قبيلة بني رشيد - وش البيت الي تردده لاضاق صدرك؟؟

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - وش البيت الي تردده لاضاق صدرك؟؟ (http://ban3abs.com/aa/showthread.php?t=39354)

البيت اللي اردده
ياضيقة الصدر وش باقي على بكره؟
يا طول هالساعتين وطول غربالي !!

يالليل خبرني عن امر المعاناه
هي من صميم الذات ولا اجنبيه
هي هاجس(ن)يسهر عيوني ولابات
او خفقة تجمع بقلبي عصيه

أمشي غريبٍ بس مدري على وين
و أي الدروب الممحله تنتهي بي

الله من قلبن في دقه ورجفات ............ومن الشجاعه خايفنه يولي
مابـه بلا غـير حب الـبنـيـات ............الـي يحـبـن الدلع وتغـلـي
بعيد المصابيح

تعلمت أزيف ضحكــــتي والقلوب أسرار
على أني بخيــر في عيـــن من يجهل أحزانـــي

خلوني استانس معه دامني حي

لامت مدري جثتي من دفنها

ماجـور ياللـي مـن فراقـك تعلمّـت
ان الزمـن يومـيـن طيّب..وخـيّـب
فاجئتنـي بمفـارقـك مــا تولـمّـت
كـذا بـدون اسبـاب عنـي تغـيّـب؟؟
مامـت مـن فرقـاك لكـن تألـمـت
وراسي مشيّب لو مـا راسـي مشيّـب
ولولا الحيا من عاذلـي مـا تلعثمـت
طاولته اللـي فـي يـدي مـن قريّـب
اضحك واسولف وان لحقني سهر نمت
لـكـن قـسـم بالله مـانـي بطـيّـب
اكافح اهل الشمت بالسمت ..والصمـت
ومن شوفتـك صدفـه قعـدت اتهيّـب
اخاف اشوفك واكسر الصمت ..والسمت
وادعيـك تـو النـاس وانـا مغـيّـب
جيشك علي ما فـاز وانـا استسلمّـت
وذل المحبـه ذل مـا هــو يعـيّـب
تدري من المخطـي ولـو مـا تكلمـت
ياللـي لظنـي ظنتـي مـا تخـيّـب