يالله حيه ياويل قلبي على المراقيب اولا صحت السنتكم يالشعار ثانيا اسمع يالمعزب ذالبيتين


[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لاوالله الا راح نط المراقيب= هاذي سنه راس الجبل مارقيته
ماغير ادوج عند بيت المعازيب= واللي نبيه من اولن مالقيته
لكن يفرجها الولي عالم الغيب= سبحانه اللي ماش غيره دعيته
وشين كتب للعبد ماعنه تجنيب= يالادمي ياتيك لو مابغيته




[/poem]

الله لايعيد ساعتك انت وبيوتك هذي الي شيبتني
[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يالعين لدي وانضري للمكاتيب=واقري عليّه خط من ذاع صيته
وش عاد لو نغص علي المشاريب=لو قلت عقبه ليتني ماقريته
مالي عن الواقع مصد ومجانيب=العمده الاقشر علومه مميته
وانا كبرت ولحيتي كلها شيب=وشلون هذا العود جاني وجيته ههههه
من عقب مايصهل ورا شمخ النيب=مثل الحصان اليا ستشاط ودعيته
اليوم قدم عيون بيض الرعابيب=على عصاه امكوعاً عند بيته هههههه
مصير كل انسان لاشك لاريب=رضيت والا ياعسا مارضيته
[/poem]

حياك الله ياالمطنوخ

اعجابك يهمني طال عمرك

واعتبره وسام على صدري لاهنت

هذا الشعر ولا بلاش ابك علي الجيره لولا بعض الامور اللي انت تدري فيها لقول انت شاعر بني رشيد

انا اخو مزنه علي الجيره لشارك

[poem=font="simplified arabic,6,crimson,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
هز الخفوق اخبار بعض الاصاحيب= وسرع بخفقاته بعد مادعيته
قال الخبر قلت الخبريشلح الجيب= شوف ابو تركي جعلني مابكيته
وش قال يوم ارسل جداد الهناديب=وضح بعلمن من قبل ماهقيته
يقول شاب ولا يعقب المناسيب= وحبل الهواء والغي عني طويته
وشوف المعزب لامسته الواهيب= اردف بردن لو يبيع شريته
والكبر واللي يكتب الله ماهو عيب= سنه وكل الحي يلحق ميته
العيب ترك الواجبه بالمواجيب= ولا فقيرن يطلبك ماعطيته

[/poem]