ضقت من جوالمدينه والسناتر
وشوف بوقً بين مدح وبين ذمي
جوهذا الليل محتاج لفلاتر
فلترلنبضي وتفكيري ودمي
ماتداول في عيادات الدكاتر
قدصرفها شاطحً بالعلم اُمي
قال جهزلك من خفاف المواتر
وخاولك واحد على دينك وذمي
وانصلك دوًومن دونه سواتر
عندهاتلقى مصل عن كل سمي
خيرمن لامن هرج يركب كباتر
يعترضلك لانضح في ما يضمي
وجهه من المرجله والطيب فاتر
عوذباالله منه وامثاله وسمي
لدسايس محتزم ياالله ياساتر
يحسبً ان المرجله ثوب ومعمي

طرد المقفي عيب لو كان غالي ..
خله وتلقى من يعزك ويغليك

ماقلتها من فيض شعرآ طرالي ..
لكنها حكمه عـن الذات تغنيك

ولو كان كلن ياقف لجرحه قبل يصبح عطيب
ماشالت العربان هم ولحنت موالها
وش حيلة العاقل إلى من خالفه وقتن عصيب
يموت وأحلامه تموت ولاهو الي طالها
ماله سوى دعوة إلهٍ في دجى الليل الكئيب
لولاه ماشفت الخلايق حققت أمالها

لا ضاقت بعينك الدنيا و مافيها❕
لا تشتكي للبشر من جملة أحزانك
والله مايذبح الضيقه و يفنيها
إلا صلاتك وحفظ آيات قرآنك .

يازين عيشتنا قبل عشرة أعوام
يوم القلوب من الضغاين نظيفه
يوم العرب للضيف تفدي له أنعام
ترحيبتن معها نفوسٍ خفيفه
واليوم دار الوقت والوقت هدام
وياقل ناسٍ بالفعايل شريفه