محمد بن طمحي العتيبي ((أديب المحاوره)

يامرحبا باسمي وباسم اهل المكارم والفخر=اهل الكرم والعز والامجاد والمخرج ملي
الليل يامحمد وانا لي يمكم وجهـة نظـر=حان اللقاء والوقت والميعاد والمخرج ملي

عسى البقاء بسمي وبسم المستمع واللي حضر=متابعين الشعـر والنقـاد والمخـرج ملـي
انته معك وجهة نظر وانا معي علـم وخبـر=عندي يابن مربح علوم اجداد والمخرج ملي

البرق يبرق بالسماء ويشاهده زيد وعمر=الناس بالهجري وبالميلاد والمخرج ملي
عطني علومك لن قلبي للطرايف ينتظر=خل المعاني بيننا تنقاد والمخرج ملي

البرق والرعاد في نون ينشاء من بحـر=ياللي تخيل البرق والرعاد والمخرج ملي
أنا علومي للنشامى كنهـا قطـف الثمـر=خلك معي مهما يطول الماد والمخرج ملي

إن جاك خير من الولي وإن جاك شر من البشر=والــبـــرق والرعاد أشـــوفـــه زادوالــمــخــرج مـــلـــي
أنا هجوسي ( عادله) لأهـل الـدرر تصـرف درر=تسبر هل الطايف وريع جياد والمخرج ملي

سموك نجم أهل الشمال أنته نجم وإلا قمر=غيرك نجوم مالها عداد والمخـرج ملـي
الليا وصلت جياد والطايف هنا خط ن حمر=يجيك ما جاء شيخ أهل بغـداد والمخـرج

أنا من نجوم ن لها قيمة على طـول الدهـر=في شعر والا سلم وإلا جهاد والمخرج ملـي
والليا وصلت جياد والطايف معي عقل وبصر=وأفعل فعل عنتر ولد شداد والمخـرج ملـي

كم واحد ن يبغى الفضاء ويصير رائد معتبـر=لكن غيـرة بالفضـاء رواد والمخـرج ملـي
تبغى الصحيح أثرك مفادي ما تهاب من الخطر=القوم قدمدك والسيوف حـداد والمخـرج ملـي

الموهبة ما مثلها في صبح وإلا في عصـر=يالسيد اللي تعرف الأسياد والمخرج ملي
تبغى الصحيح اني بعد عاقل ومومن بالقدر=ياقوم خلوكم على استعداد والمخرج ملي

ياصاحبي ما كل من يارد على الجمة صدر=حسب على المصدار والميراد والمخرج ملي
وأنا اعتبرها يا رجال المعرفة فرصة عمـر=واختامها الليلة بمسك وكاد والمخرج ملي