|
|
والشاعر اللي مايوضح دروبـــه=نقص على البيداء ونقص على الكون أما اعترض له حاجة ما تنوبـــه=وأضحك عليه الناس صاحي ومجنون وفتش عيوب الناس وأبدوا عيوبه=وأصبح بدل ماهوب كسبان مديون |
مابقى في حلمي الوافي ( قصيد ) !=.. وإمتلتْ كل الصدور .. آه .. وغياب! .. مبطي ٍ حظي .. على الهقوه ! عنيد ..=.. ومِن عرفتْ الحُب .. ( ما ودّى و جاب ) أنزف أبياتي .. ! على .. ليل ٍ سعيدْ !=.. في عيون الناس / وبـ .. عيني عذابْ ! |
مقدر اسامح غيابه واعديه=جرح الغياب بلا سبب صعب يشفى |
إلا الوفا ماله بقلبك بقايا عند الذي مثلك اظن الوفا عيب |
ياغايب ٍ عنّا وش اسباب الغياب=عسى غيابك ماتطوّل مدّته ! هذا سوال ومنك يبغاله جواب=الك الرسايل بالمشاعر ودّته ! لك وقت مالك مع عزيزين الجناب=شوفه ، ولالك من حضور ٍ عدته ! ماكل غايب غاب يحسب له حساب=الا الرفيق اللي تغارب صدّته ! قصر الغلا مفتوح لك فيه الف باب=وهوج الرياح العاتيه ماهدّته ! |
النوم فيني يشبه هموم صدري=لاجيت انومهم صحوا وابلشوني بس كيف انومهم انا كيف مدري=يصلح انام ان كنت فاتح عيوني |
شهر 7 و خامس عام ما يحتاج رزنامه=انا ما أنساه لو انسى متى تاريخ ميلادي ! ما بين : الذكريات و نفس خطايه و لوامه=عرفت اني غلطت ولا عرفت أبرر عنادي يدور الوقت و الانسان ينسى ماضي أيامه=و انا الذكرى لو انساها شوي تصيح و تنادي انا وشلون بـ( أنسى ) اللي بنا احلامي مع احلامه=و انا من قوم ما تعرف تخون الملح والزادي ! |
تقول كيف الحال مدري مواساه=والا كذا من باب روتين وحقوق على العموم بخير والحمد لله=ماغير جيتك ضايق ورحت مخنوق |
دام الجرايم حكمها رجم وإعدام ،،، وش هو حكم من يلعب باأحاسيس |
كنت السعيد اللي بكت عينه الناس=وصرت الحزين ولا بكت لي ولا عين |
واللي خلقنا ... شفته البارحة ... بسّ ..؟؟=شفته ... بـ / وسط ( الحلم ) ... ماهو .... حقيقة واللي خلقنا .. كنــّـه .. بـ / ضيقتي .. حسّ ..!=شفته يناظرني ... بـ / نظرة ..... " عميقة " يانبض .. ماهي .. قصة قياس .. أو ... جسّ ..!=شف لي .. على ضيق الحنايا ..... " طريقة " |
لآ تختبــر شووقي ترآ مآبقى بي شووق // ..
................. سجل دخولك قبل أسجل خرووجي ..!! |
يامزنتي هتان وصلك سقاني وانا شفاوي والزمن يبّس الريق
يعني سقيتيني وانا ما مداني ابلل اْعروق الهوى والمعاليق ظميان وصلك والظروف اتحداني لني حملت اْمن الزمن فوق ما اطيق وأقوم بحمولي لو اْني اعاني وأقول انا مرتاح..! وانفاسي تضيق وأصوّر الدنيا بعيني اماني وتْموت امانيي ومن حلمي أفيق وأصحى واجاري ما حصل في زماني وعن كشف كنوني ظلوعي مغاليق وأكتم هواي اللي بقلبي كواني لا اطيح بعيون الرجال المطاليق حبٍ مشقيني وشوقٍ شعاني وحلمٍ مسهرني ودمعٍ مغاريق واعيش ما بين الرجا والتفاني وأحفي قدم ساقي بروس الشواهيق ارقى على رجم المحبه عشاني شفقٍ على يومٍ يلّم العشاشيق واليا انتبهت اليا مكاني مكاني ومن سجتي تزرا علي المخاليق وأللد عيني في سهيل اليماني واعاهده واكثر معه فالمواثيق انه ليا شافك وانا منك اعاني ينقل لك الصوره ويكشف لك الضيق ياللي خذيتي خافقي من كياني بأقول لك هرجٍ ويحتاج تدقيق يامزنتي لو ان وصلك سقاني مانيب ظامي والزمن يبّس الريق |
ماتموت المحبه .. لو يطول الغياب
........................دام لي قلب وافي .. مايخون العهود صاحبي والمعنّا مايدوّر عتـاب .........................مايبي غير شوفك مهتني بالوجود وش تفيد الأماني دام قربك سراب ........................ويش قيمة وعودك وانت خنت الوعود لاتوصي طيوفك بالجفا والعذاب .........................خير صدك كثير .. وماعلى الضيق زود |
المصدر المسؤال لا جـاب الاخبـار أعـرف تراهـا يـا حبيبـي حقيقـه
وانا انكوى قلبي من الشـوق بالنـار زادت به الاشواق وأشغـل حريقـه مشاعرٍ تجري كمـا سيـل الانهـار وصـل مداهـا حـد مـا لا يطيقـه أبات انا مسجون في عالـم احـرار في سجن شوقـي والخلايـق طليقـه ما اخترت انا بعده وهو البعد ماأختار غصـبٍ علينـا حكـم رب الخليقـه راحت وانا اسكب غالي الدمع مدرار والصدر جاوب دمع عينـي شهيقـه قفـى ولا خلّـى لحاكمـه تـذكـار الا//.. ترك جرحٍ//.. مكانة صديقـه الوقت سل السيـف والسيـف بتـار واقبل علـي يطعـن طعونـه وثيقـه باسباب فرقى ملهمة كـل الاشعـار الغالـيـه والمتـرفـه والأنـيـقـه /اخطـو عليهـا شبهوهـا بالازهـار اصغر طرف منها يسـاوي حديقـه/ الورد لا قالـو شبـه وجنّـة انـوار تخجـل خـدود الـورد لنـه يليقـه هي نور عيني سيـدة كـل الاقمـار لا وش قمـر تزهـى عليـه وتفيقـه يصبح هلالٍ كـل مـا بالشهـر دار والشمـس لا جاتـه يـروح بريقـه والا الحبيـبـه كنّـهـا در مـحـار او ماسـةٍ غالـي ثمنهـا عريـقـه يا سبّة همومي مـن البعـد محتـار وهمي يـزود بطـوف هـم الخليقـه ابوي سمّاني وانا اقـول مـا اختـار لو كان يـدري كـان يـوم العقيقـه قال انـت بتعانـي بسميـك صبّـار بتشوف في وقتك مـن الهـم ضيقـه الوقت يا ناصر كمـا البحـر غـدار حتى الشقيق الحيـن خايـن شقيقـه والجـار للجيـران بايـق وبــوار وأقسى طعون الرجل طعنـة رفيقـه والحب يا ناصـر كمـا دق مسمـار فالقلب فابعد عنـه واحـذر طريقـه لكن كذا الدنيـا وتصريـف الاقـدار ما كتب صاير مـا بـه احـدٍ يعيقـه ابا اعتذر قامت تخالـج بـي افكـار وكتبتهـا قامـت تجـي بالسليـقـه خلآص/..كآفي/..بس/..مليت الاعذار مليـت حتـى قـول ويـن الحقيقـه |
أتذكرك واشتاق وأسهر مع الاشواق وأكتب على الاوراق البعد ما ينطاق |
الهنوف اللي بـلا ذنـب وخطيـه قاطعتنـي
عذرها اني لا زعلت اقسى ولا انفـذ طلبهـا خفرت لو من غلاها فـي عيونـي طالبتنـي والله اني لانـزع عيونـي واعديهـا هدبهـا ودها تلمح شقاي وقصدهـا يـوم هجرتنـي اكتب الابيات واعلن بان جرحي من سببهـا لكن عزومـي قويـه والتجـارب علمتنـي كيف ازيد الجرح كيه واشعل النار بحطبهـا خلهـا تزيـد بجفاهـا علهـا لا سامحتنـي ما تبين الشمس الا بامر من حكمه حجبهـا وكان هي من زود حبي بايعتنـي شاريتنـي ما اظن القلب سلعه كل مـن يبغـى جلبهـا والله اني من رجال كـل مالدعـوه نصتنـي سقت حالي وحر مالي لاجل اخلص في نشبها قالو ان الحب اعمى وقسمتي هي صادفتنـي قسمة اللي يوم جاته في حياته مـا حسبهـا ماهي اجمل من صدفني مير بالحب اشغلتني قصـة ماكـل كاتـب تستويلـه لا كتبـهـا وكان تبغون الحقيقه لـو تعـدت وظلمتنـي هي من البدر التمـام بزينهـا اتـم وابهـا واشهد ان فيها وصوف في هواهـا ولعتنـي حالها مع دينهـا مـع زينهـا ويـا نسبهـا لكن انـه مايبـرر صدهـا يـوم اتركتنـي لازم اتكون المحبـه تضحيـه للـي كسبهـا ودام انا مديت كفي بالوفا وهـي عاهدتنـي بنتظر واشوف عنها لانتهت مـدة غضبهـا مير لو قبل المفارق مـن ثناياهـا سقتنـي رشفة تبري جروحي او تخفف مـن لهبهـا او باقل تقدير منها بكفهـا لـو صافحتنـي وانقل جيوش المحبه من يميني في خضبهـا والا انـا عـزي لحالـي ليتهـا مافارقتنـي ودامني اعرف سببها يبطل بعينـي عجبهـا |
تبسم وناد الحيـاه تجـي لـك=واعقد لصلفـات الطرايـق نيـه واليا طعنت من الخلاف أدري انك=قـدم العـرب والطعنـه الماريـه لا تعرض الذمه علـى السوامـه=خلوك في رمضا وهـم فـي فيـه المال لو يشري ضميـر آبـن ادم=ما يشري اقلوب البشـر موليـه انطقت لك من صمت فكري لوحه=ألـك التأمـل والتـألـم لـيـه فان غيبت شمسي صروف الدنيـا=انت الرجاء كله وشمسـك حيـه |
يادموع الورد من قطـر النـدى
لا تعشمني طلـوع المستحيـل في غرام مات يـوم انـه بـدامطمع المحتاج في مال البخيـل دمعتك يـاورد تذرفهـا سـدىودمعتي تذرف من اطعون الدخيل من حبيـب صـد مـارده نـداعاشقٍٍ دمعه على خـده يسيـل قابـل المعـروف منـي بالـرداوزاد جرحي منه نكران الجميـل ودارت الايام وما طـال المـدىرجعه وقته يبي الحـل البديـل ارسل بصوته يبي يسمع صـدىهل بقاله قدر في صـدر القتيـل قست قدره قلت عمري لـه فـدابس عزة نفس تركـي ماتميـل دلني يـاورد مـع درب الهـدىصرت بين النار والسيف الصقيل عن وصاله جرحي الغاير حـداوعن فراقه حدني جمـر المليـل جاوبه عنـي بدمعـات النـدىوقل " احبك " بس قدري مايميل |
الصمت يكفي ويشفي صدر راعيــه لا صار كل الحكي ماله معانـــــــــي والقلب ما عاد تعنيه المشا ريـــــه و العين ماعاد تغريها الامانــــــــي ياليت حزني مجرد دمع وابكيه ماهوب عايش معي بين المحانـــي ماهوب يظهر علي واحاول اخفيه و تصير نظرات حزني هي لسانــي مدري ذكرني زمان كنت ناسيـه مدري ذكرت الزمان اللي نسانــي |
يالله انك ترجع اللي غاب عنـي بالسلامـه
لين احط ايديني الثنتين في راحـت يدينـه ثم اببدا بالتشره والزعـل وابـدا خصامـهلين اشوف الدمع ينزل بالعتب من موق عينه وارجع استسمح منه واقول كل هذي ملامـهليه طولت الغياب وعاشقك عوجـا سنينـه والزم الصمت ان حكى حتى يستوفي كلامـهوش يدرينـي بقلبـه محتمـل رده حنينـه والله ان العشق بلوى وتالي العشق الندامـهكل عاشق في حياته عايشٍ قصـه حزينـه كيف لا واللي يحبه باخـلا عنـه بسلامـهولا درى بان العلاقه بينهم صـارت متينـه مثل مابين القمر والليل في دامـس ظلامـهلا غفا وجه النهار وغابـت الدنيـا بعينـه اتصبر بالصـلاه وبالرجـا فاللـي مقامـهفوق كل الخلـق سبحانـه مثبتنـي بدينـه |
تدري وش أقسى ( جرح ) في قلب الإنسان وألعـن مفاهيـم الـ : جفـا ، والإهانـه ؟ شيء وتعدى مرحلة ( قدر الإمكان ) وأحــرق عبارات الدلع ، والميانه ! إنك تحطّ إنسان في قلبك أزمـان ويجازي سنين الغلا ... بـ الخيانه |
أشوف بعينه اليمنى دمـوع الشـوق مرسومـه
واشـوف بعينـه اليسـرى دمــوعٍ للـغـلا بـاقـي فديته جيت انـا كلـي عسـى يومـي قبـل يومـه انا اللي ساكن اعماقه هو اللي ساكن اعماقي انـا حبـه نـزل جوفـي وعانـق عـالـي نجـومـه مشاعـرنـا تـشـابـه كـلـهـا وبـحـالـة اعـنـاقـي تـعـال نــوّدع ايــام الشـقـا والبـعـد وهـمـومـه الا يافـرحـة ايـامــي وورد الـقـلـب والـسـاقـي انا اللي في سما كونـك نـداوي والغـلا حومـه تناظرني واجي مشتاق اسابق لهفـة اشواقـي مشـاعـر ساكـنـه قـامـت الا يـاحـي هالـقـومـه ألا يـاكــم عانـيـنـا مـابـيـن وصـــال وفـراقــي مشاعر صادقـه واحسـاس لـه بـراق بغيومـه غيـوم مـن الغـلا تمطـر مشاعـر لـك تنسـاقـي رسى حبك على عرش الخفوق وفيك ماالومه وصلتـك دون كـل الـلـي عـلـى لقـيـاي تـواقـي أحبـك ليـه مـا أحبـك وعهـدك حـافـظ سلـومـه قصيـدي فيـك بلحـالـك رقــى ياحـبـي الـراقـي فقدتـه ليـلـة الـبـارح حبيـبـي شـآخـر علـومـه بعـد ماغـاب ليلـه وسيـع الكـون بــي ضـاقـي انا العاشق وانا المغرم وانا اللي حاربه نومه سهيـر اسامـر طيـوفٍ عليهـا القلـب مشتاقـي |
وينك ترى بالحيل طول غيابك!؟
وينك ترى في غيبتك خاطري ضاق.. افرح بقربك واهتني مع جنابك.. صدك وبعدك محرقن قلبي احراق.. ياما جلست من الغلا عند بابك..!! اشكي جروحي وشتكي ليه الأفراق.. عطني سبب واحد يبرر ذهابك.. إلى متى غايب وجرحي بالاعماق. |
كل ذكرى فيك زالت يا قديمـات الليـال
انتهى ذكراك وأصبح لاكثيـر ولاقليـل يمكن ان قلبي اتله من عروقه كان مال في غرامك أويفكر لحظةٍ بانـك خليـل الرجال بلا كرامة نفس باشباه الرجـال مارضى في ذل نفسه فالحياة الا الذليـل |
وكم هنوفٍ من حلاها في بهاها سالبه بس لا قامت تلفَت من درى هالدرب وين حلمها الوردي يجيها في حصانٍ راكبه فارس بدرب المحبه كلبوهم سايرين هذي أحلام الطفولـه صدقوني ذاهبه شوف عيني كلبوهم بالنهايه خايبين يا جليب الماي كلن فيك يرمي غاربه لا نشف صافي زلالك ما يتبقى غير طين ها الشعور اللي ذكرته من صميمي جايبه ودي أنصح بس وين ومنهو منه تسمعين شفتي يا بنت النقايض ما تجي متقاربه الحياة المستقيمة أفضل من اللي تبين |
جـف الحبرجـف دمعـي جفـت اوراقـي=احـاول اكتـب وانـا مـدري وش ابكتـب مليـت اشيـل الهمـوم بداخل اعمـاقـي=وللحزن مرسى وقلبي صار له مركب يالضيق يكفـي دخيـل الـزرع والساقـي=لاتحـمـل الـجـرح جــرح .. وتاخذ وتطـلـب وياهاجـس الحـزن قلـي وينهـا اشواقـي=مـلـيــت اجــامــل بدنيا .. تاخـذ .. وتـصـعـب رفيـق الأيـام جـرح وصاحـب (ن) باقـي=وسنيـن عمـرٌ بـديـت اشوفها تـقـرب وياساكـن القلـب مـل الــزرع والسـاقـي=ماعاد لـك فـيـه لامـاكـل ولا مـشـرب وياصاحب الجرح هاك الجرح والباقـي=يكفينـي انـي اخـذت بصحبـتـك مقـلـب |
[ على خير أشوفك ] كان حنّا من الحييّـن..........................
..........................مصير الليالي تجمع الحي مـع حيّـه بقدرة ولي الكون رب البشـر والديـن.......................... ..........................إلهٍ سجدنا تحـت عرشـه وكرسيّـه يقلّل سنين العمـر ولاّ يزيـد سنيـن.......................... ..........................في ايديه الأمر ماهوب في ايديك وايديّه وترى البعد بـُعد القلب ماهوب بـُعد العين.......................... ..........................وأنا ابعدت عنّك وانت في قلبي وفيّـه وأبـ وْعدك وعد الحر والحر وعده ديـن.......................... ..........................وبودّعك ذلحين وأوعدك فـي الجيّـه لو أن البطا والبعد والمنتـزح والبيـن.......................... ..........................تقطّع حبـال الوصـل وتغيّـر النيّـه عليّ نذر ولاّ أقول تدري علي نذريـن.......................... ..........................ما ينساك قلبٍ وانـت ذكـره وطاريّـه معي صبح ولاّ ليل ولاّ منيـن وويـن.......................... ..........................تنقّل مابين عـروق قلبـي وعراويّـه من الثلث ألأول لين يبدا بـيّ الثلثيـن.......................... ..........................وأنا أجلس مع طاريك ياحيّـك وحيّـه أغني عليه يسار وأهرج عليـه يميـن.......................... ..........................والأشواق ماموره وألأحـزان منهيّـه وأغمض عليك من الغلا عيوني الثنتين.......................... ..........................وأرقّدك في ذيّه وأسهـر معـك ذيّـه ولحّفك خمس ضلوع ووسادتك ضلعين.......................... ..........................وأضمك شويّه وارتخي منّـك شويّـه وأذكرك قبل تنام تدعي وأقـول آميـن.......................... ..........................تطيب الجروح اللي من الحب مكويّـه وأذا الله أشاء وعاد حنّا مـن الحييّـن.......................... ..........................علي بالحرام أنّي لـ عايدك فـي ضحيّـه |
لفهـــــــــــــــــــــة غيابـــــــــــــك تحـــــــــــرق القلب بالشـــــــــــــــــوق@ الله يعيـــــــــــــن القلب لحظــــــــــة غيابــــــــــــــــــــك
|
ان جيت ابسلا عنه يا وين ابسلاه
من يعزل الطفل المدلل عن امـه مركب غرامي عارفٍ وين مرساه لاصارت اشواقي بحـورٍ مطمـه ما يقدر فراقي ولا اطيق فرقـاه بين الحنايا العوج قلبي يضمـه يا نظرة عيونه ليا صرت ويـاه اضيع منها قبـل هرجـه يتمـه يا عونة الله يوم تضحك لي شفاه أصبحت كني بكون مافيـه أمّـه حب ووفا واخلاص عهده حفظناه مشاعره روحي وروحـه تلمـه |
أنا ( صديقك ) لا قسى الوقت واكفيك=ولاني من اللي وقت المصالح يجونك اعزك يا صاحبي بكل مافيك ..=ومن كثر ما أعزك صرت أعز اللي يعزونك افتخر لا قالوا إني "مخاويك"=يامنبع الطيب قلبك والصفا في عيونك |
لاشفت رجولك تعورك
فهذا من كثر ماتجي وتروح في بالي |
يا هلي زينة العرس حطوها=فوق بيت صويحبي كامل الزيني شب قلبي يا هلي يوم شبوها=واحترق قلبي على داعج العيني |
العروسه يا هلي ويـن ودوهـا خبروا المجبور عن بنت الأجوادي فز قلبي و إحترق يوم زفوهـا وإرقصوا في عرسها كل حسادي سال دمعي وإنتثر يوم جابوهـا وهو ترا العرس الذي قطع فؤادي رحت يم العرس و دموعي شافوها وأتعذر كني عن شخص نشـادي ما بهم رحمة لهل حـد ردوهـا ولا سمعوا شكواي يوم إني أنادي إرفضوني بالخطوبـة و غشوهـا زوجوها شخص ثاني و أنا البادي رجعوها و إخذوا اللي خسرتوها وإخذو فوق اللي دفعتوه بزيادي رجعوها يا هل العرس ردوهـا دونها ما أعيش والله يالأجوادي إرحموا بنت صغيرة ظلمتوها لجلها تارك أهلي مع بلادي |
عقبآلك الزوآج يالنمر بنت الحيّا .. إللـي راسهـا فـي نحرّهـا=هي عشقي ... لو وصلها صعّب بالحيل .،. إللـي إتزيّـن نفسهـا فـي نظـرهـا=ماهـي إتزيّـن نفسهـا للرياجيـل |
انا جبتها مجاراه ماللى معنى فيها
إزرع الحب في صدري ياعذب النسايم وان جنيت الغلا جامح ويفـداك كلـه اقهر العاج والرمان والوجـد هااايـم خل عود القصب لاملت يبكي محلـه انت نور الصباح اللي عليـه الظلايـم مايغطـي سنـا نـورك ظـلامٍ تفلـه مايغذي غلاك الا غـلاك انـت دايـم والبلا في ودادك لاحصل فيـه خِلـه استغل الوصـل مـدام هالبيـن نايـم لاصحى قلت انا ونتـه ياليتـه ياعلـه |
جامّل الشمس .. لا تغمّض جفونك=دام أشّعة سناها بـــ / إتجاهّك .،. يا خي ... الشمّس لو تزعّج عيونك .؟؟=ما تبي غيّر .. ( لفّت إنتباهّك ) .!! |
ياللي ملكت القلب وسط النحايف
قلبي علـى لامـاك دوم إمِتولّـه انتِ الغرام العذب عذب الوصايف وانتِ حياة الـروح وروح كلّـه وانتِ سبب مرقاي فوق النوايـف وانتِ الربيع وزهرتـه مسفهلّـه |
عطشان لوحولي قراح المواريد=وأضما ولا أرجي من مطر غيرك الجود |
اقلط ترى غيرك من الناس شفقـان
اقلط ولك في روضة الروح منـزلّ لاياجميل العـود راهـي ورويـان انتَ الغلا والـروح والكـل بالكـلّ لاما سليتك يابعـد ضـيّ الاعيـان وشلون ابسلى وانت للعيـن محتـلّ اشتاق لك ياشوق شوقي من ازمـان شوق الضرير إلشوفت الدرب ويدلّ |
| الساعة الآن +4: 04:34 AM. |
|
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
