البارحة سهران ليلي طول أدور للحلول =ابحث ودور وش وراء الدنيا ووشو دونها
لقيتها مثل الشجر وغصونها قبل الذبول=ولقيتها مثل الشـجر بعد ذبول اغصونها
ولقيتها صح انها بقعا العجوز ام الحثول=ان اقبلة حـيوبـها وان ادبرت يبكـونـها
والناس فيها معمعه والفرق بفكار العقول=ناسا تقدم قد مها وناسا حدو يبرونــها
وهذا يجمع من هذا قولن ومن هذاك قول=يبي يبعثرها على ناسن تشين اضنونها
وهذا يعدي للجبل يبي يصيد من الوعول=متعجبن من قصر قامتها وكبر اقرونها
وصارة الاشده للحصن وسرج حول للذلول=وقام الغراب يجاوب الورقا وغنا الحونها
نسو نهار الموقف الي من كبر شانه يهول=منه تشيب المرضعه وحبابها ينسونها
وصحيت انا من سجت التفكيرلكن في ذهول=مـن جور دنيا تاخذ العالم هبا بحفونـها
وحولة تفكيري على من ودهم لي الخثول=ولافيـه ناس سالمه من بوبشات اعفونها
قلت اسمعوني ياجماعة خير لحظه وش اقول=بقــول كلمه وحفضوها دامكم توحـونــها
انا ولا هـذي ولاذيه ولا عندي مــيول=الادروب المــهزله والله مشـوني شونها
امشي على وضح النقاء مخاف من قرع الطبول=ويبس اغبون النكد في حنجرة مغبونها
على دروب المرجله والعز سجيت الرحول=والكان ليلى بلمعاند حضرتي مجنونها
سلام يامبارك أمين المجد للعليا تطول=الي فعوله تقصر يدين الندم يصلونها
من روس قومن بلمكارم والظفر نعم الفعول=جـــم الشهامــه لابته بفعو لهم يردونها
يبو معاذ اقول وقبل قول من قلب امعلول=من الهموم الي بوسط الصدر زود احزونها
تراء الجبل بسمه جبل ثابت مكانه مايزول=لكن صعيبه قمته مكلهم يرقو نها
وان البحر في غبته معروف مرجانا ولول=لكن عجزهم ردهم من سوقهم يشرونها
ونته تعرف ان البشر فيها صحيحن ومهبول=وان الكسل يذبح بشر لكن بشر يحيونها
وحنا معك في رحلتك مدامك اسرجة الخيول=متخيب قومن من جلال الرب تطلب عونها
ورج السموحه منك ماقصدي اعلمك الحلول=لكن بيوت الشعر جتني وحترم قانونها
لن الزمن هذا تبدل فيه من حولن لحول=دنيا الندم محدن سلم من همها وشطونها
ان اقبلة مثل الشجر وغصونها قبل الذبول=وان ادبرة مثل الشـجر بعد ذبول اغصونها