يمينك كيف ترفعها وهي تحسب من الرجلين = ولو إنك تصور طيرنا كسرت جنحانه
مرحبا من شاعر كل المعاني ماتطوفه = يوم جانا ها لمطيري ياخذ العلم الأكيدي
وإن درجها بقاف فيه كلمات محذوفة = نلهمه شلفا ذياب ويزرقه سيف الوليدي
أنته من الشك والهاجوس قشعة شفا = تومي من النود وإعصار الهوى لافها

ارحب تراحيب المطر والرشاشي =يابو معدي ياهلا بك يوم شرفت
يالشاعر الي قاطعاً لك مماشي=ببحور شعرك ماعجزت وتبلشت

ياسلام الله على أهل الحلة المرفوعة =من هجوس ماتهيض إلا على معناها
يارشيد أنتم رجال وكتبكم مطبوعة =مار حنا ماعرفناها ولانقراها

مرحبا بأصحابنا بالكلمة المتبوعة = من هجوس ماتهيض إلا لردع عداها
كتبنا كتب الرسول وسنة المجموعة = يامحرفة الكلام اللي خبيث لغاها

عندنا كلمة شرف والثانية ممنوعة = بارك الله بالرجال اللي طوال لحاها
كيف ترقص والبرامج كلها مقطوعة = والحقيقة كل ناس عارفه مرباها

اندرج بعلوم حرب وكلمتك مسموعة = وخل عينك بالقليب اللي طويل رشاها
البرامج ياالسحيمي بالخطر مذيوعة = وأنت فوق المهرة اللي جاء بريق حذاها

البيار حبالها مثنية ومربوعة =لو يذبحنا الظما والله ماذقناها
والله إنك يارشيد من العرب بالوعة = إن ذكرت الأولة والثانية تنساها

الله أكبر ياعميل ما عُرف مشروعة =كل ماذبت له الكلمة غلط غناها
بين إنك يالولد صياف أبو قبوعة = كم تخيل له بنفس ماذبح وأحياها

الزراعة غلقت والحبحبة مزروعة = كل مانرفع طوارفها يطيح أقصاها
الرجال أنواع وأنت اللي عرفنا نوعه = لوّحطوها على راس الجبل يلقاها

منك ترجع فيك ياللي بوعه بكرسوعه = تُزرع الحبة وتحمد عند طيب ذراها
لاتعاتبني بسقم ضروسك المشلوعة = كل نفس طايشة ترجع ليامثواها

مازرعت ولا حصدت صناعة مصنوعة =وأكثر العربان يبنيها ولا ولايعصاها
أنت رجال ثقيل وفيك مثل الزوعة = طاسة اليتمان تملاها ولاتملاها

الصناعة با نقرة ياللي تهل دموعه = والولد هذا يربيها ولارباها
وأنت رجال حكيم وحيتك ملسوعه = الله أكبر ثارت البندق بوسط خباها

ياسلام الله على أهل الديرة المعروفة = والبنادق في يديه والفشق بحزامي
قاموا العالم وقمنا مع عيال الكوفة = والعرب هذا السنة ماهي سواة العامي

مرحبا بالشاعر اللي عارفين ظروفه = البنادق في يديه ولا يعرف الرامي
فزعته فزعة شجاع بين أمان وخوفه = ما يميز فرقة البصرة من أهل الشامي

خلها بيني وبينك قسمة منصوفة = لاتخليها تروّح عمة العرامي
جامعين سلاحنا وفلوسنا مصروفة =وكان بحزامك سوالف خلها ولامي

مانطيعك لين عينك كل شي تشوفه = ويهدي الليل الطويل وتسلم الظلامي
إن غزينا يم قوم مانقول نكوفة =لين نعلن وترفرف الأعلامي

كسر سنون البعير اللي كبار كتوفه = البعير الحر حرلياضربته قامي
أنت ماشفت الكتاب ولاقريت حروفه =وإن قريته ضبطه مع سنة الإسلامي

البعير بعير والمخطي نحوفه حوفه =وأنت لاتحلف لنا بالنصب الأزلامي
والكتاب كتاب ربي ياطويل الصوفة =تو جاك الموت وأنت تفسر الأحلامي

لو بغيت أسابقه تالي النهار أطوفه =مير يبلشني رشيد وربعه الحكامي
أنت ما شفت الحكيم اللي طوال سيوفه = أبلشه كثر الضيوف وضيع العزامي

االسباق اللي تحب الخطة المكشوفة = ماتقرب للطوا تسابق الأقزامي
مير من عادة رشيد يعز كل ضيوفه = استريوا بالضيافة وادرجوا قدامي

لاتكشفها علينا خلها ملفوفة = أنت لارجال زهراني ولا أنته يامي
أخذ كلمة طيبة والثانية مكفوفة = لوّ كنت أمير تفصل باقي الخدامي

الله أكبر يوم جبت الحجة المشنوفة = مانبي لك عطف وردها حياض الظامي
إن زعلنا نتبع البرهان بالمردوفة = وأنت ما أنته يالسحيمي بالمقام السامي

العيال عيال بس رموشهم منتوفة = أربعه صاحين والخامس صغير ونامي
الله أكبر يالذلول الحرة المعسوفة =روحت مع سهلة حمرا بغير خطامي

مانقول إنك تورد حجة الملقوفة =وأنت طيب قلب ماتبكي بك الأيتامي
السحيمي لو يحلف في حشاشة جوفه =نيته زينه وصرت فوقه الأقلامي

في محل أهل الوفا وأهل الوفا يحمد ثناها =ورثة الفرسان يعرف مجدهم بأول وتالي
ياهلا يامرحبا ترحيبة يوضي سناها=في المسير والضيوف أهل الكرامة والأهالي
في محل اهل البيوت إلي يذرينا ذراها=البقا لك يالمرحب بين الاقصئ والموالي
الديار الطيبة تمطر ولايصحي سماها = يوم جيناها جماعةمالقينا البيت خالي
يالعلك للبقاء والسالفة في مبتداها = وأنت صرفها وحرفها على مر وحالي
يوم جيتم بالبيوت اللي رفيع مستواها =إن وقتم غروبي وإن وقتم زوالي
ابتدينا باول الطرقة ونعرف منتهاها = ثم بأمر الله نروح كلنا والكل غالي
السباع الشهب تعوي لين تقرب من عشاها = وأنت لو أعطيك ثلثيت السوالف وش بقالي
يرمي الرامي ولايرمي لكن الله رماها =والقمر يبدي هلال وثم يكمل في هلالي
والسباع تلجّ بالأصوات ماتلحق مناها = وأنت لو تضغط بمال آدم ماتاصل راس مالي
خل راعية الرحى تطحنلك الحب برحاها = ما أنت أبوي ولا أنت أخوي ولا أنت واحد من خوالي
يارشيد بن معدي تعرف الشمس وضحاها =انتبه لاتبتدي وتروح وأقراها لحالي
الرحى بقعاء وبقعاء سيفها داخل جواها = لوّ أنا ماقلت يمديني علي السيل سالي
اضرب الدرب السليم وخل معك أسوة لطاها = مستعد أصرف جوابك فالجنيه وفالريالي
ياكثر من مد كفه للكريم ولاملاها =نوب يصغيها يمين ونوب يصغيها شمالي
البضاعة نزلوها السوق والتاجر شراها = والشرود العاصية ماعاد تمسكها الحبالي
هكذا طبع الليالي والليالي في صباها = لاتبيعون الرحال ولاتشدون الرحالي
والبضايع ضرها بالسوق من فعل عملاها = يتركون أغلى جواهرها ويشرون الخيالي
لاتمشى في الجبال ولاتعثر في حصاها = شافت الدرب الوسيع وسافرت ياهملالي
أنت وش بك تأكل التمرة وتعطيني نواها = خلها حملة وسهلة ياغناتي ياحلالي
أتمشى بالجزيرة وآزن الرجل بخطاها = ماعلي من السحيمي لو يصيح ولو يلالي
أبشروا في تمرة ما عاد يلحقني جزاها = وإن ماكفتكم التمرة يجي معها عقالي
أكثر العربان لو يقدر على الحية شواها = يامخيلة البروق اللي تلوح بلاخيالي
ياكثر من ياصل الهضبة ويرجع ما رقاها = عقب ضلى يصعد الضلع الطويل ولايبالي
أنت ياراعي المدينة والمدينة في زهاها = لاتحاول تختل العربان صعبين المنالي
وأنت من ناس عزاز وياعسى الله يهداها = لاتخرقون السهال ولاتعدون الجبالي
أنت ياراعي الحليفة والعلم واللي وراها = لاتمد يديك بالظلما وتاكلك الجمالي
أنت من ناس تبى المكسب ولاربي عطاها =نوب تلقاها خفاف ونوب تلقاها ثقالي

سلام يامحفل أهل المجد وأهل الوفا=رديتن يقدح الكبريت بأطرافها
ياصاحبي يارجا الله عرفنا بك كفا = مفتاح بيت القصيدة وزن محرافها
يامرحبا وسط حفلة نورها ما طفى =من مرها شافها من مرها شافها
البحر دوبه صفا والجو دوبه صفا =لكن نية رشيد أخافها أخافها
لك البقا وأشكر أهل الحفل واللي لفا =أهل الوفا ماأقرض أسهمها ومعرافها
وأنته من الشك والهوجاس قشعة شفا=تومي من النود وعصار الهوى لافها
سعود ثوبه ضفا ورشيد ثوبه ضفا = والخير والشر قدم الناس وخلافها
الظن والشك لايشقيك خله قفا =تبغى ترد غبة الأمواج وتعافها
رشيد ضاري لرجم بليس بالموقفا = وسعود لن جاته الصعبات عسافها
تو ابتدت ياخوي مقيط بالمزلفا = الحذفة الطايشة ترجع لحذافها
الحمد لله والأيام بردودفا = جنيته رشيد من قبل أمس بكتافها
ياكم ياكم نجمن بان ثم اختفى = يامثبتن روس خلق الله على أكتافها
رجليك والصمد يامصودع يجيك الحفا = لاتصير في قبة مسيلم وتطافها
أنا أدري إنك تبا المخراج والمصرفا = مير الخزينة ذهبها بيد صرافها رجا الله :
رجليك والنار يامرضان تبغى الشفا = العاصفة لاتطير عبس ولحافها
العود هذا مهول قر وإلا نفا =يرضي خبول العرب ويحارب أشرافها
إن هبت الريح هوجا رحت مثل السفا = والله لا أغني على الحربي بجغرافها
والله لا أحدك على الضيقة وصم الصفا = وتثور بندق عيل وتصير لقافها
تقولها وأنت شايب ميت ملحفا = مكتوب مكتوب مع حايل مع أوقافها
يالشايب مكتفا يالشايب مكتفا = بكتاف جنيتك وكتافك كتافها
تقولها وأنت نايم ملتحف شرشفا= لكن وش ها لمصيبة وش تشرشافها
ياصاحب المعرفة وش علم رميك هفا = الله يخلف على الحبلان وأسلافها
لابارك الله بشايب عبس لاخرفا= ينفخ على الالناس لين يضيق محرافها
لاقلت يارشيد علمن شين قلنا جفا = ما يختلف سيف عزوتنا وسيافها
الله يبارك بشايب حرب لا ذرفا = إن وايق البير حول قبل غرافها
أنا أدري إنك شنيف المنشنف شنفا = لكن أا نيك نربطها بمشنافها
اللي مضى لي كفا واللي مضى لك كفى = أنا على بيرها وأنته على أردافها .