|
روعة الصباح تكمن في نسيم هواءه.. وطيوره المغردة التي تعطي معنى حقيقياً للتفاءل والأمل والأعتزاز بالذات والبحث عن أرزاقها بهمة وعزيمة |
ماخانك النور مرّه ....مع حدووود العتيم ؟ ومامرك الخووف.... وانت بغبّة ...الاسئله اللي يُعاقب/ وهو مذنب .....شعوره... أليم وش حال من هو يُعاقب .... والسبب يجهله ماهي بـ شرهه ...على شح الوصل ياكريم ولاهي بـ عادة مزونك.... تتركن / ممحله انا تبنّيت ( طيفك ) ... وانت وصلك... يتيم وانا تحضنت زولك .....والضفاف / اخيله يومي على باب قلبك....كن [ الافراح ] ديم وصعب الحزن في حضورك كنت استسهله المشكله /في ثواني غيبتك..... وين اهيم ؟ والمشكله..... كيف ابكي ؟ هذي المشكله تبخّر من الحراره ....جوفي وصاآآر / غيم وتكثّف ( بـ موق عيني ) وانحدر... اوّله وصَهَر من الوجد فيني... مابقى من هشيم وانا بأقصاي خوووف ...وماقدرت اوصله وهنا على جال جرحك جيتني / بالصميم وانا استفزّك حضور... واغنيات.... و وله مابيك ترجع ...وتلقى مابقى بي... رميم انا نحرت الحنين.... وقلت لك : [ ازهله ] ان كنت نآآوي توادع..... في امان ..الكريم لكن امانه : لاتقفي..... والسبب / اجهله |
على الهون ياسود الليالي تراني ماش ونفسي من ظروف الزمن باح خافيها عيوني على حظي وحظي طريح فراش والآمال والله ماعرف ويش تاليها |
يا حيّ (مـا مـتّ فينـي ) ، لكـن الهقـوه .. خابـت.. ( ولا عـادت آمالـي , هـي آمـالـي ! ) |
لاتجعل طريق السعاده مرتبطا بشخص واحد فقط لانه قد يغلق الطريق في يوم ما |
المرأه غالبآ هي ضحية الحب والأغلب ان يكون الرجل باحثا عن المتعه الغيره تؤرق المرأهـ والمناداة بالثقه هي سلاح الرجل وفي النهاية تقتل المرأه بسلاح الثقه !!!!!!! |
يستر آلله عليك , و يستر آلله عليْ كآن ودّي نكمّل كلّنآ لـ الأخير ! رح و أبكتب علىَ الصدر آلزمن مآيليْ رآح عنّي كبير , ورحت عنه كبير ! |
ماهو بـ شرط تكون شاعر ۆ حسّاس أهم شيء يكون عندك مشاعر يا كم شٱعر كلمته تزعج .. النٱس ۆ يٱ گم وٱحد ذرب ماهو بـ شٱعر |
سلم على اللي فاقده ولا فقدني !! وقله بعد ماتقول لعيونه اشتقت .. محلله / عن كل وعدٍ وعدني !! ومسامحه / عن كل ليله تضايقت .. . |
هذا غيابك ما ترك غيرك معاي
ألقاك حتى في عيوني..لا غفت وهذي مشاعر من سنه تعكس صداي الله يحرمها..إذا لك ما وفـت |
انــا مـثـل مانـيـب انــا يـــا سلـيـمـان غـريـب واظـروفـي سـواتــي غـريـبـه احيان تمشي معي بالطيب واحيان اسـوقــهــا والــلـــي تـجـيـبــه تـجـيــبــه |
إذا مــا قـــدرت تـسـكـت الـعـالـم الـهــراج عن الهرجه اللي سولفوها على شانك قبل لا تدور عن هروج البشر مخـراج عـن الهـرج واهـلـه كلـهـم سـكـر آذانــك |
حيل الله اقوى وانا حيلي مهوب اقوى
من حيل ربي قوي الحيـل سبحانـه انسان عادي واحب الخير والتقـوى لو ان صوتي غريب .. ونيتي زانـه |
قـولــوا لــــه انــــي نـفـيـتـه مــــن حـيـاتــي خــــلاص مــاعــاد لــــه فــــي مـقـاويــس الـحـنـايـا نـصـيــب! ولاعــــاد لــــه عــــن شــعــوري بـاغـتـرابـه مــنـــاص فــي كــل حـالاتـه اصـبـح مـثـل غـيــره غـريــب! |
وأنـــت غـايــب كــنــت جــالــس بـإنـتـظـارك وكــــان بــالـــي يـحـتـضــن مـلــيــون طـــــاري! كيف كنت .. وليه رحت .. ووين دارك وكـنـت أحــط الاسـئـلـه وأبـنــي حـصــاري! |
• اللهم أغفر لـِ والديّ وأرحمهما كما ربياني صغيرآ اللهم أرحمهما من عذاب النار وعذاب القبر |
الشيب لاح بعارضي والعمر قرب للنفاد
يالله تزيد ونعم فالدنيا بحسن الخاتمـه واليا دخلوني في القبر يالله يارب العباد ضوّه بنور المغفره يجلى الذنوب القاتمه |
اكبر قهر لجدد الوقت جرحـك بيدين اقرب ناس لمصافح يديك |
صابنا تال الزمن ضعف حيل وضعف دين
عقب مفتول الذراعين جاء فيه انحلال مالنا حيله ياكود الدعاء يــا مسلمين والهدى والنصر والعـز من رب الجلال |
لا تنجرح لا قلت لك : ودي أنساك
هي رغبتي لو أنّها [ مستحيله ] حاولت ابنسى ما تعلّق بـ ذكراك وعجزت لـ آنسى الذكريات الجميله ! |
حسبي الله على أمريكا ونعم الوكيل
ما يشب الحرايق غير مقباسها تحت بند العداله كم تحط وتشيل وفتنة الشرق الأوسط من تحت راسها بالسلاح القصير وبالسلاح الطويل ترسم ومرسمتها فوق كراسها مجلس الأمن كلّه يقضم الجنزبيل ترفع الفيتو ولا يجرح إحساسها يا الله انك تسلّط فوقها شهب ليل لين تهدم معالمها على ناسها والعرب يفتح الله والحصيل الحصيل ما لعب في الخزينه غير حراسها أحفظوها مثل لايق وجاله دليل طابخة فاسها تشرب مرق فاسها |
اعترف لك ( ماتحملّت القطاعه ) ضاق فيّ الكون كله واتسّاعه لو بغيت انسى زمانك واتناسا صدقيني ! ماقدرت انساك ساعه |
تعطيني الايام وصل وقطاعـه وأمدّها بالضحك والصبر والحيل وأملك من الثنتين كنز القناعه والعذر في وجه السنين المقابيل |
شي بصدري لي زمان مخبيّه ودي اقولة بس وشلون اقوله أخاف لاجيت اتكلـم وأبديـّه يفهم على مفهوم ماهو بحوله |
ياحبنـي لهـل الوفـا ياكـره عينـي للسـراب
يابغض قلبي للوجيه اللي علـى النمـه هذيـب من باع دينه بالرخيص اتـلا تواليـه الخـراب ومن طاوع الشيطان في قطع الصله قله يهيـب واللي يخلي والدينـه فـي مهـب الاضطـراب يندم ويلقى العاقبه فالـدرب مقطـوع النصيـب و من طاوع العالات ياخذهاعيان مـن التـراب امـا تجيـه امحثلـه والا تقهواهـا سـريـب الرجل مبـدا فـي حياتـه لايـزل ولا يهـاب وشبر(ن) من البيدا يعزك عن غثا الجار الغضيب |
ياللي سألتو عَن خَفوق العبسي! القلب! أخِذتِه دانَة الشرقيه إستحوذَت قلبي وكلّ إعروقي المهره,الشيهانه,الريميّه |
عمر الضمير الحي ّ ماشاف راحـه
__________ منـول وبكـره وبعـده وذا الحيـن الوقت يشهر فـي عيونـه رماحـه وتمـره الايـام سكيـن ... سكيـن ومن كثر مافي هالزمن من بجاحه حـرّم عليه الزين واستملح الشيـن |
لا عنتر العبسي ولا سالم الزيـر
يقدر يجيك فتالي الليـل ساعـه وانا من هبال الهوى جيتك عصير جية شجاع ولا اعتبرها شجاعـه |
ياصاحبي خذها نصيحة وانـا حـيّ
قناعتـي ماهـي مجـرّد قناعـات من لايشوفك (شي) شوفه و(لا شي) واقـرا عليـه الفاتحـة والتحيـات |
ترجّعني خطاوي شوقي الزايد على المحبوب ولا ادري غير انا واقف على بابه واهليبـه |
شاعـر ضـيـق الفـرصـة عـلـى منافسـيـه كم كتب بيت شعر وصار مضرب مثال كـــل مـاهــو لـديـهــم بــعــض مــمــا لــديــه أن بـغــوهــا حـمــيــا وأن بـغــوهــا عــــــدال |
والله مامن جديد وضاعت أفكـاري
والشعر (يانوف) مدري ليه مليته .. يمكن لأني تعبت وضقت بأسراري!! ولاّ على شان عين اللي تمنيتـه .. |
ياميت النار لاتحمـل ثقيـل الحمـول اترك حمول الثقـال لشايليـن الثقـال أسكت .. وخل الرجال اهل الفعايل تقول شرواك عيب يتكلم في حضور الرجـال |
لو السفر جرّ خطوه من فريق لفريق
كان الخبر ما صدم روحي ولا لافهـا الله يكافيك شـرّ مفاجئـات الطريـق على سفرك المشاعر شيّبـت قافهـا .. |
الــعــالــم اجـــنـــاس .. والايــــــام مــفــتــره احــد ٍ متـنّـح واحــد نـايـم واحـــد واعـــي كـل ٍ يــذاري الهـبـوب وصـوووتـه يـجـره ويلاحـي اللـي علـى الاغصـان سجّاعـي نـبـي طـريـق السـنـع .. وانـدفـنـت الـجــرّه وضاعـت رعـيـة عربـنـا مــن يــد الـراعـي بـعــد مـــن الكـارتـيـر .. انـحـلّــت الــصــرّه قنعـت بـأن البريـد اضمـن مـن السـاعـي كـــم واحــــد ٍ دون خــيــر مـاكـفــا شــــرّه عــســاه يــفــداك يـامـجـمـول الاطـبــاعــي اللي لاجت له علـى اصحـاب الوفـا غـرّه اخــذ عــروض الـعـرب جـمـلـه وقـطّـاعـي والله لـيـبــطــي عـــظـــم والــكــبــد مــحــتــرّه من واهج ٍ يونسه من بين الاضلاعي مـشــحــون .. وازرار ثــوبـــه يالله يــــــزرّه ينـهـت .. وكـنـه عـلـى تنـفـس صـنـاعـي الـذبـذبــه ذايــبـــه .. والـمــوووجــه تــفـــرّه للعـسـر والضـيـق وفـجــوج الله وسـاعــي لـــعـــل درب ٍ يـوصـلـنـيــه مـــــــا امـــــــرّه ولعـل يشعـاه عــن دربــي 100 شـاعـي مغـنـيـنـي الله عــــن بــحـــره وعـــــن بـــــرّه لاعــــوّدن الـعــلــوم انــصـــاف واربــاعـــي الـظـاهـر انـــي سـمـحـت وجـــزت بـالـمــرّه مـن جمـعـة العـالـم الـلـي مالـهـم داعــي |
خلك بعيد .. ولو جذورك قريّب
فارق دروبي دام هذي طبايعـك منسبك طيّب غير مانته بطيّـب مادامك تتّبع سوالف (( ربايعك)) |
الطيب وهبه والمراجل توافيق ومن لا نشا بالمرجله ما لحقها |
صباح الخير
|
مبارك عليكم رمضان
.. يالغالين والعذر لكم عن التأخير .. محلكم القلب |
لِأنّي عِند هَقوَتْها!.. , شَرَبْت الكيف مِن فِنجال قَهوَتْها |
| الساعة الآن +4: 10:41 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
