| المعزب |
25-04-2012 06:04 PM |
إقتباس:
اقتباس من مشاركة ناصر خنيفر
(المشاركة 2757899)
هلا وسهلا انت معطا بخشيش تبا تخرب العشره ترى المال يزول ولايبقا الا العلم الغانم شفلنا هديه تسوى وترك السحالف وماشابها تراي اللي اسبوع وانا اقهقر الفريق عنك لايفترسونك انت وابا الخلا هههههههههههه
ابداء بذكر الله قبل كل ماكان = محي العظام الباليات الهزيله
مرسي سفينة نوح من فوق طوفان= ومن صالي النيران نجاخليله
ومن بعد ذكره زان تنقيح الالحان= ردن على من خان صحبة زميله
غشوه ناسن فرقت بين الاخوان= اهل النفاق وجاك يومي شليله
وهداء هديه مادفع فيها الاثمان= بلاش جايبها المطر مع مسيله ههههههه
وهدى طيورن شكلها شكل غربان= مادري مجمعها من ايا فصيله
لو قالي في ماحصل كنت غلطان= دمحت غلطاته بكل الوسيله
لكن يصنفلي طيوره كحيلان= ويقول صيدن مالقينا مثيله
وين القطا ويا الحباري وغزلان= منها المرق يشف الكبود العليله
والله مادري ياهل العرف بلشان= بين المزوح وبين صدقه وميله
صار المعزب مثل ناقة عريمان= ماتقوم وان قامت تزايد جفيله هههههههههه
|
اشهد انك تفحم الي مايفحم عساها ماتعود من هديه ههههههههههه
لكن هين ياالشايب وانا المعزب والله اني لعودك عوايدك الي انت خابر ههههههههه
ساق الخيال وعزّل المزن ربان=وتراكمت فوق المخيله مخيله
غدا لرعدها وندقه والهوى كان=وارخا على شهب الفيافي هميله
حتى قسا منه الدعث والجلد لان=راع الغنم والذود ينثر صميله
والي قبل كانو على العد قطان=كلاً رحل عن صاحبه في سبيله
وبقيت انا والعود ناصر كما كان=مهدف على المركاء ويشفط سبيله هههههه
ماعاد بمراحه سوى بعير وحصان=وعشاه من صكات بقعا بليله هههههه
من شاف حاله بلغ حقوق الانسان=واعزتي للعود واعزتيله
حتى اليا حضرتله طير سمّان=يضيق من شوفه ويقفي رحيله
وانا الحقيقه ماحتمل فرقا الاضعان=والشيخ ابو تركي يساوي قبيله
بلشت يالاصحاب في عود خيطان=ماهو بلاصاحي ولاهو هبيله هههههههه
صار ابو تركي مثل طير ابن برمان=من هدته فالبر حيه حصيله
|
