انتبه ياجاهلاً طرق الغرام =قبل تندم بالغرام وتستضيم
انتبه ترى الهوى ماهو كلام=الهوى واقع حدث وامراً قديم
الهوى طرقه تقسّم بانقسام=تتضح مايذكر الفكر المليم
الهوى ليلاً يقل ابه المنام=والهوى نداً يجففه النسيم
والهوى له روضةٍ برد وسلام=مثل ماله عكسها ناراً جحيم
والهوى سمً معقم سم سام =يستسم بسمه الجسم السليم
لاسرى بالجسم تنهار العظام=سطوته تسطي ورى العظم الصميم
والهوى خصمٍ فلج كل الخصام =من يموت من الهوى ماله غريم
والهوى يومه مثل يوم التمام= شمسه مديمة وفيّه في غيم
صايمنبه لاشراب ولاطعام=من لزام الصمت والفطر الشهيم
والهوى قسمة على بسط ومقام= والنتيجة ياتليم أو ماتليم
والهوى شغلاً اداوم به دوام=ينتبه ريمان لجل عيون ريم
قاله اللي دارسٍ به درس تام=أجتهد في مدرسة راحل مقيم
بعدها صحصح من الطيحة وقام=واخلف المنهاج الأول والنديم
من نسى نساه قل الأهتمام=اذكرك واشكرك باسمك ياكريم
يالله إني طالبك حسن الختام=والنجاة بوقفة اليوم العضيم