في محل أهل الوفا وأهل الوفا يحمد ثناها =ورثة الفرسان يعرف مجدهم بأول وتالي
ياهلا يامرحبا ترحيبة يوضي سناها=في المسير والضيوف أهل الكرامة والأهالي
في محل اهل البيوت إلي يذرينا ذراها=البقا لك يالمرحب بين الاقصئ والموالي
الديار الطيبة تمطر ولايصحي سماها = يوم جيناها جماعةمالقينا البيت خالي
يالعلك للبقاء والسالفة في مبتداها = وأنت صرفها وحرفها على مر وحالي
يوم جيتم بالبيوت اللي رفيع مستواها =إن وقتم غروبي وإن وقتم زوالي
ابتدينا باول الطرقة ونعرف منتهاها = ثم بأمر الله نروح كلنا والكل غالي
السباع الشهب تعوي لين تقرب من عشاها = وأنت لو أعطيك ثلثيت السوالف وش بقالي
يرمي الرامي ولايرمي لكن الله رماها =والقمر يبدي هلال وثم يكمل في هلالي
والسباع تلجّ بالأصوات ماتلحق مناها = وأنت لو تضغط بمال آدم ماتاصل راس مالي
خل راعية الرحى تطحنلك الحب برحاها = ما أنت أبوي ولا أنت أخوي ولا أنت واحد من خوالي
يارشيد بن معدي تعرف الشمس وضحاها =انتبه لاتبتدي وتروح وأقراها لحالي
الرحى بقعاء وبقعاء سيفها داخل جواها = لوّ أنا ماقلت يمديني علي السيل سالي
اضرب الدرب السليم وخل معك أسوة لطاها = مستعد أصرف جوابك فالجنيه وفالريالي
ياكثر من مد كفه للكريم ولاملاها =نوب يصغيها يمين ونوب يصغيها شمالي
البضاعة نزلوها السوق والتاجر شراها = والشرود العاصية ماعاد تمسكها الحبالي
هكذا طبع الليالي والليالي في صباها = لاتبيعون الرحال ولاتشدون الرحالي
والبضايع ضرها بالسوق من فعل عملاها = يتركون أغلى جواهرها ويشرون الخيالي
لاتمشى في الجبال ولاتعثر في حصاها = شافت الدرب الوسيع وسافرت ياهملالي
أنت وش بك تأكل التمرة وتعطيني نواها = خلها حملة وسهلة ياغناتي ياحلالي
أتمشى بالجزيرة وآزن الرجل بخطاها = ماعلي من السحيمي لو يصيح ولو يلالي
أبشروا في تمرة ما عاد يلحقني جزاها = وإن ماكفتكم التمرة يجي معها عقالي
أكثر العربان لو يقدر على الحية شواها = يامخيلة البروق اللي تلوح بلاخيالي
ياكثر من ياصل الهضبة ويرجع ما رقاها = عقب ضلى يصعد الضلع الطويل ولايبالي
أنت ياراعي المدينة والمدينة في زهاها = لاتحاول تختل العربان صعبين المنالي
وأنت من ناس عزاز وياعسى الله يهداها = لاتخرقون السهال ولاتعدون الجبالي
أنت ياراعي الحليفة والعلم واللي وراها = لاتمد يديك بالظلما وتاكلك الجمالي
أنت من ناس تبى المكسب ولاربي عطاها =نوب تلقاها خفاف ونوب تلقاها ثقالي

سلام يامحفل أهل المجد وأهل الوفا=رديتن يقدح الكبريت بأطرافها
ياصاحبي يارجا الله عرفنا بك كفا = مفتاح بيت القصيدة وزن محرافها
يامرحبا وسط حفلة نورها ما طفى =من مرها شافها من مرها شافها
البحر دوبه صفا والجو دوبه صفا =لكن نية رشيد أخافها أخافها
لك البقا وأشكر أهل الحفل واللي لفا =أهل الوفا ماأقرض أسهمها ومعرافها
وأنته من الشك والهوجاس قشعة شفا=تومي من النود وعصار الهوى لافها
سعود ثوبه ضفا ورشيد ثوبه ضفا = والخير والشر قدم الناس وخلافها
الظن والشك لايشقيك خله قفا =تبغى ترد غبة الأمواج وتعافها
رشيد ضاري لرجم بليس بالموقفا = وسعود لن جاته الصعبات عسافها
تو ابتدت ياخوي مقيط بالمزلفا = الحذفة الطايشة ترجع لحذافها
الحمد لله والأيام بردودفا = جنيته رشيد من قبل أمس بكتافها
ياكم ياكم نجمن بان ثم اختفى = يامثبتن روس خلق الله على أكتافها
رجليك والصمد يامصودع يجيك الحفا = لاتصير في قبة مسيلم وتطافها
أنا أدري إنك تبا المخراج والمصرفا = مير الخزينة ذهبها بيد صرافها
رجليك والنار يامرضان تبغى الشفا = العاصفة لاتطير عبس ولحافها
العود هذا مهول قر وإلا نفا =يرضي خبول العرب ويحارب أشرافها
إن هبت الريح هوجا رحت مثل السفا = والله لا أغني على الحربي بجغرافها
والله لا أحدك على الضيقة وصم الصفا = وتثور بندق عيل وتصير لقافها
تقولها وأنت شايب ميت ملحفا = مكتوب مكتوب مع حايل مع أوقافها
يالشايب مكتفا يالشايب مكتفا = بكتاف جنيتك وكتافك كتافها
تقولها وأنت نايم ملتحف شرشفا= لكن وش ها لمصيبة وش تشرشافها
ياصاحب المعرفة وش علم رميك هفا = الله يخلف على الحبلان وأسلافها
لابارك الله بشايب عبس لاخرفا= ينفخ على الالناس لين يضيق محرافها
لاقلت يارشيد علمن شين قلنا جفا = ما يختلف سيف عزوتنا وسيافها
الله يبارك بشايب حرب لا ذرفا = إن وايق البير حول قبل غرافها
أنا أدري إنك شنيف المنشنف شنفا = لكن أا نيك نربطها بمشنافها
اللي مضى لي كفا واللي مضى لك كفى = أنا على بيرها وأنته على أردافها .

أنا شهر وثلاث أيام أدورفي الرجال قضاه= وسمعت رشيد قاضي عبس في الحاضر وفي الماضي
أبا أعرض له قضية مالها في المحكمة مقضاة = لقيت البنت لقحت بأمها وش قلت ياقاضي

رشيد يشوف مقصود القصيد ويعتبر معناه = لحيث إنه يعرف إن الدروب طوال وعراضي
يقولون المدينة عن يمامة شرق فيه مراة = تموت البنت وتجاوب حياة بنشرة عكاظي

أنا ليه خوي ما أتخاوى غير أنا وإياه = لو يغيض البحر صدره من الأعلام ماغاضي
عيون الذيب ربي ماخلقها من عيون الشاة = يجيك الموت لامات الطبيب مداوي الأمراضي

توكلنا على الله والحلال معزبك زكاه = لو إنك راضي شرع الزكاة أنا ماني راضي
على وين أنت رايح دام راس الذيب بالمنداه = تراك بوقت متقلب يصير الصقر بياضي

علاك بخير ياعود عياله يتبعون رضاه = تذب الريع الأقصى والعرب بعظامها شاضي
وألا يابو معدي جبتها ياكبرها كبراه = ليامني نشدت رشيد قال البال مهتاضي

من الهاجوس والثاني وجرح مالقيت دواه = ونشدت التحوت وقالوا العام البحر فاضي
بغيت الحق مير الحق حطه عمي بمخباه = وقالوا لي توفى والمعزي تحت الأنقاضي

ماعينت الثنية والرباع اللي وراء المفلاة=لياجوك المديد من البلد كملت الأغراضي
أكلت الصبروالحلتيت لين البطن راح ملاه = وذا الحينه تبرق بالعرب والقلب مغتاضي

يقولون إن عنتر يوم جاه الثور ماذكاه = وأنا لي الغنا وأترك مجاوب بعض الألفاضي
أنا مهتال في حجة سعود وشايب وصاه = وصاة العود تهوي به لكن الرب حفاظي

ألا ياعبس هذا العود لامثله ولاحلياه = ألا يابعد مركاضه وألا يابعد مركاضي
أنا ما أدري وش أبا أقول يوم العود جاب أقصاه= بعد ماجات مومية السفيفة خرجها فاضي

لياخيل خيال الغيث مثل أهل الدبش خلناه = وأنا ما أخايل الأمطار دام البرق ماناضي
أكيد إنه لزمك القيض وتدور على فرقاه =وحسب للشتاء والبرد بعد الحر تعتاضي

ياسلام الله عليكم والوفا مفتوح بابه = والوجيه البيض نعرف صدقها ومجاملتها
من يشب النار جعل النار تالع في ثيابه = والعرب مافيه كلمة غامضة ما حللتها

ياهلا يامرحبا بك وأنت ذيب مع الذيابة =وأم سالفة كما الكبريت تحصد سالفتها
وأنت من حزب النيابة مير ما أنت مع النيابة = كل سالفتن تسجل يم قمة عارفتها

البقا في صاحب نعرف حضوره من غيابه = إن عطانا أول علومه ننشده عن تاليتها
أنت من روس العصابة مير ماأنت مع العصابة= مالقينا لك شريط يشتغل بمسجلتها

ماعليك قصور ياللي من طلابه في طلابه = وكل سالفتن جديدة تلتحق مع سابقتها
جيت في ميدان ليلى والحداثة والغرابة = وجيت أغازلها بلطف وغازلتني والدتها

أنت ياراعي السؤال اللي تدور للإجابة =الجواب يقول ماهي مشكلتنا مشكلتها
دايمن تحفظ خطا صاحبك وتضيع صوابه = وإن غلبك الأمر جعل الله يقنيك بركتها

والله إنا نكرم الرجال وندقق حسابه = والعرب دايم تضيع لياتهور عارفتها
نعرف الرجال وناديه في حضرة جنابه = مير بعض الناس تنظر للنجوم بقايلتها

سكة معهارسول الله مشت معها الصحابة = عيشة ديم يحرمها تراها محرمتها

يوم زانت صفوف اللعب يابو معدي =عطني علومك اللي كبروا شانها
قالوا إنه تعدي قلت ويش التعدي =المصلي صلاته خل باركانها

كان زانت صفوف اللعب أنا مستعدي = والله إني لا أقررها بميزانها
أنت وين أنت في وقت القشر والتحدي = تحتمي الأرض لين يثور بركانها

الرجاجيل ماتمشي بودك وودي = وكل سلعة يعرف التاجر أثمانها
أنت طيب ولكن الزمان متردي = وحجة المدعي ما جاب برهانها

أشهد إني مشيت بدربي المجرهدي = وأهل الوسوسة توبت شيطانها
التقينا وحصلنا نصيب الأسدّي = غصب غصب لصاحيها ومرضانها

عقب سرعتك هذي ودنا إنك تهدي = امسك الفرملة وارقد بسكانها
الله إنه يسلم شوفك المجرهدي = وعمي الأبصار ربي يعمي أعيانها

أنت نوب معي وأمرار أحصلك ضدي = لو تمر الطيور تخم جنحانها
واعرف إني لبست ثياب طولي وقدي = وأنت راع الصحيفة واكتب إعلانها

أنت ياولد عمي ياوريثيث بجدي = لاخلف الله على نفسك وشيطانها
إن تعشيت معك أنا تراي متغدي = والحمامة على راسك بجنحانها

مانشكك ولانرضى على المستبدي = راجع رسالتك وأمعن بعنوانها
الله الله على طاروقك المستجدي =

يوم روح بك الأشعل يهوس ويفدي =الأصايل مناها طلقة أرسانها
كل ماتنزل المنزل تعود تشدي = والبلا ذاكرة مكثور نسيانها

التفاهم معاكم ما يجيب ويودي= فعلكم خبزة في وسط فرانها
لو أصكك بكفن شين صوبت خدي = وأنت أبوها بزايدها ونقصانها

طابت أفراحكم يا هل الفرح وصل حدي = ما بقى إلا النشاما ترفع آذانها