ياناصر خنيفر توهج توهاج = وسط سراديف الحشاء شي موجود
يالله دخيلك مالقينالها علاج = كود السهر والهم والعالم ارقود
غرون ركضبي بالحلاء والتغناج = الردف عالى والقبل رزة نهود
والخد صافي والنظر سم زعاج = حلو نباه ونايشة جل بالعود
اودع معاليق الحشاء خرج وفجاج = اشفق على حكيه ولو كنت مضهود
حالوت افرج ضيقتي يم سوهاج = هاك الديار مطوعة كل ممرود
وقطعت انا ذيك الفيافي والادباج = لعلي اسلاء عنه وعود بفود
واجحد نواهيش الحشاء وسط الادراج = كود الغلاء ينقص ولاكنه ايزود
كني سفينه ابحرة رغم الامواج = تصقفبها الامواج والوزن محدود
وسببت اناء لمرافقي هم وزعاج= نوب اقول اقفي ونوب نبي نعود
وغديت انا مابين بايع وحراج = هم يحدربي وهم رقاء سنود
اخاف من الدنياء الغدر والتبعاج= اخاف انا ياخوك هالوقت محسود
وانا يابو تركي لشرواك محتاج = يابن خنيفر ماكر العز والجود
اتم هل البيضاء مثل عد هداج = وحنا لكم عوان وبدود وعضود
وقت المغازي نهزم احزاب وفواج= ونصد غارات ونثني وراء فهود
جدي وجدك ماطو درب منعاج = حنا لنا عادات وعراف وحدود
يازبن من صكو عليه العداء وهاج= راسه شجاع ولا سبر درب مسدود
عطني جواب فيه للدرب منهاج= وزكي تحياتي عدد هبت النود