لولاي اخاف الناس عـاذل ونقـاد
............................ماكـان خليتـك تـروح كـذيـا
(عندالعرب من ينكر الملـح والـزاد
..........................مافيـه خيـر ولابراسـه حمـيـا )

مهل الرويضي
يعطيك العاافيه ابيااات في غاية الروعه والجمال
صح السااانك ولاهنت
تحياتي لك

الشوق جمره جمر وازناده زناد = أوقد مهاديف الحنايا حميا

والقلب جرحه حي وعناده عناد = عطشان لجروحه وطعنك بليا

(ياورد) زرت بلاد , وبلاد, وبلاد = مثلك لنظرة خافقي ماتهيا

بين (الثريا) و (القمر) كان ميعاد = وأخلفت ميعاد (القمر والثريا)

وجيتك على ساقت مشاريه الاجواد = فيك الهقاوي كبر برج العليا

واثر الهقاوي مثل ( مصلحة الارصاد ) = يخيب منها شي ويصيب شيا

لاجاد بك غيري ولا حظهم جاد = جادك زماني لكن الحظ عيا

ان كان للتعذيب خدام واسياد = ماني بقايل وين هيا وميا

ارفع لك الرايه على روس الاشهاد = من دون كل الناس فيك الكفيا

لولاي اخاف الناس عاذل ونقاد = ماكان خليتك تروح كذيا

(عندالعرب من ينكر الملح والزاد = مافيه خير ولابراسه حميا )