لاوالله الا تو وصلك عويجان=عمك وهمك وانت تعرف صفاته
مير ابرك ابرك مثل ناقة عريمان=يالشيعي اللي ماعرفنا لغاته
من وين تزبن مالك اليوم مزبان=يوم الدرج الا عوج عليكم رحاته
جاك العوج شكله كما السيف شامان=لاتقربه تقطع يدينك شباته
رح علم الزيدي وعمك على شان=يخاشر الزيدي بعلكه وقاته

يالله يالمعبود ياعالي الشأن= فردن صمد ماحدن يشابه صفاته
يامن على عبده فرض خمس الاركان=لاقامهن عبده تحقق نجاته
ترحم عبادك في شهر كله احسان= وتمحا الذنوب وزيد كل احسناته
مافيه غيرك نطلبه سر واعلان=اليا رحمة العبد تمت براته
ورجع على اللي في هوى الغي غرقان= اللي يحسبه دايمن في حياته
بعض البشر قلبه من الحسد مليان= وهو مايدري بعد ساعه وفاته
شغله ينافق في قفا فلان وفلان=في غيبة المسلم ماتبطل شفاته
ويقوم لفروض الولي وهو كسلان= تقل مغصوب اليا دعوه لصلاته
وهو مايدري وش يخفن الازمان=يقول توي والعمر في طراته
الموت مافرق بشيبن وشبان=اليا انتهت بيرن تقارش حصاته
ويالله عفوك عند روغات الاذهان= بيومن يخيف العبد شوف اظلماته
غار العمل مابه صديقن وخلان=هو الوحيد اللي معه في رفاته
توبو قبل يات العمر كل ديان = واليا وصل ماعاد فيها التفاته
العام كم معنا رفيقن وصدقان =واليوم ماباقن سوى ذكرياته
عبره لكن ان انسو طبع الانسان= وهاذي نعم من ربي ومكرماته