الله اكبر والله اكبر ولعت نار الحرايب = ولعت نارن عريضه ماتطفيها المطافي
يابو عوجه ياقليل الخاتمه وين انت غايب = كيف تتركني وتشرد لافراش ولالحافي
قمت اقاتل وانت تتفرج ياملعون الصلايب = واليمانيه مع اسباع الخلا تركض خلافي
اسمع اسمع ياليماني ويش جابك للطلايب = وانت قبل اربع ليالي فيك خيفه ورتجافي
تعلن التوبه وترجع عن كلامك وانت تايب = مير انا عمك وهمك يابو شمه لاتخافي
وانت ياسبع شبيتها مخطي وصايب = واعتقد ماجاك كافي ثم كافي ثم كافي
كم خصيمن فوق راسه شيدت غبر النصايب = قبل تخلق بالرجوم وبالحزوم وبالفيافي
والحرش يوعدكم بنارن لها جمر ولهايب = تحرق اجساد العدا واللي دخلها مايشافي

قدام والحرشان والعوجان لايهمونك=ياسبعنا اللي مثل برق الصاعقه
اللي لها ربان تحت مزونك=عن كل براق المخايل فارقه
تعد مع صحرا الخلا طبلونك=ناسن تبى تجاريك ماهي لاحقه
هقواتها يابالخلا من دونك=لو انها قدام عرفك واثقه
واللع على جمر الغضا غليونك=ترى الغضا من طبع ناره حارقه
وانا تراني حاضراَ لعيونك=تغيب شمس الصبح والاشارقه