دعوا .. الوشاة ماقالوا .. ومانقلو=بيني وبينكم ماليس ينفصلُ
أُمسي وأصبح والأشواق تلعب .. بي=كأنما أنا منها شارب ثملُ
فيا رسولي الى من لا أبوح به=إن المهمات فيها يعرف الرجلُ
بلغ سلامي وبالغ في الخطاب له=وقبل الأرض عني عندما تصلُ

قبل أحبك كنت أنا أحب الـرياض=يــوم شفتك زاد أنا حـبي لــها
ياللي وجهك زادها نور وبيـاض=صرت أحس إنك حبيب أنوارها
أنت مامثلك ولا فيك اعــتراض=وشــوفتك ياكثــر ما أشتاقـها
لك غلا في داخلي عدى وفاض=ولك محبه مافي قلبي بعدها
الهوى والشوق وورود الفياض=كلهم صــاروا معي عشاقـها
المحبه حلم وعشتـه بالـرياض=وللريـــاض ولك حيــاتي كلها

غلطتي كنت متراهي ومتمادي=وكنت احسب الزمن والوقت يمديني
وأثر من لا تغانم فرصته غادي=آه يافرصة ضاعت من يديني
توني في هواها قلت ياهادي=روحت لعنبو .. من لا مها فيني

لك منزلن في نآيفـ القلب وخيآم=وذود الـغـلآ تـرعـآه ولآ شكـيـتـكـ ..
يفطر عليك القلـب وان فآرقك صآم=والله لو انك شـوك سدره كـليـتكـ ..
القلب طيرن لا دعي للهوآ حآم=ولآ انت وكره من كـثر مآ هويتـك ..

هاك الجرووووح وهاك معها المعاذير=آسف ترى كنت أحسب إني أهمك

احبك كثر .. ماتطـري فبالـي وتشغـل التفكيـر=كثـر .. ماشيلـك بعينـي ونـاسٍ منهـا طاحـت
احبك كثر .. ما ادمح خطـاك ان خانـك التعبيـر=كثر .. ماخانت الرفقـه بكتـم اسرارهـا وباحـت
احبك كثـر .. صقـارٍ تولـع فـي محبـة طيـر=كثـر .. مادلـة الطيّـب بريحـة هيلهـا فاحـت

زعلوها وهي للحزن مجذوبه=طفلة(ن) ماأن باحت جابت التالي
وأعشقتني (غريب) أكبر ذنوبه=أنه أغبى محب بوقته الحالي
أبتساماتي العذبات مسلوبه=من سفر .. من كدر .. من قلة الوالي
أنتي الشعر .. بألفاظه .. وبأسلوبه=كان لولا حضورك مالقى والى

قبلك وأنا من سود الأيام مفجوع=كن العنا .. ماله مقام بدوني
شحت بك الدنيا عسى فاله الروع=وأزرت على عهدي تخالف ضنوني
قلي ليا صار .. الرجا .. منك مقطوع=وين العزا .. والهم يهدم ركوني
سلم على الدنيا وغصب بلا طوع=أصبر وأداري عبرة من شجوني

تصدق !! من عرفتك صرت احبك .. واكره التغيير=وانا اللي كنت اعشق كـل نجمـه بالسمـا لاحـت

شفتوا الرياض وشلون ظلمى من دونه = شفتوا الشوارع طافيه .. ( مالها ضي )
" فاقدينه " وفاقدين شوفه عيونه .. = أدري الرياض بغيبته .. ( ما بها حي ) !

اقتباس من مشاركة مرآهيش (المشاركة 1866239) شفتوا الرياض وشلون ظلمى من دونه = شفتوا الشوارع طافيه .. ( مالها ضي ) " فاقدينه " وفاقدين شوفه عيونه .. = أدري الرياض بغيبته .. ( ما بها حي ) !

الثواني في فراقك لي هلاك=وأنت لامن غبت عني في سعد
وش حصلك؟ وش جرالك؟ وش بلاك؟=وش تعذر؟ وش تقول؟ ووش بعد؟

لا حــــــــل طــــاريــــه تــجــاهــلــت طــــاريـــــه=مــاكــنـــي ادري عــــنــــه وانــــــــا بــــــــه ادرى
احـــشـــم قــريــبــه حــشــمــة لــــــه واداريــــــه=واخشا يجي في خاطره شي وادرى
بـسـكــات يغـلـيـنـي وانــــا حــيــل مـغـلـيـه=لا تـــيـــلـــفـــون ولا مــــواعــــيــــد غــــــــــــدرى
لا اســـولــــف بــحــبـــه ولانــــــــي بــكــانــيــه=وغــيـــري لــونـــه يــوالــفــه كــــــان هــــــذرى

أستأذنك .. لحظه دقايق بخليك=باأروح أبشر عالمي في قدومك

لك وقت متغير على قلب مغليك؟=وإلا الحقيقه عايش أرجي (غيومك)

حبر العتب .. لو سال في دفتر اللوم=يمّديه جفّ .. ولا وصل شخص غالي
،.،

دكّت ( مجاهيم الجفا ) .. مغرب اليوم=وأزريت أنوّخ ركبها في خيالي
،.،
يا صاحبي .. والحلم ما يبغي نجوم=لو لا القمر .. وش كان حال الليالي
،.،

( غصن اللقا ) .. ما عادت طيوره إتحوم=وفصل الغياب .. يجفف إللي بقا لي
،.،
الحزن عاري ... لو لبّس ضحكي إهدوم=ويبان بــ / أطراف السوالف مقالي
،.،
( قيض السهر ) يجلب معاصير وسموم=ولا أشوف إلا ( خفوقي ) قبالي
،.،
أنشدك ... ليه البعد يحتاجنا دوم .؟؟=ويموت بعيون الإجابه .. سؤالي
،.،
علّقت من شعري على صدرك ( وسوم )=إلين كل ٍ عن وصوفك حكالي
،.،
وأهديت لك قلبٍ ( قوي صبّر وعزوم )=وأهديت لي ريح ٍ إتبعثر رمالي
،.،
ولو ما كتبّت إللي بــ / صدري .. من هموم=ما كان كل عاشق جريح ٍ قرالي
،.،
ليه أنتظر صبح ٍ غشا وجهه غيوم=وأنا بعيش الليل كله لــ / حالي
،.،
وما ضنتي بلقى بعد غيبته ( نوم )=من ياخذ عيوني .. ويرقد بدالي .؟؟

طمعت بك كلك ولا جيت نصك=وسويت لك في عالم الحب دوله

ماألومني فيك وأنتي قسوتك تغري=لا صرتي مابين وجداني وتفكيري
من (بسمة) عيونك وماني على خبري=رحت آتحرى من عيونك تباشيري
هذي طواري عناي وسالفة صبري=آسف على لهفة أنفاسي وتقصيري
آخر كلام المشاعر يابعد عمري=والله مافيه أحد يستاهلك غيري

أرض الشعور إللي هجرتيه .. قفرا=ما مرّها من عالي القرب .. غيمه
،.،
وأوراق موعدنا ... من العام صفرا=( الله ... يا ذكرى السنين القديمه )

وأتنفّس رغم هذا الضيق ... في صدر المدينه=وأتبسّم ... حتى لو ما بّه عصافير وأغاني
،.،
وأنتي أنتي .. مثل ما أنتي .. ولكنّك حزينه=تربكيّن الدمع .. ويّل الدمع من ضيق المحاني
،.،
صح أنا ما إخترت أكون إنسان يمكن تعشقينه=بس أنا ما إخترت أكون إلا معاك إنسان ثاني
،.،
كنت أقول البحر ما ينشّد عن هموم السفينه=صرت أقول الحيّن ... دلّوني على وجّه المواني
،.،
آه .. وإللي خالق ٍ بي صوت ... يصعّب تسمعينه=ما قطفتك ( لحظة ٍ حلوة ) من أغصان الثواني
،.،
أشّبه إحساسي ... ولا أشّبه هذاك إللي تبينه=شاعر ٍ من ضعّت عندك ... ضاع يوم إنه لقاني
،.،
أشّبه إللي مرّ في صدري ... وأنا مدري حنينه=مثل هذا الفرح ... هذا الجرح لا منّه بكاني
،.،
أنسّكب لك شي مثل المّي ... يمكن تشربينه=وأرتوي بّك شعر .. مثل الشعر لا منّه دعاني
،.،
مثل هذا الحزن ... هذا الحزن لا مرّ بـــ / سكينه=مثل هذا النور ... مثل شعور من يدّي خذاني
،.،
مثل هذا إللي يدوّر في يدينك .. عن يدينه=مثل هذا إللي يمرّ الحيّن ... كل إللي قراني
،.،
مثل هذا إللي يحّث إخطاه .. ما تلحق سنينه=مثل هذا إللي تشوفي ... كيف لو شفتيه جاني .!!
،.،
شاعرك ... لو ما تنفّس ضاق به صدر المدينه=شاعرك ... لو ما تبسّم ... كان ما رفّت أغاني
،.،
إفتحي قلبك وشوفي ... وش ورى دمعات عينه=يمكن تحسيّن باللي ما قوى ... ينطق لساني
،.،
لا يمر ّ الحزن مثل إللي يمرّ ... وفي يمينه :-=قلب ما تنبّض سنينه ... مثل نبضات الأماني
،.،
من يقول الصبح هذا صبح ... وأشياءه حزينه .!!=من يقول الناس مثل الناس ... ما حّس بحناني .!!
،.،
الحزن ... ما هو مثل ما أشّعر ... وأحسّك تشعرينه=الحزن .... ( لا جيت أدور لك .. وأنا أجهّل مكاني )

موجَه الخطوه على وين مدري= لكن مـاشي .. والليالي / .. مقادير
يمكن يضيق من الحزن نبض صدري= لكن لـ عل مفارق وجيههم .. خير
فـ إن شفتني مبعد فلا تقول بدري= بدري من ايامك .. انا رحلتي / غير

اقتباس من مشاركة عبد العزيز (المشاركة 1866390) جيت ابدرس بس خيالكـ ما رضا لحظـة يروح .. كلّ صفحـة ابتديهـا القـا فيهـا صورتكـ الكتاب اصبح مرايـا تنعكس فيهـا ابوضوح .. ما درست إلاّ غلاتكـ ( كيف ابنجح ظنّتكـ ) ؟؟ إهدااااء إلى الأمير الغالي الأسطورة فضي البراك

اللي ضرى قلبه على طعن الأحباب=ماظنتي طعنة عدوه تضره
لا .. لا .. تطمن ياأعز الاصحاب=مجروووح .. لكن حالتي مستقره