياما مشيت وتعثرت=غلطات من غيري علي محسوبه
وأنا أستحيت من الذنوب وتغيرت=ولا كل واحد يستحي من ذنوبه
يالله تغفر لي إذا يوم قصرت=جمله وقلها بضيقتك كل نوبه
الناس تتأثر مثل ماتأثرت=أحيان ما يتحمل الشخص ثوبه

أنا بــ : خير .. أربع وعشرين ساعة=من يوم غبتي ،، صرت أنا عايش بــ : خير
.
.
.
بالله صدّقتي ؟ تراها اشاعة=معقول أكون بــ : خير وأنتي ببلد غير ؟

أبشرك ..للحين " طيِّبــ " وموجود=عايش ولا عندي مشاكل // ولا أحزان ..!
بياض قلبي طول الأيام في زود=من جُود ربي موبــ من كثر ( الإحسان ) ..!
ما يكفي إنِّي رغم الأيام هالسود=حولي [ ذياب ] وعايش لوحدي " إنسان " ..!

وصلت هدد لهالرقم المميز من المشاهدات بفضل الله ثم فضلكم 8888 وبالصدفة المشاركات كانت 333

شكرا لكل من مر من هنا

القلب مـثل الطير .. وفر حمامــك=إن افلس اقفى لسماء يقلب الحوم


لآ يذبح الموضـوع قـل اهتمامــك=طعني وشف لك (شيخ) يفتي لك اليوم


مآ ظـنـتـي يآ زين يقبل صيآمـك=ريقك عسل .. علمني و شلون (بتصوم )؟

انا شتات ايام لكن تلملمت !!=ضحكات وجهي للزمن لا تغرك ..

ياما سهرت الليل ظلم وتظلمت !!=حالي قبل لو شفتها ما تسرك ..

من تجربة عمري عرفت وتعلمت !!=ان الردي مــهما نفعته يضـــرك ..

ادق رقمك كل ماصرت (رايق)=خابرك دايم (تسرق القلب) مني
وادق رقمك كل ما صرت (ضايق)=خابرك دايم (تبعد الضيق) عني

(الكلام أحيان يعطي مبرر للسكوت=دام حظّي واقفٍ لي على عكازته ~

من يقول الحظ يمرض ولا يمكن يموت=مات حظّي والليالي مشت بجنازتَه ..,

أحاول .. اصد ب ( اشواقي ) و ادلهها ،=و أكنها .. لين منها ذابت ( ضلوعي ) !

ذكراك .. من دمع عيني قمت اشرهها=وانت أكثر انسان .. تعرف قيمة دموعي

أكبر خطا فـي عمـري إنـي تعـوّدت=أشكي لربعي همي ان ضـاق صـدري !



في هالزمن مالك سوى الصبر , والصمت=الناس مو للناس .. والوضع مـزري !!

البارحـة صوتـك حزيـنٍ ومْرتـاب=وانا خشيت اقسـى عليـك بْسؤالـك

وإلاّ ان ضنّك في بعض (هالعرب) خاب=وانهـد لـك (حلـمٍ) يعيـش بْخيالـك


لوّحـت للمركـب وناديـت الاحبـاب=وقلبك غدى مرسى لمن عـاف جالـك

جنّب ولو مالك عن الـدرب مجنـاب=تعـوّض (اللـي راح) باللـي (بقـالـك)

حتى وانا في قمة الغيظ مقهور=بعض الحكي عيا يقوله لساني

ان كان نفسك عشان ابيك مغتره=والله لا اعلمك وشهي قيمة امثالي
ماتدري ان الحرار قلوبها حره=ان عزمت تقلب الاول على التالي
خليتني والوجيه البيض مسمره=تضحك علي الليالي بوجه عذالي

يامرحبـا ترحيبتن مالها حد ..=من شرق واشنطن ليا غرب باريس ..
وعبر (المحيط الأطلسي) وين ما أمتد ..=وإعداد مافي المملگـه من نواميس ..

ياليت للضيقة زرارٍ وأفكه ،،=وأزر فوق الصدر ثوب السكينه ،،

ودي بدمعي ينسكب وسط (مكه) ،،=وَلا أمسحه إلا وأنا في (المدينه)

من نبضها تدري انها نشميه=ماهي عشيرة ثرثري ودويني

عيّت على قدر القصيد بنيّه=كبرت وكبر اصرارها في عيني

أصيح للطير وصياحي على غيره=على (عيون العرب) كني على طيري

عقبه وحظي قليل وفوق=والنوم ماأعرف وشلونه
أبقضب (الطير) قبل يتوق=على (هدد) قبل تدعونه

اللي يبيني لو ورى الشمس جاني ؟؟=لو قلت له مابيك فيني تجوّد

واللي يبي فرقاي مهما اعاني ؟؟=لو مت من فرقاه ماهو معوّد

هذا الكلام اللي يقوله لساني ؟؟=قوله لها لاتنقصه ولا تزوّد

اما تجي من طيب خاطر عشاني ؟؟=والا تروح وجعلها ماتعوّد

حتى الشعر و القصيد اللي على خبرك=أحس عقبـك . . أبـد ماعـاد يعنينـي
كتبت فيك الوفا والصـدق والطيبـة=قصايدٍ للأسف ( بتطيـح مـن عينـي )
(من غدرالأيام ) جيتك كارهن نفسي=أول قصيدة بعـد منتـي عرفتينـي
ومحتاجلك حيل (والله يقطع الحاجة)=آخر قصيدة بعـد منتـي تركتينـي
عرفتي الفرق بين الشعر والشاعـر=بس ماعرفتي وش اللي مرثعٍ فينـي ؟ ؟ !
إحساسي اللي ذبحني وراح يذبحني=واللي يبي يقلب الدنيا على سنينـي
الناس تسمع قصيدي فيـك وتصفـق=وأنا أتذكرك يـوم إنـك تخونينـي . . !

آسكت و خل السوالـف للغـلا و الحنـان=آشتاق .. لا والله إلا آمـوت لامـن طـرت

من قال وشلون حالك ؟! قلت طيـب و زان=وآنا جروحي تزيد مـع الزمـن ما بـرت !

آبكي عليهـا و آنـا مانـي ردي و جبـان=آنا آذكـر آيامهـا مهمـا نسـت ماذكـرت


واللحين مدري من إللي فيه لياليه خـااااان=آخير ماذكر كـلام القلـب وقـت هجـرت

مع السلامه ،، ب حفظ الله ياعمري ( فمان )=( الله ) لو آن المصايب من بعدهـا كثـرت

ولا أقول يوجد شايب يعلم الغيـب=الغيب يعلـم بـه مديـر الهبايـب
لاشك يوجد شايـب لـه تجاريـب=كم لف بالدنيـا و شـاف العجايـب
قد صارع الدنيا على الخبث والطيب=فالغوص وإلا في ظهور النجايـب
بيض النواصي جبهته كلهـا شيـب=من كثر ما مرت عليـه المصايـب

غبتي وخنتك .. معا .. طيفك وظميته=وأنا أضم الحزن وأتخيله صدرك
أخترت حزني لأني صدق حسيته=يا (...) أشوف القمر .. وأتخيله ثغرك

هـي كـذا . . بعـض البشـر ترتـاح لـه=دون قصـد تـحـس معـهـم بإرتـيـاح

لو . . يغيب . . بلا سبب . . { تشتاق . . له=وان حضـر,صـدرك بـدآ فيـه إنشـراح !

محدٍ تخيل موتته او سقوطه=اللي تحدى شعب ثاير وصبار
الموت جاه وكل صوبٍ يحوطه=هربت يا (معمر) وعقبال (بشار)