اقتباس من مشاركة المرتكز (المشاركة 1277120) صميدع راس نجم الجدي غير والجدي غير الله يهديك الجدي هذا خويكم معروف يقدم للضيوف هههههههههههه

اقتباس من مشاركة صميدع راس (المشاركة 1277128) مالك لوى يالمرتكز الجدي نجم والدليل توقيعة وبعدين ماهو خطانا انك تفهم كذا هذا فهمك اللي الله عطاك ههههههه وهاذي كلها اسامي مستعارة والا اللي يكتب وينظم ويبدع انسان ان قام والا قعد ههههههههههه

اقتباس من مشاركة المرتكز (المشاركة 1277129) لاتكثر الهرج وحول الطاروق جاك

اقتباس من مشاركة الجدي (المشاركة 1276841) السلام عليكم ورحمة الله وبركاته مساء الخير نظرا لمكوثي قرابة ثلاثة اشهر في حزب الشباب ولم يعين لي منصب ولم ارى اسمي في تشكيل الحزب الموجود في توقيع رئيس الحزب بندر عايش الله يذكره بالخير وسبق وان انذرتهم بذلك ولكن الطق في الميت حرام وانا الحزب اللي مايعزني مالي مكوث فيه والحر تكفيه الاشارة. وهذه ابيات وداعية للحزب الشباب الله يذكرهم بالخير: قايد الحزب يسمع او يسمع عضيده=موقع مايعز الذيب وش ينبغابه دامني وسط حزب ومعتبر به فقيده=والله اني لسكر صفحة في كتابه الجدي شال عفشه واعلن الكم شديده=راح يم الرجال اللي تقدر جنابه مار يااصحابنا بااقول فرصة سعيده=وكل واحد يفتش في دفاتر حسابه اخوكم: نجم الجدي

كل يوم الجدي جايب علوم ن جديده=وكل يوم ن يسبب ياجماعه طلابه
لكن الذيب الامعط مايساوي عضيده=ولوه ايصير ذيب ن ماكلته الذيابه
كيف مافيه منصب والمناصب عديده=الجدي خاين الاحزاب كل ن درابه
مرةن في مجله مرة ن في جريده=لاهلا في قدومه لا هلا في غيابه
يوم حزب الشباب الخصم قدمه يبيده=والجدي اول الاخصام وقت الحرابه

اقتباس من مشاركة البرمكي (المشاركة 1276984) اسمع انا البرمكي اذا ماعرفتوني يالحزب المتهالك اعرفوني الان لاتفسر علوم اهل الوفا اماتريده= نية الناس بيضا وانت ريشة غرابه انت ودك تسوي شوشره بالبديده= مار معروف ابو زهره سريع انقلابه مايلف النظر للحسحسات الوليده = لو تجر الحن بالحسد فوق الربابه لانتخينا على الملحد يقرب شديده= يرتجف من غضبنا من سكن بالهابه

غلطة الجاهل المطفوق يمكن تبيده=وانت فيك الجهل والعلم كل(ن) درابه
جيت طاير وفي قلبك شرار وقيده=شايل السيف لكن منت ماسك نصابه
العقول السقيمه والعقول الرشيده=ما تشابه لو البرمك يقول اتشابه
الغبي عادي يبقى في حياة(ن) بليده=لا غرابه حياة البرمكي لا غرابه

اقتباس من مشاركة منصور بن صبح (المشاركة 1278023) شاعر الوطن . صنديد الوغا . بيض الله وجيهكم على الرد على هذا الخاين وكفيتو ووفيتو

بسم رب خلق انسان واخر يبيده=دخنت واسمعوا ياقوم رد الاجابه
الجدي يوم جاكم مالقا مايريده=وكل رجل يعرف السيف عزه نصابه
مانويت القشر يالين شفت المكيده=بينه من ردود القوم يوم الحرابه
الخيانه طبوع اللي بليا عقيده=وانشدوا صاحبي منصور ذيب الذيابه
حزبكم يوم شيدنا البيوت الجويده=مالقينا تفاعل من جميع الصحابه
جاكم انذار واقروا في سطور الجريده=مار مابه قلوب واعيه مار مابه
اخذوا العلم وافي من هجوس مديده=ماتمد الزهيده في نهار المجابه
من زرع بعد بكره غصب يحصد حصيده=لين يعرف طعامه قبل يعرف شرابه
في ضميري علوم لو بنيت القصيده=اصبروا لين زبد السيل يحدر شعابه
الجدي يوم غنى شاف بالعين عيده=ناوي ينتف القرناس وايضا غرابه
يااهل العرف خلوها مساع حميده=لين راع المطية نحذفه في عذابه
ابو عشرين نية راع دار الحديده=يحسب انه غدير وبس عود سرابه

اقتباس من مشاركة المرتكز (المشاركة 1277120) صميدع راس نجم الجدي غير والجدي غير الله يهديك الجدي هذا خويكم معروف يقدم للضيوف هههههههههههه