عد ماهلت المزنه هماليلها = ياسلامي سلامن مايمر الجمارك
دورولي خصم رجله على حيلها = ودنا بالعلوم الخافيات انتشارك

البقا فيك والمزنه درج سيلها = يمشي السيل تحتك وانت ياشعيل بارك

ونعم فيك والاجواد يحليلها = لو ماتكسب عن اسهوم المنايا تدارك

خلها لاتحط ايديك في ويلها = لايدخن عليك العود وتموت نارك
انتبه شجرة الرمان لاتشيلها = كان ودك مانقص في درجة اختبارك

لاتدور مع اهل العرف تحليلها = انت رجال تعرف قيمتك وعتبارك

ياحزام الجماله وش محاصيلها = تكرم الضيف لكن ماتصوت لجارك

النتيجه نبا نعطيك تاويلها = مامعك عظم تلقط جمرته من وجارك
اهل العرف كاملتن معاميلها = وانت يحزام تخلط قهوتك مع بهارك

انت تكتب حروف الالف وتزيلها = ياسبستون ماريحت بسك وفارك

النوايا ماتاسعني مداخيلها = أكبر أكبر لياجتني فرايد صغارك