لو سلمنا منك ياللي مثل عجراء الشاوي= كان سرينا اللحون اللي تسمى سامريه

يوم جبت لحونك القشرا لنا ويش انت ناوي= مادريت ان الشعر ورثي بعصر الجاهليه

علم اللي يعتزي لاعاد يكثر بالعزاوي=ثم يأكلها ويستادب من النكبه خويه
العلل واجد وانا علة نحر مالي مداوي=وانت لاتدخل معي في عنف والا مهمهيه

ابك انا ماني معلم للقطيفي والحساوي= او مراسل عند ابو وجه ٍ مثل وجه البليه

انت عله ما تخاوا بالحياه ولاتخاوي=لين ياطاك الحصان ولين تاطاك المطيه

انت منت ابن الدويش ولانت ابن عم الحاوي=انت راعي وانتبه لذيب ياراع الرعيه
الزمن كله عجايب والزمن كله بالاوي=وانت ثلاثها وعيد الفطر قدام الضحيه