راح زمانك ياقديمي ..صارلي جديد م تسوى ثراه

روحو وراكم ماعليكم تحاسيـف
تبطـون ماجاكم سحابـي ونـوّي

نـاسٍ مصافحها معـزه وتشريـف
ونـاسٍ مصافحها ينقض وضـوّي

اهناك عني يالعفـون الملاقيـف
ياللـي امجالسكـم يحـدر اعلـوّي

انا ربيعي ريف وانتم غثاء صيف
اجواكـم ماهـي تناسـب لجـوّي

اخذت القصيد لسلوة الروح لكن فيه
تفتّاق جرحٍٍ .. يبطي الوقت ما خاطه .

لا تزرع الود في قلبي و تقفي به
ما الله بحاديك تشغل واحدٍ سالي .

احشمي يا سود الايام وجهي الكريم
لا تحدّيني على الضيق .. ما استاهله :)

ماتداري بيا دمعه هم بداخل صدري وجعه
فدوه عيني مالي خاطر يا أناني و ياجهول

غيابك غثا خاطر وقربك سعادة روح
ياصفوة مزآج مبطيٍ ماصفى جّووه .

ياملذة روعة الإنس في العيش الرغيد
يا رحابة شارد الفكر ليا حد الجنون
ٰ
تنحني سادات الأشعار في مجدك عبيد
ليش مدري ؟ بس لله في خلقه شؤون .

عرفت البكا فالضيق .. و الله لا يسقيه
و ذرفت المدامع غصب و الكبد منجرحه
ٰ
عسى الله يبشرني بشيٍ ماكنت ارجيه
انا ودي ابكي .. من سعاده و من فرحه .

جعل مـ أنتوا بالعوض فيه لو أنه بعيد
‏كنه يدري بـ أن حالي .. براه اللي براه

‏ما نسيته .. ود قلبي قديمه والجديد
‏لو يطول الوقت معلوق قلبي ما نساه

‏هبّ يابعض الطواري ويا بعض القصيد
‏كل ما هبّت على القلب جاب اللي وراه !

‏و الغلا ما هو في يديها ولا هو في يديّا
‏الغلا شيٍ من الله وأشهد إنّ الله عطاها
‏- ضيدان بن قضعان .

‏-

‏يكفي ثلاث سنين مرت على ساق
‏عين فراش لك وعين لحافي

‏واليوم في تسعه وتسعين طقاق
‏قلبي كذا طبعه لاعاف عافي .

‏الوصل للي يحب مثل الاكسجين
‏وانت الله الله " فالبقا والمرحبا "

‏وأمنعني الله يمنعك دنيا ، ودين
‏من . . الفراق اللي طواريه تهبا

‏لا عاد تفتح باب .. لـ المتطلفين
‏هذا وأنا موصيك يااااا حلو النبا

صباح الخير، وعقبه :
‏وجهٍ يحيي العروق وعين ذبّاحه
‏انت حتى معادينك يحبونك ❤.

يابو قلبً أطهر من ثيابك ليا صليت
‏يابو ضحكهً من تبتسم يبتسم كوني

‏يابو وجهً يغار القمر منك ليا طليت
‏وش العمر من دونك ، ودنياك من دوني ؟

عساه من بد العرب دايمٍ في زود
‏ولا أشوف وجهه من غثى الوقت متكدر.

‏الود يعطى حافظين المواثيق
‏واللي يخون الود ذا الوقت واجد.

‏الغرام أنواع و الّذ و أقسى ما لقيت
‏حب ٍتـشوف العنا والهنا فيه خشرا .

كثرهم من حاولو يهزموني
‏شافوني الأصعب ولا شفتهم شي

‏من حقدهم في كل شي ابتلوني
‏ لو اذنبو في ذنبٍ صار الأثم لي

‏انا حديث افواههم لا طروني
‏ كابوسهم لا اظلم الليل والضي

‏عودتهم لا من نصوني احذروني
‏هيّبتهم لين اعرفو قيمتي حي .

رضا الاوادم لا فضيله ولا فرض
‏وان ضاقوا فجوج ؟ الاراضي رحيبه

‏ماعاد احب اقول للي يضيق: إرض
‏دام الرضا ماينوخذ بالغصيبه

‏واللي بيزعل لا يفوته هذا العرض
‏والعرض شامل للشحن والضريبه

‏ياخذ معه من يزعل ويضرب الارض
‏الضربه اللي تاخذه ماتجيبه 🕊

بشروني عسى ضاقت عليه الوسيعه
‏واحدٍ جاء يضايقنا وراح متضايق

‏لعنبو ذالوجيه اللي رداها طبيعه
‏عام وانتم تجرون السلق بالوثايق

‏ان حشمنا حشمنا حافظين الوديعه
‏وان بطشنا بطشنا قالبين الحقايق

‏حاول النذل فينا قد مايستطيعه
‏غير والله مطيح الكفو ماهو بلايق