قبيلة بني رشيد - مَشْآعرِ ..!♥

https://encrypted-tbn3.gstatic.com/i...cnyVu1csxpW8s4

إن مَرِّني منك ليلٍ مايخاف النورْ
من وين أجيب لعيوني دمعْ... وأبكي لكْ ؟!

محتاجك أكثرْ من أوقف والسنين: تدورْ
وأكثر من إني تَعَبْ كل ليله أسري لكْ

جرِّب تنام.. بيديك... ولا معاك غرورْ
عشاني.. جرِّب ثواني.... وشفْ شسوِّي لكْ :

بأهديك باب.. ودُعا / خفَّاقْ / شِعْرْ / طيورْ
يمكنّك شوي...... تدري شكثر حبِّي لكْ !

والبارحة... ما هَجَدْتْ ولا حَوَتْني الدُّورْ
ماغير أشتِّمْ غيابك... وأرجَعْ أشكي لكْ !

بلحالي.. كِنِّي الفقير.. وكِنّ زَعَلْكْ السُّورْ
كل مابغيت أشحذك.. هجَّتْ محاصيلَكْ !

ودِّي أكونِكْ.. وإنت تكونني.. وبالدّورْ :
أنا أحضنَكْ بُنّ.. وإنت تضُمِّني هيلكْ !

ماهو بوقت لـ تغلِّي... سيِّدي المَمْطُورْ
بالحُسنْ / .. وأمَّ المسافة تنتخي بـ خيلكْ !

العُمرْ: دفترْ... وأيام الوصال سطورْ
يا دفتر العُمرْ... لا تحرمني سطري لكْ !

لله... قل لي: إذا مَرّيتني بـ غرورْ :
من وين أجيب لعيوني دَمعْ.. وأبكي لكْ ؟!
من وين أجيب لعيوني دَمعْ.. وأبكي لكْ ؟!
من وين أجيب لعيوني دَمعْ.. وأبكي لكْ ؟!