قبيلة بني رشيد

قبيلة بني رشيد (http://ban3abs.com/aa/index.php)
-   منتدى المحــــــــــــــاوره (http://ban3abs.com/aa/forumdisplay.php?f=13)
-   -   العمده يقترح (http://ban3abs.com/aa/showthread.php?t=34287)

ناصر خنيفر 29-05-2008 12:18 AM

إقتباس:

اقتباس من مشاركة ابوطافش (المشاركة 494590)
العمدة مشكور
بس بعضنا مسجل بابو فلان
كيف الحل

هلا ابو طافش انتم يابو يابو مافيه مشكله معروفين وهذا لقب لايدخل بالاسماء المستعاره وخلوكم كذا

عبدالباري عبدالعزيز 29-05-2008 12:10 PM

إقتباس:

اقتباس من مشاركة ناصر خنيفر (المشاركة 492186)
اخواني وابناء عمومتي بني رشيد عبس كلينا وملينا من اصحاب الاسماء المستعاره وكما قال المثل ماكثر من شي سمج وهذه الاسماء تمنعنا من معرفت بعضنا وتخفي حقوق شعراء كبار هذه الاسماء ليس من صالحهم لذا ارجو من الجميع مقاطعة اصحاب هذه الاسماء المستعاره فاذا تعذر ذلك ارجو عمل فريقين فريق لاصحاب الاسماء الحقيقيه وفريق يتكون من اصحاب الاسماء المستعاره وعمل مباريات بينهم بالشعر الشعبي وفي المحاورات على ان تكون اصحاب الاسماء الحقيقيه برياسة العمده والاسماء المستعاره بارياسه شناكير او المعزب وش رايكم الموضوع مجرد اقتراح


بين الاسماء الصحيح وبين الاسماء الكذوبه = صارت امبارزه والنصر لاهل الحقائق
ياربوعي جميع مشعوذن ولعوبه = انتم اهل السنام وغيركم كا العلايق ههههههههههههههه
قام يكثر عددهم لين صارو عقوبه = وصبح المختفي في كل ريع ٍ يوايق
عاكسوهم ولا تمشون دربن مشوبه= ازرعو في وجيه المختفين العوايق
لين شنكير مع ربعه يعدل سلوبه= وينحرف يم الاسم اللي كتب بالوثايق
اعتقد رجعةٍ للحق مابه صعوبه= ارجعو قبل يصلا كم لهيب الحرايق

استلم الرد من عبد الباري، بالنيابة عن اهل الاسماء المستعار اللي ربضو يوم شنيت عليهم الحرب ههههههههههه
بين الاسماء الصحيحة والاسام الكذوبه=نتختلف بالسلوب ونختلف بالطرائق
دوب ثار الجمل بالحمل .دوبه ودوبه=سدد القول مير القول بآخر دقائق
آخر العمر لو ذعذع هواه وهبوبه=لايغرك بعد ساعة يجيك امتمايق هههههههههه
كل من شفت ياما جاك مقلوب ثوبه=وانت صدقت وضاح اليمن بابن شايق ههههههههه
يوم ابو ذيل فوق الجحر ينفخ ذروبه=والجحش صادقك واصبح بخوتك بايق
مار خل اصدقانا معك نوبه ونوبه=لاتضيق الصدور ويكشفون الحقائق ههههههههه

معيوف ابن زهيميل 29-05-2008 12:26 PM

اعتـقـد رجـعـةٍ لـلـحـق مـابــه صـعـوبـه=ارجعـو قـبـل يـصـلا كــم لهـيـب الحـرايـق
صح لسانك ياابو تركي

ناصر خنيفر 29-05-2008 12:39 PM

إقتباس:

اقتباس من مشاركة عبدالباري عبدالعزيز (المشاركة 495672)
استلم الرد من عبد الباري، بالنيابة عن اهل الاسماء المستعار اللي ربضو يوم شنيت عليهم الحرب ههههههههههه
بين الاسماء الصحيحة والاسام الكذوبه=نتختلف بالسلوب ونختلف بالطرائق
دوب ثار الجمل بالحمل .دوبه ودوبه=سدد القول مير القول بآخر دقائق
آخر العمر لو ذعذع هواه وهبوبه=لايغرك بعد ساعة يجيك امتمايق هههههههههه
كل من شفت ياما جاك مقلوب ثوبه=وانت صدقت وضاح اليمن بابن شايق ههههههههه
يوم ابو ذيل فوق الجحر ينفخ ذروبه=والجحش صادقك واصبح بخوتك بايق
مار خل اصدقانا معك نوبه ونوبه=لاتضيق الصدور ويكشفون الحقائق ههههههههه

يامرحبا في معيوف يقولون حزب النصر معيوف اعتزل العب وتدين ولاعاد يدخل المواقع والله اني ادري ان كلامهم ماهو صحيح من بعض الردود والشعر ولكن ماهو الاسم المستخدم حاليا ارجوك ترسله لي في رساله وعتبر سر اخوك العمده مثل سر البطل الصامت هههههههههههههههههه

عبدالباري عبدالعزيز 29-05-2008 12:49 PM

اللي راد ٍ عليك عبد الباري
ياعمدة ماهو معيوف
يالله دخيلك يجرها مقرود ويبلابها خير هههههههههههه

ناصر خنيفر 29-05-2008 12:56 PM

إقتباس:

اقتباس من مشاركة عبدالباري عبدالعزيز (المشاركة 495698)
اللي راد ٍ عليك عبد الباري
ياعمدة ماهو معيوف
يالله دخيلك يجرها مقرود ويبلابها خير هههههههههههه

اسمحلي انا اقتبست الرد الاخير اثر اللي راد هههههههههههه الاكبر والله انت مافيك طب ياعبد الباري لكن اعتقد انه على ماقيل قد هياهوههههههههههه

أنكسارحلم 29-05-2008 05:14 PM

ياعبدالباري العمده راح في خرايطها على ماقيل اندرج مخه ولايدري وين هذا من هذا
انا مثلك اتهمني في المعزب وانت تعرفني ان ماني المعزب لكن ادعو معي للعمده ان الله يرد عليه جحشه
وابو ذيل اللي لحس مخه هههههههههه

عايض بن صالح 29-05-2008 05:44 PM

الحسبه هالمره غير صحيحه يابو تركي ولكن خيرها بغيرها ههههههههههههههههه


الساعة الآن +4: 04:14 PM.

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
هذا المنتدى يعمل على نسخة في بي بلص