لا جيت ابكتب في فراقك توهقت=بعض البيوت اشيلهن لو أبيهن
عرفت بعدك فوق الأربع وفارقت=لكن (بيوتي فيك) ماهيب فيهن

في الذاكرة نفحة زهورٍ ميّته=وأشياء كثيره صرت مدري وينها ،،
طفلٍ يشيل العيد في طاقيّته=و أمٍ تخشّ الدمع عن طفلينها
ورفيق عمر ، الوقت شحّ بجيّته=وبنتٍ قسمت القلب بيني وبينها ،
وعيون شايب لو قسم حنيّته=على البشر كان البشر وش زينها
ومتغربٍ يقرا جواب بنيّته=اللي تركها في ربيع سنينها
وجدار كانت تنتظرنا فيّته=نقرا بختنا في خطوط يدينها
أطفال كلٍ في فضا حريّته=وبيوت ناس أطفالها مشقينها
حاره نسى فيها الزمن عفوّيته=ميسورها يعطف على مسكينها

اليا جرحوك اللي بليا ضماير=عاملهم ب اخلاق لوهم بلا اخلاق
الشمس لو تزعل على اهل الستاير=ماكل يوم تداعب الناس ب اشراق

فـ غيابها ماني بقابل عوضها=ويش العوض لاصارت الغايبه هي
العالم بشعري تصالح بعضها=وانا اكتبه فيها ولا جابها لي

آلصاحب آللي ما يقدر مشاآعرك=فرقاه ماتبغي صلآة آستخارة! ;)

إذا غيابك صار يشبه حضورك=حاول تغيب وباقي احدٍ يقدرك

إذا غيابك صار يشبه حضورك=حاول تغيب وباقي احدٍ يقدرك

إذا غيابك صار يشبه حضورك=حاول تغيب وباقي احدٍ يقدرك

سلمت لك قلبي وجيتك من أقصاي=وإنتي على مد المشاعر وقفتي
آسف على أني قلت همي وشكواي=وشكراً لأنك للغلا (ماعرفتي)
شرحت لك حالي وبررت رجواي=وأنتي ولا كنك (سمعتي وشفتي)