الله خلق لي نفس تسمو عن البوح

ما هي لضاقت من الهم باحت

على ما شفت ضيقات وجروح

الوجه ما تغير ولا العين صاحت

أبشرك بشارة الروح للروح

تبي تطيحني الليالي وطاحت

هذا أنا والوجه باسم ومشروح

وجها ً بروقه لاظما الناس لاحت

كم محزن بنى على شوفه أصروح

وكم نفسا ً من طارف عطاه أستراحت

الله وهبنا عز و أمجاد وطموح

وذكرا ً على جدران الأيام ناحت

هذي مراجل مهب ضحك ومزوح

ما هي شموع لضوى الصبح ساحت

الصفح خصلة والفخر ما له سطوح

والحزن لسيطر على الروح ناحت

يـالـي سـكـنــت الـقلب ممنون ممنـون --- اخترت قلب صويحبك مسكن لــك
أقـسـمـت بـالله خـالـق النـاس والـكون --- ما أسمـح لأحد يسكـن بقلبي محلك
أنــا بـكم يـا كـامل الـزين مـفـتــــــون --- عـجــل لنـا بـالـحـل والله يـدلــــــك
أخشـى من الحسـاد وآخـاف يـــدرون --- يـاجعـلـهم يـا صـاحبـي فـدوة لـــك


لك منزلة في الـقلـب ما أحدن وصلها --- حتـى مـن أقـرابي وربـعي الأدنيــن
فــرقـاك يـالـمـزيـون مـا نـحتملــــهـا --- وشـوفتـك يالغالي نـرحب بهـا الفين
يـابــو عيـون كـحـلــها مـن هدبــــهـا --- وخـدود مثـل الـورد والمـبسم الزين
متـى علـى عيـنـي تـوفــّي وعدهـــــا --- ملـيـت مـن قولتـك " بعدين بعدين "


يـالــي خـذيـت الـقـلــب رُده مـحلـــه --- ما ودي ادعـي بك ولا ودي أشكيك
سبـبـت لـي يـالزين جــرح وعلــــــه --- هذا جـزاه الـي يعـزك ويـغـليــــــك
حاولت أزور صويحـبي فــي محلــه --- لكـن خـايف من ظنـون وتشكيــــك
أبـــو عيــون لــه رمـــوش تـظِلــــّـه --- وخـدود مثـل الـورد سبـحان باريك
يـالي جـمعـت الزين والحــسن كـلــه --- متـى علـى عينـي أشـوفك والآقيـك
وأبـوح لك بـالـسـر دقّـــه وجّلــــــــه --- واللـي تبـي يـالــحلو يـفديك يـفديـك
واسكـن معـك يالـزين قــصرٍ وفـلـــه --- وأجيب مطلوبك واكن رهن أياديك
وإيــاك والحســاد واحـذر تـقل لـــــه --- بأسرارنا يـحقـد عـلينـا ويـوذيـــــك


يـا ســارق قلبي على الله باشكيـــــك --- يـــوم إن كـل النـاس عجـزت تـرده
مـا حق تـسرقني وأنـا واثـق فيــــك --- أنا دخـيـلــــك يــا حيـــاتــي تـــرده
ومهمـا تسوي لي فأنا والله أغليــــك --- ولا أنسى الذي لك عنـدنا مـن موده