حي الله اللي بالمواقف عنيدي=مايضيق لين يضيق صدر الحليما
وليا تعرض له ضبي الفريدي=أركى عليه من السلاح الجحيما
من عادته بالصيد دايم يصيدي=يوم الشباب ويوم شكله وسيما
يتعب ورى طرد الضبا مايهيدي=في برد ولا في نهار الحميما
ولنته يابو وزره وراهن وحيدي=معاك ناساً في هواهاً تهيما
واليوم جت لك بالمكان الوليدي=وحطيتها في صنف راعي الجريما
يمكن تحب اللعب فوق الجليدي=ماهي من اللي يودعنه حطيما
ليتك صبرت شوي يمكن تعيدي=فيها النظر قدام تعطي قسيما
وجهة نظر من حب خضر الجريدي=لصار تلفح به هبوب النسيما
ولا أنت رايك يابو وزره وكيدي=والله على رايك سميعاًعليما
تجيد في سرد القوافي تجيدي=تلفها لفة خيوط البريما
ونلقط بيوتك مثل لقط الزبيدي =يفهم معانيها اللبيب الفهيما

لاوالله الا خرب كل القصيدي= من يوم طبت في ضواحيه ريما
العام يلبس كل ثوبن جديدي = واليوم وضع الشعر ماهو سليما
ياعبس من هذا ماحد مستفيدي= الشعر نهج اجدودنا اللي قديما
الشعر وزن وقاف يابنا رشيدي = ومعنايسوق الخصم يم الخصيما
ماهو بكيفك تنقصه او تزيدي= مازون مايقدر عليه الغشيما
اشره على العمده علامه يحيدي= ماجابه اصياح الصغير اليتيما
وشره على القاضي1 زعيم النشيدي= هوليه ماجبر عضام الكصيما
وشره على سبع ٍ يضد الضديدي = عقب العلا حول لشعرن سقيما
وشره على ناصرلحيثه حديدي =ابن صويان الشجاع الفهيما
وشره علىاللي بالنهار المكيدي= المعزب اللي كل شعره حكيما
وشره على ابوذيل لوهو بعيدي= مانعذره يرضا بشعرن وخيما
خصيت من بالشعر حبله جويدي= والمعذره والكل عندي حشيما

بسم لله امولف قلوب العبيدي=الي عباده كلهم سيم سيما
الابمن تقواه زادة يزيدي=هذالصحيح ولاعلى الحق غيما
وضحتهاونظرات عينك بعيدي=وناس هذي عمي مدري تعيما
وحنا نعرف الاذكيىمن البليدي=ونت اتعرفنا كان هب النسيما
وضاح علمك واضح ولاتعيدي=متوقعه على صلاةالجهيما
تنقص رصيدي ماتزيدبرصيدي=وناعلى ماقيل هداج تيما
ونكان ماشره حزامي عضيدي=مالي بسوق الطيب والعزقيما