ماقصر باعي كد خذيت الكنز واعتقدت الدجل = ولازلت بالرجم الطويل الي تعديه الحشام

بيني وبينك سالفة منها المجانين تعقل = هذي نتيجة ماحصل واقبل سلامي بالختام

سلام ردية وفا قلته وعيني بالجبل = من شان لاسلمت احصل من يرد الي السلام

البدر في كبد السما يومه توسط واكتمل = وافق كسوف من الذنوب الي تكرر كل عام

يامرحبا ردية ٍ نبدابها نقض وفتل=من شان لاسلمت توسط فالشداد وفالسنام
الله يغفر ويعفي كلٍ يقدم ماعمل=ياجعلنا ياصاحبي صياف يشملنا الرحام

دام البقالك وانت للبراق وجهت الزمل = لاتسند الوادي بوجه السيل والظلمه عتام

ان عودة حول الدعا ضيعت توصيف الشكل = والشكل لاضيعت وصفه مابقى غير الكلام

ياصاحبي سوق البعير اللي محمل بالحمل=وأن كان ماسقته رثع في حملته طول الخطام
أنا معك وأنته معي نقرا الكتاب اللي وصل=ونترجم حروفه ونعطيك النتايج بالتمام

ان كان طاوعتك نبا نشيل الجمل فوق الجمل = وحنا نتبارى بالطريق الي يودي لسلام

تقرا ونا اقرا ونهاية يمكن تثير الجدل = باشارع الي مايفرق بالحلال والحرام

ياللي تبي حلو العسل دون العسل سرب النحل=وليا قربته يقرصك ويصير في خشمك زمام
أنا ماأصدق غير ماأوحي الى خير الرسل=ولا الفتاوي كلبوها ماتثير الأهتمام

سرب النحل حفنه من السكر جمعت ابه الشمل = وخليت اله كل الخلايا خاليات من الطعام

الغابه الي مايسود بوسطها كود النمل = اعرف طريق القسورة وتشوف دربك بالامام

لون منهو عالج العله سلم باقي العلل=كان استرحنا والمشاكل نارها برد وسلام
أهتزت الشجره وطاح العش من فرخ النخل=لاكن لاتومي على الشجره ويهجرها الحمام

وجه الحقيقة مايتغيير غير بفكار الجهل = والناس تفهم بالبنود الي يصاغبها النظام

هذا سنام المشكله والعقد حلاله عجل = تل السلوك الي شبكها من ضلوعه بالغرام

أدخل مع أهل الصنف يعطونك على صنفك بدل=ونقول ياصياف منا لاتحرى للملام
يرحمك ربي راحم أرضه من هماليل الوبل=لاتحسبنا مانعرفه والرصاصه فالحزام

ماقصر باعي كد خذيت الكنز واعتقدت الدجل = ولازلت بالرجم الطويل الي تعديه الحشام

بيني وبينك سالفة منها المجانين تعقل = هذي نتيجة ماحصل واقبل سلامي بالختام

أنا عيوني فالسما حر وحش مهما حصل=والله عطاني صارم المخلاب قصاص العظام
ياصاحبي صياف عند المشكلة كبر وصل=تفرج ويفرجها الولي ياجعل جدك للرحام

أنا عيوني فالسما حر وحش مهما حصل=والله عطاني صارم المخلاب قصاص العظام
ياصاحبي صياف عند المشكلة كبر وصل=تفرج ويفرجها الولي ياجعل جدك للرحام