لا طريتك يحدث الوجـه انتشـاء
كيف ماأضحك وانت حليت المرير



ماتناسيت المرض وانـت الـدواء
ولاتناسيـت المواقـف يالعشيـر



عتمـة ايامـي تناديـك الضيـاء
يا اولويه تركهـا ضمـن الاخيـر



كل شـدة لـو تباطـت بالرخـاء
رمّـدت والنـار بأولهـا سعيـر

يا غريرٍ ضعت في جهل السلوم
مـا تميّـز دقّهـا واجلالـهـا
لا تشب النار في شـنّ الهجـوم
واللكاعـة لا تـشـد حبالـهـا
ولا تحـرّف بالكـلام وبالعلـوم
كـم علـومٍ طوّحـت برجالهـا
الله الدايـم وغيـره مـا يـدوم
والقوافـل ساقـهـا جمّالـهـا
جعل بيتٍ دونه الظل .. مهـدوم
قلتها مبطي .. وغيـري قالهـا
(الأصيلة) .. تنفعك عند اللـزوم
و(الرديّه) .. مـن ردى خيّالهـا

وإن كان مرسوم المحبّه (وزاري)
مرسومنا (سامي) مكانـه وحينـه
بعض الملام أشبه بطعن الشبـاري
وبعضه يشابـه شمّـة الياسمينـه

قلب(ن)مايراعيك يرحل عن سمـاي
كل ماشاورنـي أغليه؟قلـت إرقـى سنـود
منـه سرٌيـت الركايـب وطهـره منتهـاي
دام للعشـاق سيـره وللعـفـه صـعـود
أقبلـي مالـك ديـار وربيـع إلاحـشـاي
وإسكنيني حـب ليـن أحتويـك بلاحـدود

وادري انك ذخر من ينتصر يوم الطراد
آه لو مع طيب مجناك لك عقلٍ رزيـن
والله إني لانثني عنك من دون العبـاد
مايحوشك كف طايل ولاتلمحـك عيـن
صاحبي مالاشقر الريش ياكود الهـداد
مايبرقعه الغلا وانـت سيـد العارفيـن