عرفتلي من مر الأيـام .. ثنتيـن= وجعلتهن للغير .. عقبي علامـه
الحر .. مايدرج كسير الجناحيـن =والا الرخم .. يدرج جويع النعامه

ابطيت عني .. وابعدتني لياليك = يامن .. مقادير الليالي خذنّك
مدري .. سرتبك وابحرتبك هقاويك= والا .. شهاليل القصايد حدنّك
ياصاحبٍ .. صكت وقفت حكاويك= عان القصايد .. من ضميري دعنّك

يادار .. لا مرت كبيرات الأصعـاب =ماني بمـن .. يجحـد ثـراك وعربكـي
يادار .. مابيـن التقشـف والإسهـاب =كم شاقني بنّـك .. وريحـة حطبكـي
حتى الرياض .. اللي شكت ليل الأحباب =كم نوّخـت .. راسٍ بغـاك وطلبكـي

اقتباس من مشاركة الخشف (المشاركة 2476872) هذا فهد ناوي ولا فهد بيك = يصرف لنا ليرات والسوق راحت دولار مدري ين او شكلها شيك = يفرح بها المغبون خضره ولاحت الله الله ... الله الله ... ياااا سلام يا سلااام ... عليك مبدع صح السانك مافيك حيله^_^

اقتباس من مشاركة ذيبان الرشيدي (المشاركة 2476874) ان كانها .. بالصعلكه والصعاليك = ياما تثنتلك .. وغنت وصاحت وأن كانها .. بين العرب والمماليك = دونك ترى ..صلف الهبايب تناحت يامن مغاتيري .. تثنت حواليك = صبرك على .. ردون الشعر لا تلاحت أما تعلمنا .. توالي تواليك = والا تراها .. غطرفت واستباحت ..!

اقتباس من مشاركة ذيبان الرشيدي (المشاركة 2451207) أبك البقا .. ياوجه النقا .. وحياك ربي .. وبياك .. [use=ex num="0,black""] قهويتني .. فنجال كل الغرابيل = وأرهيتلي .. تمر الشقا بالقدوعي ثمٍ .. صببت الضيق وسط المعاميل = ثمٍ .. خلطته بالقهر والدموعي ذوقتني .. بنْ العناء والبهاذيل = لاجارك الله .. يالحبيب القطوعي ] الله الله يالذيب المعط ؟؟؟؟ نعاود معك الركض الجميل~~~ الصمت حكمه للرجال المشاكيل=كلٍ على رايه جزوم وبتوعي وذيبان مهما قال يوفي المكاييل=ومن الطناخه ماثنته الجموعي وهرج السعه ماهو كما مصارع الويل=اللي مواقفها تهيل وتروعي ~~~~~~~~~~~ وسلم وسلم لي على كل من مروُا هنا

ماعادلـك .. شـفٍ ولاعادلـي شـف =يعنـي انتفـارق .. والنوايـا مطـيـه
روّح .. وخف الرجل ياصاحبـي خـف =لاصـرت بأعيانـي .. مُجـرد خطيـه

أثرك تسـلا .. بيـن ذولا وذولاك =وتحوس مع هذا .. وتنسى هذاكـا
قلبٍ توطيتـه .. وقلـبٍ توطـاك =وشعراً حدر جوك .. وشعراً خذاكا
في مجمل الوضعين .. بانت خطايـاك= وخلك على وضعك .. وريحة شذاكا
وأسمع نصيحه .. سقمها مابعد جاك =لعلهـا تقطـع .. وتنهـي وذاكـا
لا تحسب أني .. غافلٍ عـن نوايـاك =أحذر حذاري .. يالغضي لا تذاكـا